翠亨邨 (美麗華廣場1期)

营业中

休息中

中午和爸媽來到翠亨邨吃飯，由於我已來過翠亨邨好幾次，這次特地帶他們來品嚐我認為值得推介的菜式。皇牌叉燒鴛鴦拼，黑豚肉叉燒和傳統叉燒分別放在左右兩邊，中間是甜甜的，有咬口的蠔油豆。厚切成粒狀的黑豚肉叉燒，夾著一層油脂，口感豐腴，充滿油香。傳統叉燒則非常鬆化，較少油脂，蜜味十足，當中帶點焦香。我們都喜愛傳統叉燒多一點，不愧為翠亨邨的皇牌。來到翠亨邨，不得不試這裡的老火湯。就連媽媽這個煲湯專家都想試一試，偷偷師。今天的老火湯是五指毛桃合掌瓜煲豬𦟌湯。二人份的老火湯連湯料一起上枱。湯水甘甜，感覺非常足料，我最欣賞的是廚師隔走了多餘油份，使湯水很清，喝起來很舒服。蜆芥鯪魚球是款十分出色的點心。鯪魚球的外層沾上米粉絲來炸，使其更香脆。鯪魚球足料彈牙，蜆芥醬味道濃郁，蜆肉粒粒飽滿。相較之下，爸爸想試的小籠包就略為失色，雖然皮薄，餡也靚（豬肉很嫩），但沒有湯汁。只有我們三人沒辦法點很多款式，翠亨邨的牛奶鍋貼、桂花蟹肉炒銀絲其實也非常出色，留待下次多些人來才點吧。

同家人&男行完街, 買完衫, 又試完一大輪, 行到攰攰地唔知食咩好, 又係OPENRICE搵下食咩好啦, 不如就試下翠亨邨, 都幾耐無去.入到去, 好多水母燈的裝飾, 有D賭場FEEL, 成個環境都係GRAND既, 坐得舒服, 又無乜人.我地叫左皇牌叉燒鴛鴦拼, 佢有兩款叉燒, 一款係似排骨既肉有D咬口, 另一款係比較腍身, 好正, 我覺得好味過大哥叉燒, 佢既伴碟蜜汁豆都都係我既至愛, 比我LAM哂!鍋貼牛奶拼安魚餅, 呢個好得, 上面真係炸鮮奶裡面既鮮奶, 放上塊多士一齊食, 嘩好正! 個D蝦多士真係要行埋一邊. 但可惜佢個魚餅就一般. 我地想叫D菜, 於是叫左個鵝肝沙葛生菜飽, 呢個食落好爽脆, 加上鵝肝的甘香味, 成個餸好FRESH!叫左個葡汁香芒海皇焗飯, 佢MENU寫需時40分鐘製作, 我地一坐低就即叫, 不過最後20分鐘上菜, 都不得不讚佢MANAGE顧客既EXPECTATION SKILL. 但呢個飯既味道就不是太突出了, 食落仲有D膩, 差D食唔哂.