翠亨邨 (美麗華廣場1期)

营业中

休息中

I like Tsui Hang Village Michelin restaurant with orange themed environment, the seats are comsy and i like the jade green sofa, very relaxing sitting here and enjoy the dinner with fam haaaFried Oysters in clay pot is coming with sands(2pieces sosad), sosad, even the taste is so good and well cooked with really crispy layer haa, and i like the soft and chewy texture haaa, soso yummy, you can taste the lovely seasoning, this dish is coming with 6 large oyster pieces haa, it’s easy for sharing ya

同屋企人去食團年飯，點佐個薈禧家宴六位/十二位用。 可能食客太多，晚飯趕唔切上菜。食品大部分上枱都係唔熱， 只係暖暖地。可一不可再👋1）鴻運乳豬全體不過不失，不過乳豬就肥咗少少。2）黑魚子香芒蝦球成餐飯，最出色呢道菜。醬汁開胃，好睇又好食。不過唔夠熱。3）翠綠炒帶子普通野，正正常常。不過蜜糖豆有好多絲。4）花膠海底椰燉螺頭湯花膠未燉‘林’， 湯唔夠熱。5）清蒸雙老虎班條魚唔知點解係最尾一道上既菜，而且唔新鮮。6）刺參瑤柱扒時蔬餐牌無圖無真相。刺參瑤柱扒，本黎幻想係有條刺參切下，原黎係一堆菜，上面有d 刺參絲。7）脆皮醬燒雞呢隻雞係令人太失望。個皮係脆既，不過肉質好林，無雞味。呢隻雞原價要$540 一隻，真係唔expect 差成咁8）生炒臘味糯米飯唔夠熱。成餐飯，比較滿意既就係2 個甜點。溫度夠。 •薑茶湯圓・合時美點

一入到餐廳嘅環境好舒服， 坐得好好。整體食物好好食， 尤其是冰鎮咕嚕肉鮮菠蘿， 第一次見有咁新奇嘅擺盤方式， 個咕嚕肉外脆內軟。叉燒非常滑漏， 可以要求瘦啲或肥啲，非常好！翠塘豆腐好香， 值得一試！

路經美麗華商場，到翠亨邨酒家吃午餐。這裏是米芝蓮推介的食府。由於只有兩個人，所以點了不多的食物。點了一個紅燒乳鴿、叉燒包和鯪魚球豆腐唐生菜。乳鴿體型比較少應該是妙齡乳鴿，炸得皮脆，味道非常不錯，雖然體積比較少但價錢不算貴。叉燒包是傳統的味道，可以吃到蠔油叉燒的鮮味，我覺得包點是比較甜了一些。大家知道豆腐和唐生菜都是沒有什麼味道，只是靠那個湯汁，他們這個魚湯底熬得非常濃，而且很有鮮味，所以豆腐和蔬菜吃起來也不覺得無味。鯪魚球數量不少，雖然味道一般但也是很不錯，兩個人埋單也只是$400多點，算在不貴了。但很奇怪這樣高級的食府洗手間的硬件和衛生比較差，希望他們可以改善！

十月尾見到Mira eShop的11.11狂賞節有翠亨邨 雙十一特惠 套餐買一送一優惠，便打算結婚紀念日去吃飯慶祝，窩夫與蝦子餅當年是在尖沙咀翠亨邨擺酒結婚的，特別有意思。特惠套餐兩位用原價1,595元，雙11優惠價798元，已包加一服務費和茶茗。事隔多重遊舊地，天花的「荷葉」還在。一打開法式焗蟹蓋 的蓋子便香氣四溢，焗蟹蓋的饀料厚厚的，蟹肉份量很足，加入洋蔥等配料，味道和口感更有層次。原個木瓜燉花膠鮑魚(原價每位198元)的燉湯清甜，平時較常用木瓜燉糖水，用來燉湯也不錯。燉湯裡有一件花膠和一隻鮑魚，鮑魚稍嫌不夠腍。脆皮王子鴿也是香氣撲鼻，王子鴿皮脆肉嫩，調味剛好，不會太鹹。濃湯浸時蔬用上蝦子餅愛吃的豆苗，成本比其他蔬菜高，很有誠意。豆苗軟硬適中，吸收了濃湯，卻又不會蓋過豆苗本身的菜味。鮮魚湯帶子蝦球手工麵的帶子大隻厚身，蝦球也不小，爽口彈牙，魚湯一點也不腥，配幼身的手工麵一流。芝麻煎堆仔新鮮炸起熱辣辣，特別好吃，裡面有蓮蓉饀，不是空心的。

晚餐，平日，四人餐1980，服務費茶位還要另外計算，性價比極低，上菜速度慢，份量少，服務一般，價位同環境唔配套，同等價位可以有更多選擇，怪唔得咁多人北上消費，香港真係唔抵

環境非常之寬敞，而且多位置，仲有大玻璃的景色，環境非常之好，服務亦非常之有禮貌，仲好體貼細心，我好滿意。交通非常之方便，附近已經有地鐵站巴士站等等嘅交通工具。我比較鍾意呢度食點心，所有嘅菜式我都好滿意，特別係今日食咗一個豚肉炒河粉，炒得夠乾身，而且豉油都好入味，豚肉亦鮮嫩可口，有肉汁，口感十足味道豐富。招牌蜜汁叉燒我都極力推薦，夠熱又淋，仲夠入味，仲有鹹水果，菠蘿叉燒包，數不盡嘅點心，我都好鍾意，價錢合理，所以我推薦俾大家。

我约了6:00吃饭，我6:00到的时候前台不是很客气，而且说还没开始要让我在旁边等15分钟，但其实已经开始了，因为里边有人开始吃饭了。而且明明6:00就開始，他為什麼告訴我要6:15？是歧視我們嗎？

話說一個星期二嘅下午，大約三點，去到尖沙咀想飲茶，唔知仲有邊間可以入座，諗起美麗華商場5樓嘅翠亨邨，即管試吓囉，佢又幾好，雖然仲有5分鐘就截單。都比我哋入，結果可以坐到四點，都算係咁啦，而且職員嘅態度唔錯，並冇因為我哋遲去阻住佢落場，而有面色俾我哋睇，反而招呼得幾好添，點心方面水準穩定啦，美心集團裏面嘅其中一個名牌，價錢當然唔算係平，但係喺咁嘅地段，面對着九龍公園嘅美景，自然光充足，都坐得好舒服，我哋人少少，叫咗幾個點心就算啦，費事太多食唔切又阻住人哋收工，結果每個點心嘅水準都好好，雖然食得趕啲😅我覺得其中最好嘅係蒜香春卷，因為佢炸得來唔係太油，裏面嘅餡料嗰啲蝦膠，都係清清淡淡，雖然係炸物，但係食落口都好清爽，味道相當唔錯，蝦餃就相當大粒，比起出邊而家一啲迷你版，真係足料，粉果裏面有少少胡椒粉，味道唔太搶，好味嘅，牛柏葉就最值得一讚，因為食落去就知唔係嗰啲中下價酒樓嘅貨色，零舍爽滑，同埋鮮味重好多，薑蔥亦冇話落得太多太油，整體嘅感覺適合而家一般人嘅口味，茶錢$18一個，唔算貴啦，而家好多好普通嘅酒樓都要收到$15啦，但係佢啲茶係唔錯嘅質素，下次有時間會再嚟。

今晚3個人去食飯，叫咗西蘭花炒龍躉魚片，牛肝菌豆腐及炸生蠔，龍躉魚片大大件非常好味，而且可以揀配菜西蘭花或者甜豆我哋揀咗西蘭花，牛肝菌豆腐亦好好味，值得一讚這個生蠔竟然好大隻，今日晚飯很滿意😜

今次買左尖沙咀Mira eshop 既dinner coupon，服務本身都唔抱好大期待（因為係另一分店常客，果間服務就好差）點知出乎意料服務好到200分！每個對接過既staff 都好好，唔係一兩個今次買既dinner 都好抵，$3xx pp 個set menu 有以下🍽蜜汁叉燒拼海蜇🍽番茄海鮮湯🍽葡汁焗釀蟹蓋🍽珍菌醬木耳炒菜苗🍽脆皮乳鴿🍽黑松露雞絲翡翠苗炆伊麵🍽芒果布甸份量唔算多，但真係差唔多每樣都好食，真材實料特別係個湯好出色，蕃茄原個上，入面放左海鮮，大大粒蝦同帶子，個湯都好濃海鮮味布甸都好好味，好足料好多芒果，香濃但唔假香精味唯一有挑剔係乳鴿，瘦左少少叉燒實在太好食，好軟嫩但唔肥，所以另外叫左份例牌，都只係$188, 質素相若座位亦冇中環咁逼，枱同枱間空間感好足，食得好舒服另一個值得讚既係，臨近中秋呢d 時間去酒樓都比人sell 月餅，呢度都有講一兩句，但點到即止，no pressure

今晚約咗中學班主任同埋同學仔去尖沙咀美麗華商場翠亨村食晚飯🥰大家有傾有講好開心，突然間覺得點解好似等咗好耐都冇嘢食嘅呢🤔🤔一睇返我影相嘅時間，一個鐘頭多先食咗兩個前菜同一個餸😓同經理反映幫忙催吓啲餸啦，經理都認同個廚房唔知搞乜，佢都覺得我哋好似食緊法國菜咁😒仲要其實個場一半客人都冇🙁🙁餸菜其實都好味嘅，樓面服務都好好，地方寬敞，我哋敘舊傾偈好開心，如果大家想食法式嘅中菜可以試吓㗎⋯⋯只係等耐啲啫🤪🤪炒蝦球、扣海參、炒飯等味道真心唔錯👍🏻👍🏻

因為方便睇戲，又想飲茶，因而選擇翠亨村，諗住中環嗰間味道都算ok. 結果係錯誤嘅決定 (22號1整日2間餐廳都大失所望), 只叫4個點心，蝦餃皮好乾，d蝦同百花魚肚1樣，蝦應該唔太新鮮，有小小怪味，另外义燒腸同點心小店沒有分別，以價錢嚟講，應該都唔會再嚟，唯一覺得就只係枱與枱之間有距離，唔會覺得好迫，環境對面喺九龍公園，如果有埋好味嘅點心就正，可惜！！ 以後飲茶都係去返去開嘅心水酒店餐廳安全d, 起碼錢比咗，味道唔會令人失望!

食物尚可，經理/部長服務欠佳。竟然話今晚訂位多，唔可以俾我哋放袋。幸好另一個女服務員後來給我們一張，其實我哋走時仍有不少空枱。另外只係叫左一份甜品芝麻卷，因為埋單慢又趕住走，上到車才發現多收，打左幾次電話及留言也冇人回覆，實在令人失望😫

兩個月前帶幾個外藉同事來到這裡食晚飯，當時食物和服務質素，使我回味。但今次沒有外藉同事的晚飯和之前比較的真是天與地。晚上7:00 來到，點了5個菜，服務員回覆，只有兩個可供應，其餘已賣哂頭抽煎雪魚和貴妃蝦球，炸得太乾嚮螺湯淡味，好似溝了水，似例湯多啲人手不足，全程沒有有換碟和收碟上甜品時，要客人開叫要求服務員收拾枱面和換碟，他們才有行動人均消費要$6xx，但換來的食物和服務質素是這樣，真是不太值得可能今次沒有外藉人才有這樣的服務或是換了廚師