瀧

营业中

休息中

慶祝BB生日，特登揀左間中環嘅高級日本餐廳食Omakase。入到店面好快就被安排左係omakase檯前坐。食Omakase其中一樣食嘅，係食服務。服務都幾周到，一開頭比齊menu同濕毛巾。揀完食咩餐，一場長達三小時嘅食飯體驗就開始啦～前菜係松葉蟹蟹膏配昆布暏哩。一坐低就有蟹蓋食，超開心！！蟹膏加埋啫哩，口感好得意～第二道都係前菜：有柚子豆腐、甜薯、芥末魷魚同海膽鵪鶉蛋。當中最欣賞係個豆腐，真係好香柚子味，一擺落口有好fresh感覺。之後有湯濕濕個口：蜆肉清湯。其他餐廳或者只會有一隻蜆，但呢道比夠3隻！清有好清甜，好味！之後就到我最鍾意食嘅刺身啦！有平政魚、池魚同拖羅。當中大拖羅真係正到震！層油好肥好香，完全做到大拖羅應有口感！平政魚同池魚都非常新鮮。掂啊！下一道係子持魷魚。入面係滑珊珊嘅..老實講唔係好慣，當自己食緊秋葵咁，不過個汁好好食，好濃好似燒汁咁。經理話呢個係季節限定，當係試吓新嘢～已經數唔清係第幾道菜：慢煮豬肩。望落已經知道好淋好食，食落有炭燒味，而且煮到好軟，真係名符其實慢煮嘅料理！ 都幾有驚喜！望住師傅點蛋漿，就知道食天婦羅時間到啦！調味料有普通鹽、芥末鹽、檸檬同蘿蔔蓉。

天婦羅，一種日本傳統的炸物製法，亦是筆者最喜歡的炸物之一，那種酥脆鮮美，實在令人回味無窮。前陣子朋友邀請來到中環一間天婦羅專門店享用了一頓天婦羅廚師發辦，大廚對，食材和製法的講究與堅持，著實讓筆者大開眼界，深表佩服。落戶於中環威靈頓街的商業大廈之內，店內裝潢時尚高雅，用上了黑、白、藍做為主調，神秘感中顯出風格。牆上一幅以激流巨龍為主題的彩色手繪，栩栩如生，動感十足！長方形的格局內設置了可容十三人的巨型廚桌，Open Kitchen 的設計，可以欣賞到大廚即席泡製天婦羅，金黃色半圓形，餐廳特別訂製的天婦羅炸鍋是整個廚房的焦點位，能近距離看著大廚瀟灑的手藝，又是一種特別的經歷享受。專門做特色既天婦羅餐廳主打即炸天婦羅，每個廚師發辦的套餐都含有天婦羅的菜式，筆者選擇了名為［極］的廚師發辦套餐。先付松葉蟹肉、蟹膏、海膽撈，冰鎭著的松葉蟹殼盛著松葉蟹肉棒、蟹膏和海膽還有鵪鶉蛋，店員解說將所有材料拌勻便可食用，一絲絲的蟹肉沾上了蟹膏的濃香和海膽的鮮味，入口鮮甜滿有蟹香，食材間完美配合，啖啖精華，是一道很有海洋氣息的頭盤。前菜四小碟，四款前菜用上四種不同的演繹方式。合桃豆腐，是大廚自家設計泡製的，以