喜來稀肉 (瓊華中心)

营业中

休息中

𓊈喜來稀肉𓊉 以前最鍾意約埋三五知己一齊食，可以喺香港屹立咁多年，質素當然唔會低，7款前菜任食👍🏻 爐邊蛋仲有分普通款同埋芝士款，燒咗一段時間啲蛋都係咁嫩滑，仲可以𝐫𝐞𝐟𝐢𝐥𝐥架🫶🏼.❥ 韓豚五花肉 $𝟷𝟾𝟶◭ 推薦 ◮五花肉啲肥肉喺烤爐上燒到吱吱聲，望住佢溶化真係好療癒😂 我個人喜好鍾意燒到佢微焦，咬落去脆卜卜嘅外皮，加上油脂同肉汁滲出嚟，真係諗起都想再食🥹 真心推介你要食.如果覺得膩嘅，可以配埋生菜、前菜一齊食，≪連生菜都係無限𝐫𝐞𝐟𝐢𝐥𝐥㗎≫.❥ 真雪花牛肉 $𝟸𝟸𝟾油花分佈得好均勻，輕輕燒兩下，油香已經飄出嚟，口感柔軟而牛味濃郁.❥ 石鍋豬肉拌飯 $𝟾𝟻海量嘅紫菜鋪面，配埋太陽蛋同埋幾款韓式配菜，其實淨食燒肉已經好飽，呢個飯好適合食量大嘅你。

呢間韓式燒肉嚟香港開咗好多年，應該好多人都食過～ 今次嚟食見到佢哋做緊10周年優惠，有7款肉都做返10年前嘅價錢，都幾抵食！雖然個優惠而家完咗，不過都推介食韓燒嘅朋友仔試吓～ 一坐低店員就會加蒜同埋倒蛋汁落爐邊，有一半爐邊蛋仲加咗芝士，而且有得免費refill真係好正！泡菜、生菜同醬汁都係自助，配菜都有幾款，夾多幾次都無問題！店員仲好主動換網，服務幾好👍🏻🔸真雪花牛肉 特價$200用木盤裝住，幾打卡～ 有十幾塊，牛肉每面各燒幾秒就食得，肉質軟嫩，牛味香濃！配油鹽醬食好正！又可以用生菜包住、加啲泡菜一齊食😋🔸護心肉 特價$130招牌肉之一，護心肉係豬嘅橫隔膜同肝之間嘅肉，數量比較少～護心肉油份唔多，口感比較爽滑！都幾好食！🔸水冷麵食燒肉當然要配冷麵啦😍 叫咁碗水冷麵試吓，估唔到好好食！香港嘅冷麵好多都一般，但呢度嘅好正宗，冷麵湯好清爽又夠味！唔會淡而無味，同喺韓國食嘅味道好似！麵條好煙韌爽口，好好食👍🏻

呢間韓燒係蕃薯妹必食推薦名單內頭三甲！食過銅鑼灣同尖沙咀分店都覺得好出色！今次嚟試吓旺角分店🤩旺角分店嘅裝修比較Cyber feel，以黑藍色為裝修主調，我鐘意佢嘅座位以卡座為主，非常寬敞舒服！旺角分店同其他分店一樣，所有醃菜配菜&調味料都係自助形式自己出去攞，無限添加！佢哋嘅泡菜同醃蘿蔔係超好食！🤤調味料除咗有烤肉醬、韓式辣醬呢啲基本嘢之外，記得一定要攞香草鹽同埋麻油！用嚟點牛肉好好味🤤爐邊蛋一樣係無限添加，一邊泡菜蛋，一邊芝士蛋，我哋食咗兩轉🤤😂============ヽ(○´∀`)ﾉ♪今次試咗幾款未食過嘅菜式🤭«真雪花牛肉»份量多，牛味重有嚼勁，油花唔算好多但係口感軟熟，唔錯👍🏻 伴碟嘅翠玉瓜同埋菇記得要燒肉嘅時候放去爐邊一齊燒，吸收咗肉汁嘅蔬菜更好味😋每次嚟都食五花腩，今次見倒有新嘢！試吓比較特別啲嘅«特殊背花肉»🤭 呢個位置嘅豬肉當然冇五花腩咁有油脂香，但係豬肉味比五花腩香濃，而且入口口感特別，軟嫩唔韌，亦無五花腩咁油膩，推薦要試吓！用嚟包生菜食啱晒🤩«牛排骨湯»湯頭比較清香，飲落去有濃厚牛骨味！咁細個煲仔入面竟然有超多牛骨🤣 牛排骨肉煲到勁淋，湯入面有韓國粉絲索晒牛骨湯精華

今日Lunch 好開心 老公陪我去咗食韓國燒肉☺️我食燒肉佢就食石鍋飯😘 幾鍾意佢哋呢個藍色嘅主題裝修😍呢度有個自助區，可以任食韓式嘅前菜：泡菜、芽菜、蘿蔔、青瓜。仲有提供生菜🥬可以夾埋燒肉食，另外有幾款唔同醬料可以選擇。🌟真雪花牛肉🌟個雪花牛肉油花分布平均，肉質唔錯，輕輕燒一燒就食得，點佢哋嘅烤肉醬油再用生菜夾住一齊食超好食😋特別要提下佢哋嘅🌟爐邊蛋🌟- 可以無限refill 我最鍾意個程度去到少少脆邊中間仲有啲蛋汁食起來好滑😚🌟石鍋豬肉拌飯🌟石鍋拌飯個醬汁係分開上，醬帶有輕微嘅辣，可以按自己喜好加入多少，石鍋拌飯最好食一定係要食埋個微微焦香嘅飯焦。🌟迷你薯仔餅🌟薯仔餅有3 塊，煎得好香脆，裡面好足料咬落去口感豐富，點埋特別配嘅醬汁好夾。

韓燒最大特色係好多配菜夾埋肉一齊食，自我安慰健康啲🤭 呢度有免費自助餐bar，有泡菜、酸蘿蔔、生菜、芽菜🥬等傳統韓式配菜和調味醬都係任攞。除左燒肉都有少量韓式定食，份量夠晒飽肚有肥膏起油鍋加分💕 爐邊仲有蒜片、生蛋液都係任加，蛋香十足。爐燒焦左會即時換，不過抽風系統有待改善❥ 真雪花牛肉 $228/150g油花均勻分佈，燒熟啲反而好食🤔 夾住蔬菜絲、酸白蘿蔔、泡菜，用生菜包住，無膩感。❥ 牛舌 $148/150g牛舌雙口，預先有汁醃製，好夠味❥ 韓式海鮮煎餅 $90偏厚，有魷魚和椒絲，蘸取秘制汁特別好味😋

呢間 #喜來稀肉長期都full既燒肉店 究竟有啲咩來頭？😏入到去枱同枱既距離好闊 燒肉店都會有好大浸油煙感但呢到只係好小油煙味 抽風都做得唔錯👍🏻呢到有自助前菜 自己可以出去夾想食嘅前菜有喜來泡菜 涼拌芽菜 蔥絲 青瓜等 🥒其實真係好抵食👍🏻👍🏻出面細細份前菜都要$20up真雪花牛肉 $228 🐄呢到既真雪花牛肉真係好高質 你會見到牛既脂肪花紋分佈平衡 真係好似雪花既條紋❄️所以燒出嚟牛肉味好香濃 🥳牛肋骨肉 $150🐮油脂感好香 肉質鮮嫩 一啲都唔韌 又富有牛味燒到帶焦脆 好好味☺️石鍋牛肉拌飯 $85🥘食韓國菜我都會必點石鍋飯 新鮮熱辣石鍋飯好香 仲有少少飯焦係底配料又多 有蛋 牛肉 芽菜 蘿蔔絲等等 自己會再加啲泡菜落去 撈醬汁就好野味☺️烤蛋 🍳蛋漿入面加有芝士 食落去好滑又有芝士味 好邪惡呀🙈🙈幫你食晒嗰陣 侍應幫你再加蛋漿靜靜雞話你知原來好多侍應都係韓國人 感覺你真係好似去咗韓國咁🙌🏻🙌🏻🤗

瓊華一向多美食，適逢行行吓旺角勁大雨，就揀咗位於瓊華7樓嘅喜來稀肉嘆住等雨停。呢度嘅服務同環境都幾好，工作人員又勁Nice，啱啱坐低，佢哋已經埋嚟整好個爐同爐邊蛋俾我哋，一邊嘅蛋漿仲加入咗大量芝士！因為唔係太肚餓嘅關係，我哋只係叫咗一款燒肉—真雪花牛肉。揀雪花牛嘅原因係覺得牛肉嘅油脂分佈會平均啲，食落會有啖啖油香味。燒到剛剛好熟，就可以用生菜夾住，加入蒜頭、醬料同少少辣泡菜同大豆，成件事勁清新勁爽脆，夾埋一齊食真係好正。順帶一提，生菜、前菜（包括泡菜、醃蘿蔔、醃青瓜、大荳等等）都係任夾～而醬料亦係俾大家自由斟取。除咗燒肉，我哋仲揀咗嫩豆腐湯同辣炒年糕。嫩豆腐湯啲料好足！入面有金菇、嫩豆腐、蜆肉、大蔥、洋蔥同雞蛋，味道濃郁，少少辣勁好味。而一向鍾意食煙韌嘢嘅我就俾個辣炒年糕10分！出面食嘅辣炒年糕通常都太過濃味或者辣到要狂飲嘢，但呢度整得幾出色，夠滋味之餘唔會得個辣字。我揀嘅柚子汽水甜度剛好，同埋唔知點解覺得柚子飲品本身就同韓國嘢食好夾，而老公叫嘅桃味酷啤斯係我哋第一次飲，會比較甜，但都幾夠桃味～

唔經唔覺，原來已經4年冇去過韓國食烤肉🥲，今日就約左朋友去食喜來稀肉補返數👭～之前都去過旺角分店嘅舊舖食烤肉，搬咗新舖後，坐位更闊絡、坐得舒服🥰👍🏻前菜同醬汁係自助餐形式自己出去拎，其中我覺得最好食嘅係涼拌大豆芽同喜來泡菜😋～我哋揀咗真雪花牛肉🥩、牛護心肉🐮🫀同埋喜來五花肉🐖配特製醬汁～真雪花牛肉🥩（$228）一睇到啲雪花紋理就知道係靚牛肉🥩，同埋好新鮮😍，食落仲有好香濃嘅牛味🐮，入口即溶👍🏻牛護心肉🐮🫀（$160）護心肉好新鮮，牛味都好濃郁，同雪花牛係唔同嘅texture，比較有咬口～喜來五花肉🐖配特製醬汁（$150）用咗秘製醬汁醃嘅豬肉味道偏甜，入口有豬味🐖，但比較細碟🙈今餐食得超滿足，下次要再嚟encore😋～