喜來稀肉 (已結業)

我真係好鍾意食韓燒， 更加鍾意去韓國旅行， 可惜仲未有得飛， 唯有不停在香港吃韓國菜。 今次約朋友到位於旺角廣華街3號百利達廣場地庫的喜來稀肉吃晚飯， 店舖位於地牢下面大約行一段樓梯就到達，裏面環境燈光偏暗， 坐低不久已經聞到香噴噴的燒肉味， 我就急不及待地點好菜式，水冷麵$85、 石鍋拌飯$85、喜來烤肉$138、 喜來五花肉配特製醬汁$133。喜來烤肉～ 薄薄的一片， 燒起來比較容易， 多汁肉味重。喜來五花肉配特製醬汁～五花肉色澤粉嫩，油花與肉層層分明， 口感煙煙韌韌的。水冷麵～ 每次食韓菜必點水冷麵， 喜歡冰冰涼涼的口感， 麵條煙韌， 重點是配上醋和芥末， 拌涼透心。石鍋拌飯～ 是韓國的傳統料理， 拌飯的材料有不同顏色的新鮮蔬菜， 再配上韓國辣醬， 因應自己的口味調教辣度。當晚特別想吃燒肉， 仲有爐邊蛋、泡菜和各式各樣的韓式前菜， 真是大滿足。

好耐無去過旅行，今日放工就去獨食一下自我享受之間同同事去過尖沙咀的店，今次來旺角廣華街的店，這間在地舖的更寬敞更舒適，喜歡這邊的設計好靚，又一格格的更有獨立性，又乾淨舒服；服務員是韓國人，友善又有禮貌，會幫忙客人有午餐餐牌，選擇有湯有飯有麵，抵食之選！韓式前菜：微辣泡菜、泡菜沙律、酸青瓜紅蘿蔔、醃蘿蔔，與燒肉一齊食有另一番風味1. 午餐：石鍋拌飯熱辣辣又香噴噴上枱，有飯焦好香口，足料的拌飯，有紫菜碎、流心煎雞蛋、紅蘿蔔、菠菜、豆芽、豬肉片等，加入韓式辣醬，均勻拌好好健康又美味2. 牛護心肉選了推薦的牛護心肉，特別嫩口肉紋分明又新鮮，牛味香濃無筋易咬，好易燒好快食得；更有雞肶菇片，燒出汁就好好食；鍋邊的雞蛋烤熟後好香好滑，有泡菜的及芝士的蛋漿，不同感覺，正！支持支持地道餐廳，下次再來❤️

約朋友到喜來稀肉食韓燒， 餐廳在旺角非常方便適合朋友聚會。 叫兩款燒肉～喜來烤肉$138、 喜來五花肉配特製醬汁$133， 再加水冷麵$85和石鍋拌飯$85。 喜來烤肉是薄身牛肉， 放落燒爐裏面烤一烤很快就熟，見到是招牌菜色， 肉味香濃， 味道果然好！喜來五花肉配特製醬汁， 唔算好膩， 包上生菜和特製醬汁，味道提升。 水冷麵清涼好味， 最鍾意加上芥末， 越食越開胃。 最後到石鍋拌飯， 材料豐富， 最正係熱辣辣， 又有飯焦香。食韓燒除了燒肉， 爐邊蛋和前菜都重要， 爐邊蛋有無限添加，正！

最近愛上左食韓國菜，不過就唔知邊到好食，所以今次就跟朋友來呢家，原來係好出名的食店。在旺角的市區地段，一家好大又有空間感的餐廳~呢到既環境裝修好RAW，入到來有D好像去左另一個國家的感覺呢....店員之間係講韓文的，餐牌上都有中、英、韓三種語言，真係好有旅行FEEL呢~!除了烤肉之外，呢到都有其他常見的韓式菜式，選擇好多。一開始，泡菜是必不可少的喔，都有4-5款的泡菜，正~!烤肉先來一碟豬護心肉，呢個真係好特別的地方，因為係豬既橫隔膜之間的一D肉，食入口好林，而且好鮮甜呢~一D都唔會痴牙架~~超正. $158, 200G牛肉方面我地真選左招牌既喜來稀肉，係好薄的牛肉，配上店家的秘製汁料，$138有180G. 牛肉真係切得好薄，一放入鍋就差唔多熟，好像打邊爐咁拖一拖就食得了。因為好薄，一入口就香氣滿溢，汁味道帶甜，好好食呢。熟食方面我地叫左最愛既石鍋拌飯$85，熱辣辣的石鍋傳來飯焦味，拌上韓式醬料成為左美味的主食。另一個係我最愛的海鮮蔥餅$90，好多蔥呢，所以真係好香。海鮮有魚尤魚，也有蝦，好好食因為餅或好脆呀。整體真係食得非常滿足~而且好好味~食物質素真係高。

今晚我們同一個好多年無見嘅好朋友食飯，我們去咗旺角廣華街嘅「喜來稀肉」食韓式燒烤！我們叫咗喜來烤肉、牛五花、牛肉眼、牛舌、牛肋骨肉、五花肉、豬頸肉、炒年糕同石鍋拌飯！喜來烤肉嘅賣相超級精緻吸引，因他們將幾片薄身牛肉堆砌成一朵玫瑰花，真係非常有心思，而肉質就好有彈性，肉味亦好濃郁！牛五花係好薄身嘅五花肉，肉質相當軟滑，雖然脂肪比較多，但唔會有好油膩嘅感覺！牛肉眼真係超大塊，肉質好鬆軟嫩滑！牛舌亦都係切得好薄身，肉質好爽口嫩滑！牛肋骨肉嘅脂肪分佈非常平均，肉汁亦相當多！五花肉嘅肉質都幾厚身，口感好豐富，而且充滿著油香！豬頸肉嘅肉質好軟滑爽口！炒年糕嘅醬汁味道相當惹味同唔會過辣，韓式魚蛋、牛肋肉同非常煙韌彈牙嘅年糕，吸收晒惹味嘅辣醬，真係超好味呀！係本人嘅必食推介！石鍋拌飯嘅材料相當豐富，飯焦亦好香脆！爐邊嘅蛋，一邊係泡菜，一邊係芝士，泡菜就比較惹味，而芝士就比較軟滑！