留白

营业中

休息中

留白（荃灣）💛••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：·班尼迪 $78·慢煮牛Bagels $65·石 $55••••••••••••••••••••••••••••••♥️食評：Egg Benedict有驚喜！成碟菜嘅靈魂荷蘭醬唔會過酸，不過好似食唔到有煙燻紅椒粉嘅味道，如果有就更上一層樓啦！隻水波蛋都唔會過熟，夾埋煙肉、酸包一齊食，味道好有層次！唔錯！Bagels係佢呢到出名嘅菜式，兔兔覺得bagels幾煙韌，不過朋友話可能食唔慣，覺得有啲硬🤣但牛肉唔韌而且幾重牛味，仲有好creamy嘅芝士味！都幾好味😋石，係一舊石頭外型嘅甜品！外層應該係白朱力，裡面有白朱古力慕絲同紅桑子醬。呢個配搭好好，唔會令個甜品死甜，加埋旁邊嘅朱古力餅碎同莓果，令口感更特別！而且打卡一流～••••••••••••••••••••••••••••••♥️特色：個人認為餐廳最得意係甜品！除咗石之外，仲有蕉同蛋。每碟都好似藝術品咁好靚，打卡100分！•••••••••

話說上月尾,已經想嚟留香食嘢,但搵唔到,之後喺呢喥見到有個食評影咗留白舖面對出嘅位置,就憑呢個樓梯底,我哋喺大前(18-10-2020 Sun)日就嚟搵,原來佢喺轉角‧見隔商場門口嗰邊=.=".我哋喺開門前嚟到,已經有8個人等o緊,好彩室內座位都夠,我哋都可以係第一批入座,睇完menu,我哋決定要:2. $60.00嘅慢煮雞胸bagels(貝果)呢喥嘅貝果係用加上罌粟籽嘅,增加口感之餘又香口,雞胸肉幾厚同清淡,但配以忌廉芝士就啱啱好,沙律菠菜新鮮.味道:5分3. $42.00嘅蝶豆花乳酸蘇打叫嘢食嗌就減$10.00,呢杯即係$32.00,顏靚就不在話下,用蘇打溝開乳酸,飲落舒服.味道:5分1. $68.00嘅素早餐有炒蛋,番茄,沙律,大啡菇,牛角包.我見到炒蛋仍然熱到出煙,呢個炒得好嫩滑,好正. ;牛角包塗咗牛油,本身佢酥皮外層已經微甜,加上又烘脆咗,好邪惡,大啡菇淋上黑醋,好好味.味道:3.8分6. $35.00嘅熱鮮奶抹茶我哋落晒單後,老公至諗到飲咩嘢,而根據上文講,叫嘢食嗌嘢飲就減$10.00,但走人埋單時,呢杯竟然冇減到,點解店員會咁大意?講返杯嘢,呢個正常冇問題.味道:3分食

難得星期五禁晚市堂食解禁, 星期日就嚟黃店慶祝吓。入店前, 梗係要量體溫啦, 量完體溫, 用消毒酒精消毒完對手之後, 由店員安排進店, 雖然舖仔細細, 店內只有五六張枱, 但真係估唔到有好高質素嘅食物。我同 P San 每人點咗一樣嘢食同一杯飲品, 仲有每人一份甜點。 首先嚟到嘅係慢煮牛 Bagel。 店家好細心, 個 Bagel 送到嚟嘅時候已經幫我哋砌開咗一半, 方便我同 P San 進食, 由於個 Bagel 唔算細, 我都係用刀叉砌嚟食。 望落去好飽滿, 當然有主角慢煮牛啦, 當中仲有生菜、生洋蔥、芝士片, 我一砌落去, 外面仲有少少脆, Bagel 入面軟軟的, 食落原來 Bagel 入面仲搽咗層 cream cheese, 令到本來看似平平無其嘅 Bagel 更香更濃味, 而牛肉方面亦好出色, 不但有牛味, 慢煮牛當然係唔韌, 亦都幾 juicy, 食落有驚喜。而 P San 點嘅 Egg Benedict 亦令到 P San 有驚喜, 平時 P San 好少叫有芝士嘅食物, 因為怕會好滯好膩, 但喱個 Egg Benedict 唔會, P San 竟然覺得配搭得恰到好處,

呢間餐廳其中一個特色是他們的甜品，運用了分子料理的技巧製成。首先要介紹的是蛋蛋殼是白朱古力，蛋黃是芒果同熱情果蓉左邊黑色的是朱古力班戟，右邊泡沫下是雲呢拿雪糕和朱古力碎紅苺。四種不同味道口感，食落口感好得意。三樣甜品中我最鍾意蕉，前半真蕉部份是焦糖香蕉。後半蕉皮係白朱古力脆皮，入面係雲呢拿雪糕。同蛋一樣，蕉都會有朱古力班戟和朱古力碎紅苺。最後一款是石，外型較平凡，但一樣落足心機。外殼係白朱古力，入面係白朱古力慕絲和紅桑子醬的流心。

為咗個甜品再訪留白，呢間cafe主打分子甜品，menu內共有三款可以揀，個名全部係單字又無description好神秘，真係唔知個成品會係點。.石:姑勿論佢好唔好食，個樣已經呃到人，舊“石”係用白朱古力做嘅，個面係雲石紋嘅脆皮，敲開會見到幼滑嘅白朱古力慕絲，所以甜度較高，但餡料係酸酸地嘅紅桑子醬，中和左外殼個甜味。伴碟有冰凍嘅莓果，下面有餅碎同朱古力粉扮泥土，擺盤好有心思，味道亦唔錯，咁嘅價錢好抵食！

周未去過通常都要等位，而且店舖較細所以位唔多，比較推薦同兩三個三五知己或者情侶難得男朋友閒日放假，終於有機會去留白食個輕午餐。慢煮雞胸Bagel雞胸唔會整得好柴仲好juicy配合蛋同cream cheese都唔會好漏仲好細心咁切半容易啲食唯一美中不足就係個bagel唔夠熱，烘一烘就加分啦石擺盤好設合主題嘅一道甜品朱古力包裹住忌廉、紅桑子醬同蛋糕入口甜中但帶酸 配合苺乾一齊食 值得一食 有機會試埋另外兩款甜品兩杯飲品就中矩中舉啦

今日約咗好耐冇見嘅中學同學食飯，近近地又喺荃灣。跟住荃豐商場都有好多唔同嘅嘢食，而呢間小店之前都好多人排隊，難得今日食得早啲就可以嚟試吓佢嘅餐牌款式唔係話好多種，比較特別嘅係佢會有一啲特色Bagels，但係因為我哋兩個都肚餓所以就冇嗌到。🤪🤪我哋最咪嗌左一個黑松露野菌意粉，同埋一個菠菜忌廉三文魚意粉，另外再加多一個甜品🍮首先上咗個菠菜忌廉意粉，賣相唔錯，值得一讚嘅係菠菜份量幾多，之前食過其他餐廳有啲係得幾片🥱味道方面覺得有少少偏重口味，要一路飲水😂黑松露野菌意粉上枱嘅時候好香，野菌都有好多舊，味道方面比上一個菠菜意粉更加重口味，真係有少少過咸，唔知廚師係咪重手左呢？😂😂之後就到期待左好耐嘅甜品，因為佢喺餐牌上面係冇形容嘅，個名都好特別，呢一款叫做「石」，上枱時我哋都好有驚喜唔知得個樣靚，味道都好味入邊有果醬同埋蛋糕加埋慕絲，隔離嘅野莓嘅酸度就中和返蛋糕嘅甜度，真係好有特色好值得一試！

荃灣文青Cafe 環境舒服好岩朋友傾計這個叫石的甜品是用白朱古力做成的流心是紅桑莓...再配埋一粒粒凍冰冰嘅紅桑莓酸酸甜甜又幾特別！有口感重點又不貴。平民化高質甜品👍🏻👍🏻