Y Dining (已結業)

不經意間發掘到旺角有間情調西餐，牆上用左北極光主題，環境都幾別緻，好啱couple / 朋友仔食下飯傾下計~而家餐廳做緊個90分鐘任食青口及指定生啤/汽水任飲，仲有4種醬汁揀，好特別！我幾欣賞個白酒忌廉汁，食到微微酒香，個汁幾creamy, 青口份量好足，同個汁一齊食幾夾！另外個意式蕃茄汁都唔錯，酸酸甜甜咁，作為前菜幾開胃😋 食完晒青口，再用香脆蒜蓉包沾汁食，吸晒d精華，個味又鮮又濃🤤我地仲叫左個好過癮嘅主菜 - 砵仔酥皮焗牛面頰肉，望住職員完美地切開上面塊酥皮，感覺好治癒~ 酥皮聲夠清脆，食落口一樣咁香脆🤩 裡面勁多塊牛面頰肉，全部都整得好腍好易入口，同埋個汁整得幾好，好入味，食到停唔到口😻個香蒜欖油野菌辣肉腸意大利麵都唔惹小，辣肉腸咸香味好足，切左正方粒粒咁增添左口感，本身個意粉帶點微辣，質感彈牙，食得出幾有heart!嚟緊我嘅重頭戲甜品😂叫左個伯爵茶意式奶凍，size都唔細，同埋係餐廳自家製👍伯爵茶味幾清香，奶凍texture好滑，食完成餐飯再食甜品好滿足！😍bookmark定情人節嚟都唔錯~😂

前排工作太忙，但都不忘食好嘢，而朋友最近介紹咗我去一間位於旺角但比較隱世嘅西餐廳，裝修幾有格調，適合情侶嚟撐枱腳👫 而且性價比高，最緊要係餐廳非常用心，每上一道菜都會詳細介紹，而且服務好周到，感覺到店家真係好有heart😌我哋見呢個Caesar salad係燒嘅好特別所以嗌咗🫢 仲加咗$38要parma ham，佢個造型夠晒特別！佢嘅生菜係原條上，仲要燒過嚟，再配搭上麵包粒、兩塊超大塊嘅parma ham同芝士脆餅，好夾好好味，呢個食法真係好有驚喜，好鍾意😌之後嗌咗燒八爪魚足鬚，平時好怕食八爪魚似食緊橡筋咁，咬極都咬唔開，但呢度燒得剛好，一啲都唔韌，點埋少少醬一齊食，鮮味十足😌 另外仲有兩塊脆多士夾埋一齊食，增加返個口感！之後主菜我哋嗌咗呢個酥皮焗牛面珠登😚 店員特登喺我哋面前切開酥皮，超大塊好有份量，不過就咁食有啲乾，建議點汁一齊食🙌🏻 肉質煮到勁腍而且好入味，內裡仲有啲薯仔同紅蘿蔔，同樣都幾入味！呢個南瓜意大利飯煮得好creamy🤓 有粒粒煮腍咗嘅南瓜粒，仲幾甜，而個飯嘅texture適中，唔會過腍過硬，份量亦剛剛好！我嗌咗杯Pineapple Punch ($58)，飲落好香菠蘿