凱悅軒

营业中

休息中

凱悅軒是我一直喜歡的中菜餐廳，之前多數來飲茶，覺得佢啲點心好食同好精緻，加上呢度環境舒適同夠靜，服務員的服務也很好。今晚就嚟試吓呢度嘅晚飯小菜。🥢碧綠蟹肉羹蟹肉羹非常足料😍啖啖蟹肉，配上菠菜同金華火腿，味道非常不錯👍🏻🥢脆皮茶香雞脆皮茶香雞是這裏的招牌菜，賣相很吸引，未入口已聞到陣陣茶香，皮脆肉嫩，配上檸檬汁非常夾，非常值得一試🫶🥢雲腿玉簪蝦球蝦球很大和爽口，廚師將菜心幹串起蝦肉成球狀，加了火腿粒更覺鮮味🥢酥皮流沙盞每次嚟都必吃嘅甜品，也是這裏的招牌甜品，酥，集香軟酥脆於一身，甜度適中，極具蛋黃香味😋

上次試過尖沙咀凱悅自助餐之後一直心心念念想試埋中菜，特別係果仁黑醋豬柳同酥皮流沙盞，做資料蒐集時多人正評令我都好期待🤭餐廳環境古典，侍應殷勤有禮，是次用餐連甜品一共五道菜。-1️⃣碧綠蟹肉羹 $158因為想試多啲菜式呢個淨係叫咗一人份量，侍應好貼心主動提議幫我地分兩碗👍🏻 蟹肉羹非常足料，食到一梳梳蟹肉仲啖啖菠菜，金華火腿碎鋪面作點綴，食到少量咸香，聊勝於無。-2️⃣果仁黑醋豬柳 $238外層粉漿薄脆，豬肉肥瘦適中口感鬆軟，黑醋微酸好開胃，醬汁份量剛好唔會太濕潤。唔計甜品是為我最愛的一道菜❤️-3️⃣脆皮茶香雞（半隻）$230除左茶香仲有煙熏味，雞皮香脆，雞肉嫩滑之餘都保留到炸子雞嗰種因為炸過所以肉汁鎖在其中嘅感覺。唔計甜品男朋友最愛呢道菜💙-4️⃣蝦乾豉油王炒麵 $218炒麵入口唔油，又唔會炒到好乾身，重口味人士覺得可以再濃味少少🤏🏻蝦乾口感好好我覺得仲好食過之前喺大澳食😂整體不錯但未到推薦程度。-5️⃣酥皮流沙盞 $50撻底鬆化，菠蘿皮鬆脆，中間湯圓皮煙煙韌韌，咬開後流沙奶黃緩緩流出⋯呢道甜品層次分明口感極好，食到最後已經好飽都仍然覺得超好食😭！💯推薦必點💯-順帶一提每檯都有個醬料架而無需另外收費，男朋

今次嚟到凱悅酒店staycation 平時staycation 都會揀食自助晚餐既，因為覺得好似抵啲咁，但都因為實在食過太多自助晚餐覺得好多酒店都係差唔多咁，所以就試試佢哋既中餐啦坐位十分濶落，好整齊咁排列，仲有啲香片係好好飲期間限定既雲南美饌套餐涼拌川味羊肚耳菌好清新既菜式味道啱啱好同埋好開胃碧綠蟹肉羮每一啖都充滿住蟹肉既鮮味，充滿幸福的感覺羊肚菌蝦球炒滑蛋看似十分簡單既菜式但係一入口就超驚喜，蝦肉爽口彈牙，每一啖都充滿蝦晚鮮味滑蛋同羊肚菌加埋近乎完美鮮姫松茸雲耳炆三黃雞三黃雞炆到啱啱好，熱辣辣咁上枱桂花圓肉燉桃樹膠每一啖都充滿桂花既香味，啖啖桃樹膠加圓肉清潤養顏

因為staycation嘅package包埋 所以泥食點知有驚喜🙈🙈🙈如果單點就係呢個價👉🏻乾燒龍蝦套餐 $740🎈碧綠蟹肉羹估佢唔到係超多蟹肉嘅🙈雖然啲蟹肉鮮味唔重但係完全無腥味，個湯本身好夠味👍🏻🎈果仁黑醋豬柳豬柳好鬆脆😋炸份裹得好好 厚度岩岩好🎈酒糟乾燒龍蝦 (席前烹調)呢間酒店嘅餐廳真係好鐘意席前烹調😂😂連中菜廳都有🙈個龍蝦酸酸甜甜幾好食 師傅仲放左啲菇落去 啲菇吸哂啲味好好食龍蝦肉都算爽身彈牙 都ok嘅👍🏻🎈瑤柱蛋白炒飯個飯都算炒得中上👍🏻夠乾身 味道亦唔錯😋除左野食好之外 服務態度亦很好呢🥰好味程度: 9/10性價比: 7/10