神山麺屋 (創紀之城五期(apm))

营业中

休息中

約咗朋友去觀塘APM 買嘢，之後肚餓緊係喺APM 搵食啦，今次揀咗”神山麵屋”位於APM 2樓，非常方便易搵內裡真係好多人幫襯。好開心，職員安排了卡位比我哋，坐得舒適，環境優美期間限定，好吸引呀啲小食Menu好抵食，又多選擇。消費滿$100，可加$28就有大大碟小食，一定要試1. 神山炸雞-芥末醬($28)，即叫即炸，上枱熱辣辣，外脆內熱，雞肉夠Juice，配上芥末醬食落十分醒神。2. 吉列廣島蠔($48)，一共3隻肥美嘅廣島蠔都只係收$48，又一抵食之選。3. 和風蘋果沙律($45)，蘋果超級爽甜，好清新，令人好開胃4. 牛舌沾麵($118)，牛舌超級諗， 仲有三大片。沾麵麵底夠煙煙韌韌，再掛上超級熱辣辣嘅濃湯，真係無得輸5. 神山沾麵 (白)($88)，餸菜鋪滿晒碗內，啖啖肉好豐富6. 蜜桃焙茶、巨峰梳打(各$28)，蜜桃培茶少少甜好解渴。巨峰梳打同樣少少甜，好夠氣，配麵一流。整體而言，沾麵好食無得輸，各小食價錢平，十分抵食，值得一試再試。

已經很久未有吃過日本拉麵，剛巧經過一家拉麵店，就決定在此午膳。吃主食拉麵之前，先來一客炸雞。炸雞份量不少，炸粉厚度尚可接受，雞肉有汁，不會太乾太柴，少少沙律醬能增添食味。黑神山叉燒拉麵即黑蒜油拉麵，一如預期，呷口湯後，滑滑的湯頭蒜味香濃，令人不禁多噶幾口。麵條煙靭有彈性，非常好咬口；叉燒腍滑而嫩，整碗拉麵轉眼完食。通常拉麵店都只提供凍水，這裡竟有菠蘿特飲，夠獨特之條，在吃完豐富的拉麵和炸雞之後喝，特別醒神，膩氣全消。由小食到拉麵到飲品，是十分滿意滿足的。

🍴 神山沾汁麵 ($89) ⭐️⭐️⭐️⭐️ 暖暖地嘅湯汁好濃郁，麵條係比較粗身，咬落煙煙韌韌，加埋d蔥吊下味，麵好掛湯，正！而炭燒到金黃嘅豚肉就有少少肥，但好彩都燒得幾香。 🍴 鹽味炙燒豚肉清湯麵 ($80) ⭐️⭐️⭐️ 比較普通嘅拉麵，麵條夠煙韌，但係豚肉就燒得唔係好香脆，似係打邊爐咁淥熟佢，炙燒味不足。 🍴 神山炸雞 ($42) ⭐️⭐️⭐️⭐️ 炸雞都幾大件，炸得好脆！仲有啲芥末係炸雞上面，令到冇咁單調，配埋拉麵食好味！ .............................. 神山麺屋 地址📍: 觀塘觀塘道418號創紀之城五期(apm)2樓L21B號舖 總評分: 7/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️💫 服務👨🏻‍🍳: ⭐️⭐️⭐️💫 衛生🧹: ⭐️⭐️⭐️💫 抵食💰: ⭐️⭐️⭐️

之前行街經過想試下呢間，點知見到排超長龍，所以只好揀第二間今日早左黎行街，見到有位就入去試吓神山沾汁麵 $89呢個真系必試👍🏻厚燒豚肉配上秘製醬汁，外脆內 juicy,口感一啲都唔韌，配埋坑紋麵條，點上湯汁一齊食，真係好滋味番茄豚肉片拉麵 $85番茄湯唔系好酸那種，味道剛剛好，除左有新鮮番茄➕薄滑嘅豚肉片外，仲有薯蓉同糖心蛋，好滿足😌唐揚豆池魚 $45個炸粉夠薄，魚肉唔會炸到好乾，食落好香口，魚肚位置有少許幼骨神山炸雞（配芥末沙律醬） $42炸雞冇雪味，外面層皮好脆，點上芥末沙律醬就更加惹味雜果特飲 $15Fruit punch 有埋雜果，唔會太甜蘋果椰果特飲 $15鍾意飲甜啲嘅朋友可以揀蘋果汁，唔會酸，配上椰果幾有咬口

喺東京幾出名嘅神山麵屋 成日都排曬隊 今次見無咩人排就試一試～ 一碗拉麵唔洗一百蚊 算係平價拉麵之選😋 份量略少但加多一個小食就啱啱好-// 神山沾汁麵 //厚厚的炙燒豚角望上去已經好吸引 邪惡的肥肉加上瘦肉雙間🐖 成舊豚角唔會好肥 柔軟得黎味道亦好香 而沾麵麵條亦夠煙韌 沾上濃味嘅湯底 絕對值得一試價錢：💲89 HKD（另加一）-// 黑神山叉燒拉麵🍜 //湯底係黑蒜豬骨湯 味道偏鹹 食完要飲水🙈 但拉麵麵質都係一樣煙韌彈牙 溫泉蛋亦係煮得啱啱好 呢個價錢黎講算幾好唔錯了👍🏻價錢：💲78 HKD （另加一）-// 神山炸雞（配芥末沙律醬) //炸雞外脆內嫩 炸皮唔會好厚 配埋個有wasabi嘅沙律醬好好味😋-價錢：💲42 HKD （另加一）

麵屋武藏冇做之後APM開咗間神山麵屋，今次夜晚就去試一試佢新出嘅沾麵。.珍珠汁沾麵（ $80 ）珍珠奶茶熱吹到去日本🇯🇵，竟然有人諗到將佢拉麵去食。珍珠奶茶飲得多，變成沾麵甘食就諗都冇諗過🤯！沾麵汁用咗鰹魚汁加豆乳去整，入面真係加咗煙韌嘅珍珠粒。味道清新，但連埋個麵一齊食就過淡，所以草根最後都係連埋湯一齊食，會好食好多😋。沾麵煙韌彈牙，麵上面有炒過嘅紅茶茶葉碎，所以真係食到有d茶香🍃，再加上葱油雞🐓同青瓜🥒做配料，成個組合都好清新。.最特別係食完沾麵之後，仲可以將杏仁奶倒入沾麵汁🥛，當珍珠奶茶咁飲。但飲落其實同平日嘅拉麵底真係好似😂😂，所以都幾鹹。真係完全冇甜味嫁，同想像中都幾唔同。.呢款新口味拉麵係同日本同一日推出，由今日去到14/7，每日只係供應10碗❗️想試係伏定新奇野，就真係要一早去排隊啦😆🤞🏻。.神山炸雞（ 42 ）炸雞新鮮炸起 🍗，肉質嫰滑多汁，又不油膩，配上芥末沙律醬，十分惹味。.蘋果椰果特飲（$15）蘋果汁加上煙韌嘅椰果做配料，香甜又清新🍎，椰果增加咬口，好飲呢～

今晚去左 APM 食日本麵，係神山麵屋。原本諗住每人一碗麵，望吓餐牌原來都幾多小食，價錢都係三至四十蚊咋，於是叫左幾個來分享。和風蘋果沙律$45蘋果 +青瓜絲爽甜清脆，配合少少火腿、少少沙律菜、少少蟹籽、少少芥末、少少乾果仲有少少粟米薄脆，加上特製的和風沙律醬，結論是十分好味，大大驚喜！無論味道同口感都好有層次，食蘋果沙律得來有魚香味，到底邊個諗到咁樣做沙律架？厲害！唐揚豆池魚$45豆池魚即係池魚仔，池魚係平時用來原條刺身果種，肉質結實鮮美。而家改用池魚仔，大火酒炸到全條都酥脆，連頭連骨都可以成條食。啱啱炸起熱辣辣好好味，好香口。可惜放耐左會開始有D腥，要點檸檬汁同芥末豉油辟下腥味。結論係：襯熱食，咪愛得太遲。神山炸雞$38好味，粉醬夠薄夠脆，表層夠乾爽唔會油淋淋，內裡雞肉嫰滑。配上點點芥末沙律醬，久違的好滋味，係居酒屋的味道。伴碟仲有切得碎碎的生菜絲，清新爽口，同炸野一齊食可以清清D油，絕配。神豚燒沾汁麵$85麵底少少似稻亭烏冬，比較淋滑，且索汁力一流。特製沾汁幾特別，有淡淡的魚介海鮮味道。豚肉是炭火烤的，金黃色非常香口，內𥚃卻又充滿肉汁，火候控制不錯。難怪係主流豚骨拉麵以外的麵食首

今年的農曆新年，除了年初一至年初四都是香港法定公眾假期之外，年初二還因為香港早前在大埔發生的嚴重交通意外，因而臨時取消維多利亞港街賀年煙花表演，年初三的農曆新年賽馬日，「香港賽馬會」少有地在星期日跑「賀歲馬」。不過對我來說，我現在已經絕少再接觸任何賭博（有時候被迫幫阿媽到投注站排隊投注除外），包括足球、賽馬跟「六合彩」，所以年初三的「賀歲馬」對我已經再沒有任何意義。我在西貢阿媽的舖頭內，還未等到「賀歲馬」完結，已經要趁小巴總站排隊人龍，還未累積至「嚴重」的長度，就急急腳地儘快趕到小巴總站，再坐上由西貢到九龍灣「德福廣場」的小巴，去到「德福廣場」再徒步走到觀塘。我之外以選擇在年初三星期日到觀塘，最大原因只是因為我在「星期日拉麵時間」，原本想找尋觀塘的日本拉麵店。怎料我原本想食的日本拉麵店，竟然在農曆年初三還在關門休息，在門口貼上休息啟示。結果我被迫在觀塘區內，找尋另一間在農曆年初三公眾假期內，仍然有開門營業的日本拉麵店。結果我最後還是唯有，走到觀塘最熱鬧的購物商場「apm」，找尋我的日本拉麵餐廳。說到「apm」裡面的日本菜拉麵餐廳，相信對觀塘以及「apm」認識較深的朋友，應該就立刻猜到我