小越南 (已結業)

之前已經同朋友黎食過一兩次，由於真係太好味，所以決定帶男朋友黎食。因為係街坊小店，所以店唔算好滿座，但食物既質素已經遠超於人流。兩個人叫左個「二人晚餐」($194)，佢可以比你自己揀兩個湯河/飯/撈檬，再加兩個小食。我叫左生牛肉湯河，而男朋友叫左香茅牛肉撈檬，唔好見到生牛肉就驚驚，因為只要你輕輕浸入熱既湯河，混合埋越式香料食，正！佢既湯底清甜，加上白蘿蔔同越式香料、香草，你係會食到停唔到口。而生牛肉既份量適中，送到黎自己先浸入湯底一齊食，咁牛肉就唔會熟過頭變老，嫩口美味。而香茅牛肉撈檬方面，香茅牛肉香口惹味，唔會太硬難咬，撈檬粉汁可以自己按個人喜好加減份量，撈檬粉汁酸酸甜甜，好開胃，好適合香港又濕又熱既天氣食！小越南既重頭戲一定係秘製牛油雞翼真係太好味，次次黎到都一定要叫，係好味都會突然忘記左要減肥。秘製牛油雞翼真係要趁熱食，佢每一隻雞翼都有勁香濃既牛油味，外皮脆，雞肉就嫩滑，真係食到停唔到口！外皮有淡淡既蒜蓉香味，唔會過份濃烈，人人都接受到，令到牛油雞翼更加惹味。香、脆、滑！正！另外一款二人晚餐既小食我地揀左越式蒸粉包，感覺好似冇第一次食咁好味，佢既皮有d乾，但都幾滑，似茶樓既腸粉包

星期天到美孚黑暗中對話館體驗視障人仕的生活，港島人難得來到美孚，當然要找間特色小店試一試，然後在Openrice上看到「小越南」的牛油雞翼大受好評，由細到大我最愛別吃雞翼，今次就揀你啦！很可惜，秘製牛油雞翼(HK$59)令我有點失望，因為太多油了，我一夾起雞翼，只看到一大灘牛油，咬一口，雞肉嫩滑夠味，但成口油，老實說沙爹王的牛油雞翼更勝一籌。必食指數：3粒星相反，豬頸肉撈檬(HK$42)反而有驚喜，豬頸肉不會太薄或太厚，而且非常惹味，又有口感，不錯。必食指數：4粒星冬蔭公湯(餐加HK$16)有酸味有辣味更有怪味！喝了幾口已不敢再喝下去，試吃一塊魚，無味的，再吃了一塊魷魚，有腥味，這個可怕怪味冬蔭公湯，極不推介。迷你拼盤(HK$40)進店時剛好兩點半有下午茶，心想拼盤應該幾抵食，可是我錯了，平嘢真係無好，除了春卷鬆脆和扎肉正常外，其他都很差，香芧雞翼又硬又乾、中間的菜卷厚粉到咬不開，左後的粉包也是粉過厚，絕不推介。P.S.這裡沒有加一收費，下次有機會會試炒蜆、蒜蓉帶子或蟹肉炒飯，因為店內照片實在非常吸引。

記憶中小越南的美食做得不差, 事隔多年的今天都特別走去吃一次, 希望可以回味一下。裝修好像無變過, 依舊是令人愉快的蘋果綠。一室雅白令人精神俐落, 加上舒服的蘋果綠, 尤其是望見牆上的畫, 勾劃出清白、樸素的情調來。餐牌印刷精美, 從中我們選擇了數款出來, 以下是我喜愛的 ...秘製牛油雞翼 $ 54熱辣辣、脆卜卜的送上檯, 先是飄來蒜蓉香, 咬一啖後是肥滋滋地在口裏嘴嚼, 滿口蒜蓉香, 至於牛油味道較為含蓄, 整體不失為美味的牛油雞翼。辣椒膏炒青口 $54 ... 首先半殼青口大隻又厚肉, 最重要是沒有煮到過火變擦膠質地, 辣椒膏不辣其實只貪其香味, 基本上還帶點甜味, 加上金不換再配搭魚露 , 醬汁惹味香口, 很好下飯。香露大頭蝦 $75從蝦殼裏把蝦肉一抽, 飽滿的大頭蝦肉就被抽了出來 , 香露醬汁味道複雜, 顏色紅紅的應該有茄汁吧, 但名叫香露應該更少不了魚露, 加上可望見的香茅, 味道實在難以形容, 還是專注在膏香滑溜、口感彈牙的大頭蝦裏吧!餐牌上見甜品有四款但實情只有兩款在賣, 唯有從椰汁涼粉及椰汁黑糯米中選擇後者, 各$25。椰汁黑糯米的甜度適中, 糯米是煙韌有度, 口感亦

男友興之所至想吃越南菜, 上網搜尋了位於美孚的這家”小越南”。由於我們並不熟悉這區, 美孚新邨對我來說更像迷宮一樣, 我們花了不少時間才找到這隱世小店。牛油雞翼是這裡的招牌菜, 當然要一試, 主食方面點了越式蝦醬菠蘿海鮮炒飯和馬拉盞炒粉皮。先上桌的是馬拉盞炒粉皮, 入口有點微辣, 但吃不出馬拉盞的味道, 感覺就像平時在茶餐廳吃的炒河接下來是越式蝦醬菠蘿海鮮炒飯, 裡面有很多海鮮粒, 加上清甜的菠蘿和惹味的蝦醬, 味道不錯最後是期待已久的秘製牛油雞翼, 雞翼比平時吃的大很多, 而且外脆內嫩, 有濃濃的牛油和蒜香味, 的確很出色另外加點了青檸梳打和椰汁冰, 埋單約$200, 以食物質素來說算是物有所值

好多朋友都知道我好為食又好大食''*最鐘意試唔同既菜式, 而特別喜歡泰越菜架啦!!!某個星期日, 約埋幾位好友一齊去美孚新村食個晏~~第一次黎真係好覺得好特別, 圍住個屋村既全都係小商鋪''*今次就揀左這家【小越南】店鋪以白色簡約為主的街坊小店~~下午茶既時間見到人流都很多, 來來回回都見有好多顧客進來''*店鋪既窗外都貼滿推介美食, 款式很多, 見到都流哂口水!!!!而且價錢亦很平民化, 唔算太貴喔~~~店員亦很主動推介各種美食!!!好快我地就點左好多樣, 大部份都係海鮮類架添~~睇相已經令我地好期待啦''*首先叫左杯青檸梳打黎解一解渴先!!!冰涼感覺即時爽哂~~❤ 秘製牛油雞翼這個是店內的招牌菜, 係必食之選!!!!雞翼係熱辣辣上台, 炸得好香脆, 又不算太多油；仲有好多生蒜蓉, 入面肉很嫩, 真係令人食唔停口既小食''*好想 ENCORE 多一份啊~~❤ 越式蝦柚子沙律這個沙律十分大碟, 用上好新鮮既越南蝦, 仲起碼有5-6隻架~另外仲有木瓜絲, 青瓜絲, 蘿蔔絲及柚子等等配料!!!!酸酸地好FRESH, 非常開胃既菜式''*❤ 牛油蒜蓉焗帶子4隻帶子隻隻都一樣大小架~~隻隻都好

平常cherry平常超愛香口的美食，而家人口味都一樣，上星期六cherry一家人來到美孚呢間小越南尋找美食，它的地點位於美孚A出口往右向後行便到步，門外貼滿美食的照片相當吸引，內裡裝潢簡潔企理予人舒適的感覺。cherry要讚一讚餐牌設計好好，每一樣特色菜都會有圖給顧客睇到，而我們點了招牌必食的秘製牛油雞翼、焦糖薑粒雞翼、珍寶越式拼盤及越式大頭蝦酸辣湯。點完餐後很快便送上秘製牛油雞翼，睇樣已經覺得相當可口。而且竟然跟圖片的是一模一樣的，因為有時試過去到其他餐廳圖片跟實物是差超多。這個牛油雞翼一碟有五隻，雞翼夠大隻一咬落去熱辣辣，面層炸粉夠薄之餘好香脆，內裡雞肉能保持鮮嫩多汁，真的不負我們的，仔仔們還一路食一路不停說好味。(慘了一路寫分享一路在回味)第二樣上桌的是珍寶越式拼盤，叫這個餸的原因是我跟仔仔們喜愛蝦餅，而老公喜愛扎肉及春卷，一味能夠滿足我地一家的需要。整碟的水準都不錯，扎肉當然是一馬當先掃曬，蝦餅很鮮味彈牙，春卷外層鬆脆內裡酸甜的味道亦不錯，鳳爪很爽口但稍為覺得唔夠酸，而全碟中最特別是薰蹄，一片片的薰蹄釀入胡椒粒一咬落去辣辣地又好香口，很特別呢!!!第三樣上桌的是焦糖薑粒雞翼，它

最近很有食神，得公關邀請能到處試盡美食！我和男友都是能夠大擦一餐的人，放題自助餐火鍋韓燒什麼的通通的都可以大吃特吃。這天放工後，就來到美孚新村的小越南吃晚飯。平常每當我提議去吃越南野的時候，男友總是寧願吃日本菜，這次他看過大家的食評後，難得地很感興趣，我呢，有得食就夠高興了！雖然距離地鐵站出口只是2,3分鐘路程，但村內小店林立，實在有點難找。首先來一客招牌的秘製牛油雞翼，說是招牌菜當然期望很高！而它亦沒有令我們失望，炸得香脆之餘亦不覺炸粉太厚，裡面的雞肉鮮嫩無比，油份不多不少，蒜香和牛油味比例得宜，一口吃下去沒有油膩感，短短幾分鐘被我倆掃個清光，實在想encore啊......再來的是男友大意點錯的雞絲撈檬，原來他一心想點湯檬的。不過，上桌時看到滿滿一大碗，雞絲也不是吝嗇幾條而且大堆頭送上，伴以醃製過的蘿蔔絲、青瓜、生菜等，口感十足。吃撈檬時混合大量Nuoc Mam是常識吧！以這道菜作頭盤清清味蕾，胃口大開。店內有不少創意crossover菜式，這道越式金不換炒蜆便是其中之一。一看便知是crossover了港式風味，追求正宗地道越式風味的人可能會不悅，但我反而覺得多選擇總比沒選擇好吧。