炊豕店 (威靈頓街) (已結業)

史上最好味嘅豬扒飯😈呢間中環lunch time要排隊，等十分鐘先有位，$58 秘製豬扒飯配肉汁雖然有啲邪惡，但間唔中食一次，非常值得👏🏼 價廉物美😍豬扒好juicy，肉汁不得了，食落口唔油膩，香脆可口😋送飯好夾㗎，可以揀配蔥油底，但因為我唔想d飯吸太多油，所以食original。碗飯好大，食完就飽到上心口，女仔未必食得唒，份量男士都夠飽架😎

今日來中環行大館，肚餓要醫肚，就喺大館附近搵嘢吃。於是就來到呢間位於威靈頓街148號地下幾有特色嘅炊豕店。入到去，見到有10多張小枱，啲擺設好有舊時屋企的感覺，勁有親切感餐單就係一單張，一邊中文版本，另一邊就係英文版本，方便中西客人。約10樣飯，麵選擇，可加添配料，也可揀小飯減一蚊，環保，抵讚。除此之外，仲有啲平，靚，正小食可選。小食酥炸鳳尾蝦首先出場，表皮勁香脆，但略嫌粉桨多咗少少，但都ok嘅。跟住秘製豬扒飯(肉燥汁)出場，首先勁大舊豬扒，舖满碗面，一啖咬落，嘩，香噴噴，脆卜卜，吃到我哋舔舔脷，我同朋友一致讚好而20蚊的辣味海蜇，比想像中份量多，够爽，够惹味。話梅花雕豬手飯我哋免費轉咗粗麵，豬手够腍带微微花雕味，亦好好味。

晚上係中環威靈頓街行下行下，見到一間幾有格調既鋪頭，望一望，原來係係銅鑼灣都有分店嘅炊豕店，再睇一睇餐牌，發現價錢同銅鑼灣分店差唔多，係中環黎講都係算抵食。入到去坐低，發現座位安排得幾闊落，坐得幾舒服，仲有幾張幾得意嘅裝飾。坐定定就睇下食乜啦，記憶中佢既豬扒係幾好食既，所以就叫咗秘製豬扒飯，另外叫咗個叉燒豆角炒蛋飯再加個小食。辣味海蜇 呢個辣得來好惹味，佢嘅辣到我相信大部份香港人都會接受到，海蜇亦處理得好好，好爽，呢個小食十分開胃。叉燒豆角炒蛋飯，呢個有驚喜，雖然呢個組合唔係好新鮮，但佢用嘅叉燒肥瘦啱啱好，豆角份量亦都唔會過多/少，蛋亦都吵得幾滑，所以呢個飯整體來講10分好味。最後嚟到今晚嘅重頭戲，做係秘製豬扒飯。佢塊豬扒炸得好脆，食落去係會索索聲，但係豬肉亦都保持到濕潤唔會乾，分量亦好充足，我相信仲大過我塊面，所以呢個好好食👍

同男友路過見到間幾靚既餐廳，就入去睇下有咩食，發現尼間鋪頭全部都係食豬，而且價錢都合理。而且裝修有種懷舊感覺。餐牌前後中英對照，就算遊客入到鋪頭都可以點餐，係好貼心既設計。「秘製豬扒飯」超大塊的炸豬扒，直情大過個碗，因為即炸，所以都好熱，唔想甘熱氣就放一放涼。店家好貼心甘切開左個豬扒，等大家方便食。豬扒飯底係肉燥汁，用豬肉、醬油同葱煮，送飯一流，可惜個汁唔算多，飯量就超分量。「沖繩豬軟骨飯」好足料既豬軟骨，食極都仲有，豬軟骨熬得好淋身好入味，所以食落好香口，而且個飯底充滿醬汁，好岩汁控。「炸芝麻雞翼」雞翼佈滿七味粉同芝麻，聞落已經好香，咬落好脆口，雞肉好滑，而且七味粉帶點辣味。而且雞翼無炸到乾身，保留到肉汁。「椒鹽魷魚鬚」魷魚鬚預先切細，所以可以一口吃，好貼心。飲品