味帝漢堡 (已結業)

話說我真是好歡喜去舊區逛, 有日去左大角咀見到呢間味帝漢堡。外觀望落就似啲up dup小店, 但原來內有乾坤。店鋪入面得兩張枱, 四個位, 門口三個, 總共七個位。 雖然細細嘅店鋪, 但入面佈置一啲唔差。個人覺得最有特色是個書吧, 可以隨便借黎睇, 好正。講番正題, 食物。新加坡海南雞飯堡 ($65)呢個咁新穎嘅配搭令我在餐牌一望到就落單。 啲飯壓得幾好, 唔會扁晒但又唔會拎上手散開。 海南雞件又幾正宗, 入面仲有海南街嘅酸辣汁, 好惹味, 好滑。 不過略嫌油左少少。羅宋湯 ($15)湯入面好多雜菜, 不過個味就淡左少少, 一般。窩蛋芝士薯條 ($38)好多芝士! 而且有隻蛋可以撈落薯條到食, 成件事好邪惡哈哈哈! 不過要趁熱食, 因為啲芝士好快會凍左凝固番。 另外, 因為我是一個人食嘅關係, 食完個飯堡個肚已經冇乜位淨, 好飽!!!

相信大多數人都食過漢堡包，係大角咀就有一間製作特色漢堡。店舖不大，坐位只有7個，舖面設計也有點心思。店內有些書，野食係即叫即整，等野食個陣可以睇下書，做一陣文青。牆邊貼左D食物照片，唔知食咩好就望下D相，樣樣都好吸引呢!!一張好簡便嘅點餐紙，當坐滿客嘅時候，叫外賣係最快捷嘅選擇。新加坡海南雞飯堡係限量供應，飯堡嘅飯好實正，唔會好易散開，份量好足，一半瓜一半雞肉，瓜好新鮮好爽口，雞肉好嫩滑。歐陸碎蛋芝士豬柳漢堡最好食，漢堡包好軟熟，豬柳肉質鬆軟易咬，肉汁鮮甜，芝士係中間慢慢流出，夾埋碎蛋及生菜，口感味道都唔錯。一個漢堡餐加18蚊，就可以配個氣炸薯條，用氣炸方法炸薯條炸得好脆口，薯條又夠粗大，粗薯條係最好食。加28蚊就可以配個窩蛋芝士薯條，薯條唔一定要脆口先好食，加埋芝士一齊焗好特別，薯條與芝士互相纏綿，再混埋蛋黃，令到薯條好滑溜，味道更鮮甜。南洋咖啡好香濃，好順滑，又帶點甜味，唔同茶餐廳沖嘅咖啡，細細嘅一杯咖啡好有驚喜。

回顧這一年吃得最多的食物,漢堡包係我吃得最多的食物,無他既,一個包,一份手打牛肉漢堡,夾埋一起吃已經對我嚟講已經係極品。年初五,收工去了大角咀做完運動,經開埃華街,這條有很多經營食店的街道,發現一個海南雞飯堡既招牌,引發我好奇心一試。相信好多人應該被招牌所吸引,已有數名食客在等侯。我等了約十分鐘終於可以有得坐啦,哈哈店子環境雖少,裝修以綠色簡約為主,牆身也貼着店內提供的漢堡照片。除了看漢堡照片外,餐單當然不能少,設計簡單。本來想叫海南雞飯堡,但由於太好賣,海南雞已售罄,店員推介我一款雙層牛肉煙肉漢堡加25蚊套餐配窩蛋芝士薯條,飲品係一罐COKE ZERO。雙層牛肉煙肉芝士漢堡,店員果然冇介紹錯,漢堡扒一塊已好厚身,兩塊更加不在話下,漢堡扒肉汁相當豐富,煙煙肉煎得脆口；漢堡包必備的沙律醬汁份量都頗多,配生菜蕃茄一起吃倍感滋味。窩蛋芝士薯條加25蚊可轉套餐,味道確實不錯,芝士量頗多,配窩蛋其實幾特別,粗薯條薯味比較濃郁，假若再脆口一點就完美。吃過這美味的一餐又要繼續努力KEEP FIT 了,哈哈。

走到大角咀覓食，看到這間令人感到新潮又放鬆的小店，以木為主的裝修，開放式的廚房，給人一種沒架子的感覺。 最可惜的是，店舖面積實在太細小，即使算室外位置在內，亦頂多容納六人，我們用餐時，看到不少人留步探個究竟，可是又因滿坐而離去，實在太可惜了。而且當時店舖只有一人在煮食，看他一腳踢忙得六神無主的神情，平日急燥的我們都耐心等起來。 門外的玻璃張貼着海南雞飯漢堡的圖片，吸引了我一試。將飯整成漢堡並不是新鮮事，但將海南雞變成漢堡的餡料，實在新奇！ 很欣賞那雞肉的份量夠多，而且很嫩滑，配以青瓜及泰式辣醬，富有風味。 而那煎過的飯身吃下亦覺有油香，不知是否故作油飯還是煎的時候隨意加的油呢？其實說穿了，改頭換面後，它還是海南雞飯罷了！不過是有水準的海南雞飯！流心蛋+芝士+薯條！ 薯條不經油炸，口感較乾，而且不會脆，但就是感覺會較健康不油膩吧。薯條用氣炸鍋焗過後，再加入大量Mozzarella芝士、芝士粉及窩蛋再焗一會成流心蛋，這配搭很不錯，不過有蛋液的部位無可避免會變得濕潤軟腍。 這裡的漢堡選擇實在有很多，如果只看點餐紙，會以為只有幾款，但當你仔細看看

經過大角咀食lunch..星期日咁早其實冇乜餐廳開哂。 見到有間burger叫May Day，個Logo係一隻獅子，幾可愛，播住好響既英文歌，就揀呢間啦。 入面座位有4個，平時可以坐出面，不過今日得4度實在太凍，所以揀左坐入面，格仔矮枱坐落亦好有情調。 店內貼滿食物既相片，櫃下面係店主既收藏品，可以比食客一面食一面睇書。 店舖採用open kitchen...坐喺度可以目擊整個煮食過程，即叫即整，兩個大廚好合拍，而家先知道原來整一個burger有咁多工序，絕對唔係m記咁簡單，未食已經聞到香味。 Menu好簡單，單/雙層，有牛有豬，可以加配料碎蛋/芝士/煙肉。 另外仲有一張menu既burger特別少少，有個海南雞漢堡都幾得意，不過太早未有得賣，所以我就揀返傳統既cheeseburger，burger價錢$30-$70都有，價格比較親民。 雙層芝士碎蛋煙肉漢堡 $70係我食過最大既burger...一啖都咬唔哂，影相既時候芝士已經慢慢漏出。 麵包皮脆脆地，一咬落去蛋碎同芝士就"咇"出黎，牛肉有兩大塊，食落牛味不夠重，但肉質嫩滑好Juicy，

大角咀吾知係米本身太偏既問題，甘多好食既舖頭係度都冇人知，今次都係朋友帶先知有正嘢。佢主打漢堡，不時都會進行創作新既嘢食，然後寫係門口玻璃到等所有人睇到。環境雖然吾大，但係好有文青feel，番番去以前甘。佢雖然有order紙，但都會寫係牆，好有讀書時亂畫黑板既感覺。賣相好令，即叫即做。先食奄列，因為個漢堡太熱拎吾到上手佢奄列整到好滑，食得出佢吾會落太多salt，加小小醬好夾，而且可以睇到佢煎個陣好似冇咩點落油，而且食落都吾覺油。漢堡都係即叫既做，我最中意佢食落吾油膩，岩哂上班一族，又快又健康。佢豬柳好嫩口吾會乾，而且冇咩油，入面會有番好多菜，食落去好fresh 好有水準，佢醬吾會好似快餐店甘落好多，岩岩好就夠，甘樣先食到成個包所有材料既味。吾知係米真係為左我地健康着想，要我地城市人少糖小油小salt，嘢飲吾會好大包，等大家吾會成日諗住俾左錢一定要飲哂而飲太多糖水。佢所有薯條用左部無油既蛋型機炸，雖然食落吾會好似油炸甘超脆，但都幾脆幾香口，好似星級大廚甘。佢呢個窩蛋芝士薯條超好食，薯條用無油機炸完之後再去焗，原來甘樣食吾會好濟頌食落好舒服，必食之選。聽到廚師話遲下會推出rice bur