雷公子海鮮串燒大排檔 (已結業)

今晚又做肥仔去九龍城食好野😋😋😋三五知己一齊去雷公子度開餐是日店主推介蒸刀貝 用荷葉包住加上花彫打開時香味十足 刀貝肉質鮮甜金菇菜吸盡荷葉同花彫精華 味道十足👍🏼 香草羊架 店家預先醃好 非常入味肉質烤得剛剛好 入口唔會太靭 同時亦保留juicy 不過略嫌少少咸⋯秘制豬肋骨 勁好味 店家介紹說制作時用水醃唔係只落粉 所以烤完都唔覺乾食落真係好juicy 肉質彈牙 加上面頭焦焦的更香香脆可口👍🏼👍🏼👍🏼 今晚雷公子令我地有驚喜😙😙😙

朕今日本來同一眾隨從去九龍城食泰菜，點知行經呢間雷公子見到九點後有一蚊一隻蒜茸燒元貝，又有足五兩大閘蟹，咁朕就緊係試下啦！先黎上枱既係秘製燒豬肋骨，叫得秘製，就梗係用秘製既方法同秘製既醬汁整架啦，燒豬肋骨外層香脆，有微微既炭燒香味，肉質爽口彈牙，開胃前菜。3D立體芥蘭，朕百思不得其解，芥蘭就梗係立體架啦，唔通平面既咩！呢個芥蘭係張啲芥蘭葉炸到脆卜卜，好似川椒雞啲葉咁，再配埋肉碎同埋芥蘭莖，然後再配埋蒜茸包一齊食，味道一般，但就勝在層次豐富，立體芥蘭，立體者層次也！籠仔荷葉花彫蒸刀貝，有好香既荷葉味，而花彫酒亦滲到刀貝內，加上刀貝既鮮甜，不俗！海鹽手插蝦，先張鮮蝦油泡，再張啲蝦放落錫紙內，再揾海鹽包住加熱，蝦肉咬落爽口彈牙，鮮味十足！蒜茸蒸元貝，差唔多有手掌咁大（連殻計），落足蒜茸，仲加左少少菇，食海鮮，最緊要鮮，呢個蒜茸蒸元貝就夠哂鮮味！！！每人兩個，大滿足！！！最後出場，主角大閘蟹。正所謂《九月團臍，十月尖》不時不食，識食既就梗係食時令野啦，而家仲係農曆九月，朕就梗係要〈團臍》啦！而朕食大閘蟹就剩係食個殻既啫，而食殻就梗係食膏啦，一開個殻，啲膏就咇哂出黎，啲蟹膏金黃鮮甜，食落夠黏口，