一鍋瘋 (已結業)

原來經過佐敦咁多次，都冇留意呢間粥底火鍋店，重要嘅係佢主打七彩顏色嘅粥底火鍋，即刻同朋友去試，佢個價格係188海鮮拼盤配粥底火鍋，佢個海鮮拼盤好大盤，而且每款海鮮都係即叫即整，勁新鮮㗎，海鮮上左之後，就叫我地揀翻款粥底啦，梗係要食個驚喜啲嘅顏色啦，所以我就揀咗紫薯粥底同埋粟米粥底試吓究竟係驚定係喜海鮮一共有10款，款款都好新鮮而且大大件，一開始先跟佢嗰個方法順序烚海鮮，而且佢有教你每款海鮮烚嘅時間，咁樣就唔會烚過龍啦個粥底吸晒所有海鮮之後，會再加稀飯落去，就會變成咁好味嘅海鮮粥啦，完全係飽到捧住個肚出去呀

兩人去試下😋每位 188 一人一鍋海鮮及粥底，開頭以為係一人一個海鮮盤，原來係二人份量放一個海鮮盤，海鮮份量可以看我上載的相片，先講下海鮮係新鮮的幾好味😋 另選配料 大部 8 蚊一個 有少部分 價錢貴D，湯底有幾種選擇，今次選了粟米同椰子做粥底都 ok ，做粥前會有服務員幫你落南瓜及芋頭粒+ 粥糊自己攪拌就食得都幾好味😬整體食品都 ok , 不過溫馨提示 ： 最好坐樓下，我地坐樓上都無人理😡次次再叫野都要行去樓梯叫人好鬼煩😡😡

今晚好想打邊爐但又怕熱氣，上openrice見到呢間食粥底火鍋的餐廳，於是就相約朋友一齊去食下。餐廳位於很多不同食肆的砵蘭街，大概近油麻地港鐵站那邊。餐廳有兩層，因為我同朋友只有兩人，所以安排於地下果層卡位位置。由於是一人一小窩的關係，所以枱上已有幾個小型電磁爐。坐低後不久侍應送上前菜沙律及醬料。侍應為我們講解這裡的收費，$188一位，包海鮮拼盤，如需要加野食的話，每碟$8。粥底有5款可以選擇，而我同朋友就揀選了粟米及菠菜粥底。坐左一陣，侍應便呈上令人看到雙眼發光的海鮮拼盤。海鮮拼盤，完全冇諗過原來佢係咁多的，我同朋友見到已經留口水!海鮮包括:白蜆、蕃蜆、黃刀貝、魚片、北極貝、貴妃蚌、生蠔、鮑魚、海蝦及肉蟹。所有海鮮都很新鮮。鮑魚已幫我們起殼，我地淥果陣忘記左將鮑魚撈起，但淥左咁耐都仲好彈牙，冇變到好韌。貝類全部都冇沙，而且很鮮甜脹卜卜，海蝦食得出新鮮彈牙，肉蟹雖然唔係好大隻，但都多多地肉，仲有少少膏添!我地都加左幾款配料打邊爐，包括午餐肉、肥牛、芝士丸、雞脾肉、魚皮餃及炸魚皮。肥牛估唔到咁平都咁好食，好有牛肉味。雞肉亦很嫩滑，炸魚皮咸度適中又夠脆!食到咁上下店員為我們加入南瓜粒、芋頭

有時打得邊爐多，都想試下啲新野，早幾年都開始流行粥底火鍋，有兩間幾有名嘅我地都試過，而且都幾鐘意，覺得價錢唔貴，又食到海鮮，只可惜而家愈黎愈難訂位，加上分時段入座，有時比較難預時間，都有一陣子冇去幫襯。其實粥底火鍋、打邊爐自己喺屋企整都得，不過通常我地兩口子，又要買又整又要洗，真係十分之麻煩，圍番條數亦可能唔平。而且人少，買料都唔方便，出街食分分鐘仲划算。當然啦，自己買料點都靚啲新鮮啲，不過最近試左呢間都可以餐廳位於砵蘭街，本來見過啲照片，店面唔算好大，近日天氣凍，可能火鍋較受歡迎，都怕冇位，去到先知原來佢地有兩層，哈哈，位置唔算話好多，但都未至於太逼。2層樓底唔算高，不過食完都唔會好大陣味，抽風做得不錯。裝潢簡約，有卡位，上層以細枱為主，電爐係崁入式，比較安全。唯一如果有部電視機仔有啲聲聽下更好，好似我地老夫老妻有時唔係話太多話題都想電視汁送飯。餐牌供應粥底火鍋，一個價錢，定價$198/位，1)首先自選粥底：粟米、甘荀、紫薯、椰子；2)六款時令海鮮；3)五款精選配料；4)三款自選配料。揀完粥底、配料，店員就好快送上沙律、醬油。粥底方面我地揀左粟米、椰子，其實兩個粥底味道差唔多，見過有