餃掂手工餃子雲吞專門店

呢排收工搭巴士番屋企時，巴士總是會經過景隆街方向，平日小妹搭巴士都非常喜歡坐窗邊睇風景、望吓有咩新餐廳咁😆，近日望吓望吓發現有間叫做《餃掂》嘅店，印象中又好似冇食過，今日細妹難得放假，於是一齊去試吓呢間位於銅鑼灣景隆街嘅餃子店～《餃掂》 😃小妹二人叫咗一份煎餃🥟（8隻）、一份雙拼湯餃（10隻）、兩款小食及兩杯飲品，份量全部都啱啱好，仲好好食添🤤🤤🤤🥕酸蘿蔔（自家醃製）▫️▫️食餃子前，先食幾顆酸蘿蔔先，酸酸甜甜好開胃😚🥟龍鳳松茸雙煎餃（黑白松露）▫️▫️個名望落高級，食落更有驚喜添😍 煎餃香噴噴熱辣辣，要襯熱食先好食😋，黑松露味香濃（小妹形容為西式菇餃）；白松露則少少🤏🏻似中式松茸，松露味比黑松露較為輕，兩者都好好食，喜歡黑松露嘅朋友一定會非常高興😊！🥟粟米豬肉+椰菜雲耳雙拼湯餃（跟狀元九鼎湯）▫️▫️湯底好似阿媽煲嗰啲湯🤭因為無味精，同用咗九款食材熬製而成，材料有粉葛、順德活鯪魚、香山活鲫魚、紅蘿蔔、扁豆、赤小豆、新會陳皮、蜜棗、鮮排骨等，非常美味；▫️▫️除咗湯頭出色外，兩款餃子都好有特色🫶🏻 餃子大大隻、外型🥟同emoji一樣樣架😙而且豬肉彈牙，粟米大粒新鮮超甜，椰菜雲耳爽口，令口感層次更豐富❣️

「餃餃」新意思一打開餐牌，猜不到煎餃都可以咁多口味。覺得好多選擇，選擇困難的我地，最後決定叫了兩款餃，再加上2個麵。餃子的口味是比較少見的松茸豬肉餃及栗米豬肉餃。松茸豬肉餃松茸是罕見的菇菌類，本身就有清香的味道，跟豬肉的味道好夾，其實可以選擇湯餃還是煎，煎就比口。每隻餃都皮薄，餡料一點都不少，隻隻都塞到滿一滿，每一啖都可以食到餡料的香。每叫一份松茸豬肉餃，都配有一個松茸湯，這個松茸湯真的要大讚，是一碗沒有油的靚湯，外出食飯好少湯可以做到沒有油，又好味。 栗米豬肉餃栗米豬肉餃，好多人都應該不陌生，栗米大大粒，配起豬肉做餃子，一向就是很好的配搭。而且價錢好抵食，10隻都只是$56。 雲吞麵一碗竟然有12隻雲吞!小小的一碗，有12隻雲吞。每一隻都是一口雲吞，味道不錯。麵的質素也好，不會好易斷或者太硬。 手拍青瓜這是百吃不厭的菜式，青瓜爽脆，加上辣味，而且涼菜可以一邊吃著，一邊等煎餃，是很好的前菜。四川涼麵如果不想吃湯麵，又想吃麵，就叫這個吧。涼麵加上花生，絆麻醬，清涼又好味。而且辣度可以選擇，辣唔辣任君選擇。

雙拼煎餃 x 10隻（韭菜&粟米豬肉）$61煎餃（鍋貼）做得幾出色，將餃子底部煎到金黃，而餃子皮就keep住軟冧冧。韭菜落得好足，豬肉方面唔似係半肥瘦，比較傾向全瘦肉，口感上會差少少，但就健康啲。粟米豬肉餃既餡料比例麻麻，七成粟米三成豬肉，淨係食到粟米既味道。韭菜餃會比較好食！👏🏻-元貝豬肉餃 x 7隻 $52將元貝切成絲狀溝埋豬肉餃餡料，幾有誠意。略嫌元貝得落唔夠重手，食落比較似係普通豬肉餃咁。😾-例外店鋪入面每張抬都有一大樽醃蘿蔔比大家開下胃，抵讚！👍🏻唔少鋪頭啲醃野開胃野都係食唔曬雪番再用，所以會有陣‘縮’味。依間餃子店就冇依個情況喇。總括黎講價錢係銅鑼灣黎講唔算太貴，食身水準算唔錯，可以一試。

今日同友人原本打算一齊去食Grams個pancake點知賣晒，所以就去左對面間店舖食餃子🥟。嘩，入到店舖見到有蔡瀾、古巨基張相貼左係度，都幾多名人黎捧場播！佢仲提供埋酸蘿蔔比客人食，酸酸地好開胃！☺️至尊松茸豬肉餃跟狀元九鼎湯（中碗8隻）灼餃子🥟$72: 好香濃既松茸菇味道，皮薄料靚，仲配埋真材實料既狀元九鼎湯，好香粉葛味道，用黎做餃子🥟湯底簡直絕配！ 粟米豬肉餃 （中碗7隻）湯餃子跟狀元九鼎湯$42: 粟米好大粒，食到爽爽聲，唔係用罐頭粟米，所以食落口特別鮮甜！雙拼餃子🥟： 雲耳椰菜豬肉餃煎餃子$52 另加+$8 元貝豬肉餃 （中碗7隻）：雲耳椰菜好爽脆，煎完熱辣辣個皮邊仲好脆口又多汁！而元貝豬肉餃也較新穎既做法，元貝肉切碎左撈埋豬肉一齊食更滋味，名貴得黎也很得體！上海淨麵$20: 好大碗上海麵，好多香蔥舖係面，麵質都很滑！麻辣松花皮蛋$25 ： 唔太十分麻辣，食起黎清而爽口，香而不膩！自家製山楂雪梨🍐水 （杯）$20 ：唔會太甜，飲完好解喝，又可滋潤一下皮膚！😊+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊