Kampoeng

营业中

休息中

屋企個姐姐生日，不能邀請他去出銅鑼灣食正宗印尼嘅。難得姐姐都稱讚，咁一定好食啦。我最鍾意食串燒，牛肉串燒有濃厚嘅沙嗲汁，沙嗲汁好有花生嘅味道。然後就係醬燒魚，酸酸辣辣，好特別。條魚烤得好香口。連埋飯一齊食， 口感十分豐富！仲有叫咗個小食粟米餅，入邊材料好豐富，有蘿蔔絲生菜絲同埋粟米，小朋友一定鍾意。最後嗌咗個特色炒麵同印尼炒飯，每粒飯都沾滿左印尼醬油，旁邊仲有幾塊蝦片同青瓜，好好食。特色炒麵，都唔錯。連埋隻蛋一齊食，口感豐富。特別要講，佢好抵食，平均每人$100以內，就算係海鮮例如魚，都係$68!

對印尼菜認識只有印撈的我，發現香港原來有地道高質印尼菜！朋友係銅鑼灣地膽，教我嚟糖街呢間印尼餐廳，估唔到原來在地庫，係咁大間，仲裝修得幾靚。粟米餅好大塊好多粟米，超脆口，煙煙靭靭。酥炸豆腐呢個好似平時食嘅臭豆腐，炸得幾脆口。香辣烤雞Ayam Taliwang職員提醒呢個印尼香辣烤雞超辣，怕我哋食唔到。但係我同朋友本身食得辣，聽完更加想挑戰一下！雞皮上面嘅醬料酸酸辣辣，越食越惹味！係辣得嚟好過癮！印尼醬燒魚 Ikan Bakar Kecap今餐飯最欣賞呢條魚，第一次試用印尼醬料燒嘅魚，魚皮燒得剛剛好，唔會燒得太乾。配嘅醬料好辣，但係辣得嚟好襯燒魚，十分滋味。鍾意食魚嘅我，太遲發現原來印尼醬燒魚係咁出色，仲要只係68蚊，好抵食！印尼特式炒飯炒飯粒粒分明，印尼醬油夠香，隻荷包蛋仲幾靚！椰青去唔到東南亞旅行，唯有嗌番個椰青止下旅行癮。估唔到又幾清甜，最後連椰肉都食埋。原來食印尼菜嘅性價比都幾高，2個人平均每人先百幾蚊，可以嗌倒咁多款小食同特色菜，下次嚟銅鑼灣諗唔到食咩都會再嚟，因為坐得真係幾舒服，又多位。

行開銅鑼灣, 周圍都好多人, 咁啱經過, 反正又諗唔到食咩, 就入去一試 .入到去完來係食印尼野, 餐廰範圍比我預期中大, 但可能門口不太顯眼, 所以唔係好多人.傾計一流.打開餐牌, 其實款式都多, 我就叫咗個雜錦巴東牛飯試吓. 裡面有薯仔,芋頭, 花生, 魚仔,蘿蔔絲都帶微辣, 我本身好食得辣, 所以更覺冶味,豆角帶微椰汁味, 牛肉好諗及好香, 成碟撈埋一齊食, 有不同味道, 几特別同都大碟, 都几好味.粟米餅內有菜絲, 唔知係咪個飯濃味, 感覺味道有d淡, 食得多都有d溜, 建議同人share一個或半個ok.沙爹鷄串個沙爹汁帶甜, 雞唔鞋, 食得出係即燒, 唔錯.