聚點 (已結業)

悠閒的假日，舒適的人生便是大道理。食好嘢更加係人生一大樂事，今日就一於大家去食下鬧市旺區嘅小菜啦 呢間鋪頭地理位置十分方便，喺尖東站N2 一出行5秒就到，方便程度嚇死人囉，大家一定要去食多兩啖。 我哋今日就叫咗四餸一湯，任君選擇，分別係：聚香雞、黑椒牛子仔骨、人氣小炒王、黃金蝦、同埋粟米魚肚羹，等我同大家逐一介紹：粟米魚肚羹：餐廳十分大方，一上枱已經見到非常之多嘅魚肚，每一粒都有一定嘅大細，非常分明，可見足料程度。一飲落去非常舒服，喺度鹹田得宜，滲透着甜味，食落口飲粒粒嘅粟米，同埋濃稠嘅蛋花混合一起，每一啖食落去有魚肚嘅嚼勁、粟米粒嘅鮮甜、蛋花既濃厚、湯底嘅鮮甜，簡直每一啖都係一個享受。聚香雞：我認為聚香雞就係呢間餐廳嘅一大賣點，更係王牌，原因係隻雞無懈可擊！雞肉鮮甜得來肉質結實，食落口唔會太老而失去鮮味，反而肉質唔鬆散之餘亦都容易入口，配合豉油嘅香味，將雞原本嘅鮮甜一併帶出，做出一個水準來。點解唔可以唔講嘅就係，你間鋪頭送上點點雞醬十分充滿驚喜，特別係中間嘅”口水醬”，食落去帶着一點麻辣，我本身唔係一個食得辣嘅人，我會覺得係麻得來少少偏甜嘅辣，非常容易入口，後來才知道原來店舖

今日本人妻約左小鮮肉老公同埋班姐妹去左尖沙咀行街街，經過K11附近 小鮮肉老公話肚餓想食野！我地一行4人就入左河內道間茶餐廳食返餐勁～ 入到去見到佢地有個招牌寫住聚香雞 好明顯係呢度嘅主打菜喇 😍打算一人叫一個餸再加多個湯，應該點都夠飽肚，本人妻就叫左招牌聚香雞！首先送上枱嘅當然係招牌菜喇肉眼咁睇就同平時果d雞冇咩分別，色澤又唔係特別光鮮，但一放入口 食落口感就真係不得之了，肉質鬆軟唔韌～食得出隻雞好新鮮餐廳有3個醬油點聚香雞 當中有個辣辣嘅本人妻覺得最特出到聚香雞嘅鮮味 值得一試😍 之後登場嘅係粟米魚肚羹，大大碗粟米魚肚羹4個人大約一人有兩大碗～同埋餐廳落料十足～幾乎每羹都係粟米同魚肚～抵食抵食😍 不過呢有個小提示就係唔好咁快飲曬d湯住 ，唔係之後d餸食唔落呀 😂 真係一個良心食肆 西蘭花炒帶子～ 唔洗講睇相都睇得出有幾豐富！碟面比曬d帶子覆蓋曬， 大大粒又完整嘅帶子 ，真係帶子同西蘭花一樣咁多，食到呢度嘅時候有個朋友已經表示食到飽肚 😂 帶子非常之入味而且厚肉～黑椒牛仔骨 食到大排擋嘅鑊氣～牛肉一d都唔老又唔韌 ！ 入口一咬即開 ～加埋青椒紅椒又開胃！所以叫左3個白飯餸飯，因為有個

打風落雨屋企冇啖好食，唯有到附近的餐廳食餐簡簡單單的家常小菜。川椒辣子雞川椒香味十足，但辣味不足夠，雞件甚多，肉質嫩滑。燒汁野菌牛柳粒牛柳粒肉質很腍，加上青椒紅椒給鮮冬菇等配菜，整碟份量十足。西蘭花炒帶子西蘭花色澤翠綠爽脆，帶子體積較小，大概有七至八粒，質感嫩滑。粟米魚肚羹粟米蓉較少但魚肚份量多，魚肚很爽口，不會太鹹。椒鹽豆腐拼腰果豆腐及腰果炸得香脆，尤其是豆腐外脆內軟， 不會太油膩。整體而言，食物質素不俗，分量十足夠鑊氣， 價錢在尖沙咀區內合理，值得一試。