地茂館甜品

营业中

休息中

九龍塘 - 地茂館眾所周知九龍塘出名食泰國嘢，但係食完咸嘢就想食甜嘢。當日係假日，所以門口已經堆滿好多等緊位嘅人，店內坐位擁擠，背貼背，瓷磚牆身，讓人有一種古色古香嘅感覺。糖不甩 （🌟89.65/100）💲21軟糯Q滑，外面花生和芝麻嘅份量俾得好足夠，絕對能將每粒都能沾滿花生和芝麻腐竹薏米白果 凍/熱 （🌟86.65/100）💲25薏米味香濃，薏米白果份量比得好足，啖啖都食到料合桃露 （🌟84.65/100）💲 27一端出來就聞到好香，口感滑溜而家新式嘅糖水舖越開越多，但小編鍾意舊式糖水多啲，都想將傳統嘅味道保留，唔好令後人遺忘🥹

細細個住向九龍城時已經好鐘意去地茂館食糖水，無論係放學同三五知己定晚飯後同家人黎食，我都會點我既至愛腐竹蛋糖水。地茂館既腐竹蛋糖水係我食過咁多間糖水鋪至愛既一間，佢既味道完全唔係其他糖水鋪可比。近排因為某d原因要經常返九龍城，今次我就專登去尋找兒時既味道。店內裝飾以至枱櫈都仲係兒時既模樣，充滿住中式糖水鋪既味道。時代既改變，除左傳統既中式甜品，店舖亦引入左新既甜品，例如：燒仙草，芒果小丸子系列...........今次我就選擇左試一試新既芒果豆花小丸子以及我另一至愛～糖不甩。芒果粒非常鮮甜再配上滑滑既豆腐花，加上軟綿綿既小丸子，真係好好味，非常消暑😋另一至愛糖不甩亦不容多讓，非常煙韌，加上砂糖以及花生碎.........真係食完肥多幾磅都抵🤣🤣🤣

同屋企人食完飯去左食糖水，上網見到呢間口碑唔錯，仲有好多港式糖水食，就黎試下，都幾多人，要排一陣先入得，而且座位都幾學習，好多人快快食完就走，我地都係，費事要街外邊嘅客人等咁耐啦。芝麻糊非常濃郁，陣陣芝麻香撲鼻，而且入口好軟滑，屋企人讚不絕口。糖不甩Q 彈冇餡湯圓，外面痴滿花生糖芝麻，我仔好鐘意食，勁快就清左碟。腐竹白果薏米我嗌左凍既，白果薏米口感好煙韌，加埋糖水好清甜，又可以清下熱氣。椰汁馬豆糕紫米糕係唔算太甜，有清新嘅豆香米香，口感唔錯。紫米露我老公叫既，佢話好食，紫米煮到岩岩好。要喺九龍城搵甜品，相信有好多間，呢間的確味道唔錯，可以有下次。

糖不甩最為推介，湯丸自家手打，軟硬適中，又不痴口，食完齒頰留香，配埋糖粉花生簡直絕配！另外合桃露也為推介，從未吃過這麼好吃的，香滑入口不確喉，只有$24價錢非常抵食。3人只吃了94元，環境乾淨企禮，還有紙巾提供，店員服務態度好，店內人數不多，很快便找到位置坐下，卡位坐得好舒服，原來還有插畫師幫忙畫了一幅店內圖增加了文青感覺老實不呃人懷舊糖水，之前以為只有糖水佬好食，難得找到一間比佢更好既糖水鋪，價錢又唔貴大件夾抵食，黎九龍城一定要試！！

平日九點食糖水，竟然爆晒，堂食又有，外賣又有，外賣仲要唔洗加錢，估唔到淨係賣中式糖水都咁受歡迎。*豆花合桃露 (熱) $26豆花滑，但豆味差好多。反而合桃露好出色，濃郁+香味十足嘅合桃味，質感順滑濃厚。下次我會單獨叫碗補腎合桃露。糖不甩 $19湯圓本身煙韌，但佢過腍，我唔太鍾意佢嘅質感。花生碎偏甜，份量少，唔夠所有糖不甩撈埋一齊食。香滑芝麻糊 (熱) 生磨 $25芝麻糊又滑又厚身，少少張口，杰到面頭有層薄衣。唔好甜唔重口味嘅我竟然覺得佢唔夠甜，芝麻香味又淡，可能黑芝麻原材料出事，或者係炒芝麻火候未到，所以芝麻味聞落食落都差啲。蛋白燉鮮奶 (熱) $27燉鮮奶質地滑身軟身，蛋白冇蛋腥味，奶味香濃。份量滿晒夠一碗，不過我自己覺得甜咗啲，要知道本身奶已經有奶甜味。

足料中式香港糖水店❤️生磨補賢合桃露 $26好足料嘅合桃露，非常香滑，食落去好有口感。但女仔食會覺得有啲濟，因為都幾大碗，同飽肚。同朋友share一齊食就啱曬😝楊枝金露 $30呢間另一樣岀名嘅係楊枝金露🥭好多料同西米，食落清甜。夏天食就啱曬☀️軟滑糖不甩 $19糖不甩咬落軟糯，有口感。而且暖暖地，非常新鮮。點啲糖同花生係一個幾唔錯嘅小食黎💫人均消費 $50#香港中式糖水 #中式糖水 #九龍城美食 #九龍城甜品 #hkfoodieclub

最鐘意去傳統甜品鋪食中式糖水絕對係我最愛的甜品唔使任何花巧野 唔使fancy賣相只需要做好傳統的味道🥣合桃露芝麻糊雙拼 | $24選擇困難症的我真係揀唔到合桃露定芝麻糊所以決定一次過食哂兩款!可惜太多芝麻味 合桃味就冇掟企芝麻糊味道香濃 唔會過甜 啱啱好但合桃露相對就比較淡 被芝麻味蓋過下次要淨叫合桃露先得不過兩款都好滑夠傑身😋明明已經叫左一碗糖水但見到餐牌有糖不甩 始終忍不住要叫埋🙈真係好好食😆丸子好軟熟煙韌微溫沾上花生椰絲真係好夾又甜又有花生脆感 丸子又有咬口幾時都話中式甜品最好味👍🏻👍🏻👍🏻

地茂是九龍城人的地標點之一，無人不知。前幾年還是舊式裝修，其實內裡已經悄悄的改革了。經過門前，外貌沒變，但走進去發現裝潢都反新過一樣。餐單也有新加的東西，也有新的宣傳標語。我們新一代用心保留傳統的努力的痕跡。我喜歡這裡綠豆沙，有陣陣海帶的清香味，豆煮得開花簡單已經是享受。這次吃的是桑寄生蛋茶，補身糖不甩外軟，咬下去中間糯米很有質感，真材實料，少少微甜。我通常不加花生吃，也覺得很滋味另外點的是芝麻糊，另外重點是，這裡糖水街坊價，冷氣和環境商場質素，有很多卡位

原本諗住約佢放工拎蛋糕比契仔媽，但今日太多野做遲了收工，咪只好夜晚拎比佢囉！拎蛋糕比契仔媽又比她拉左我去食糖水去左食傳統的中式糖水燉奶~~~好滑好滑，甜度適中合桃露~~~好香，做得好滑，又唔會太"傑"，剛好唔太甜LEE個契仔媽一人一碗糖水仲唔夠，仲要叫多碟糖不甩糖不甩~~~湯丸係冇餡的，但就好煙"UN"兩個人吹下吹下又十點喇要返屋企喇！