上海老家 (已結業)

🌶️紅油炒手 $65由細到大都無辣不歡 所以一路都好鍾意紅油抄手佢1份有8隻抄手 大大粒又圓碌碌咁好足料名副其實嘅皮薄餡靚呢味菜既靈魂絕對係佢既醬汁 辣油同醬油嘅比例岩岩好 畫龍點睛🐟金湯酸菜魚 $38 就係為咗佢而嚟震撼價只要like 社交平台專頁就可以以$38試到“金湯”係南瓜湯底酸菜魚性價比爆燈絕對無將貨就價湯底因為加咗南瓜所以絕對唔會太辣 更加可以話係清甜魚肉應該係龍利柳 滑捋捋又無骨 食得好方便配料有大豆芽 木耳 萵筍 同埋大量嘅芫茜蔥同埋酸菜整體絕對唔油膩 食完仲暖笠笠

門口睇到都覺得係一間古色古香嘅上海菜，同埋環境幾大，就吸引咗我入去食。-🤍宮保雞丁$88🤍蝦醬魷魚炒飯$88🤍紅油炒手$65✨茶位$20✨設加一服務費-🤍宮保雞丁⭐⭐⭐黎到滿滿一碟，份量多！材料有雞胸肉、乾辣椒、翠玉瓜、腰果。味道唔係香辣惹味個種，冇乜辣味，而係屋企家常便飯嗰種感覺，老少咸宜，家的味道。.🤍紅油炒手⭐⭐⭐炒手有8粒，每粒抄手上邊都放咗少少蒜蓉同蔥吊味，外層雲吞皮滑，餡料有豬肉碎同蔥粒，紅油味道不辣，但有令整體味道昇華。

奧海城就去得多，今次黎到呢間係奧運站附近既上海菜，裝修又真係好靚，又種傳統味！估唔到好多人，連book左位都要等位！其實好欣賞佢仲用圓枱，依家個個為左慳位都少見左用圓枱既餐廳，團團圓圓都好岩帶長輩黎食！樓面好少人，廚房可能都唔多師傅，如果你追求快餐既速度，咁勸你唔好黎！紅油抄手 （$65）上海菜連鎖餐廳食唔少，味都想像到。今次叫左紅油抄手，因為朋友唔食得辣，餐廳好貼心幫我地轉左bb辣，有少少麻味！侍應即使好忙都同我地解釋個餃子係西洋菜，一般我比較鐘意韮菜餃，但意外覺得好好食！皮薄，菜同餡都好清新，手工整既餃子真係可預不可求！上海回鍋肉 （$88）油光閃閃，一睇就知餸飯一流，稍嫌太咸，但食番到上海既地道風味！真係係香港食咁多間，少有食得出上海味！金湯酸菜魚 （$38）完全估唔到呢大盤魚只係$38！好多酸菜，岩哂我呢個酸菜黨員，勸大家食得辣既叫辣啲先好滋味！魚係用左龍俐柳，魚身一定冇桂花魚咁滑，但呢個價錢算好抵食！餐廳真係好抵食，唯一不足係上菜有少少慢，一黎可能係菜式太多選擇啦，而且餐廳唔夠人手，但想食好野就要等下師傅整啦，味道絕對唔係敷衍大家既快餐味！同埋可能太多外賣個收銀機真係好嘈。食

大角咀不嬲出名多野食，今次朋友帶我去食上海菜以為食上海菜好貴，咁你一定食下呢間地道上海小店，平得黎又好食，夫復何求<紅油炒手 $65>用左西洋菜做內餡，侍應哥哥話呢個係季節性限定，用咩菜會取決於當時當做嘅蔬菜西洋菜嘅紅油抄手第一次食，西洋菜綿綿的，幾清新<肉末炒粉絲 $78>呢個其實同螞蟻上樹好似，豬肉用咗一半肥瘦嘅豬絞肉，唔會太肥膩粉絲索左D豬肉，好香口<酸菜魚 優惠價 $38>平時嘅酸菜魚賣成百幾蚊㗎而家優惠價$38就食到，份量比起平時嘅細份啲，不過最緊要係食得夠滋味<桂花酒釀湯丸 $48>食完正餐就要試吓佢個桂花湯圓，湯圓細細粒唔會好濟個湯底好正㗎有清香嘅桂花味，仲有少少酒嘅香醇調味