九份飽 (蜆殼街) (已搬遷) 新店位置

經過見有人排隊所以試下。抵食，主食一般，小食較佳。兩個人，叫了3款小食，都好吃。＊海苔肉鬆蛋餅：蛋餅煎得金黃香脆，內餡柔軟份量足，醬汁不過鹹。＊大腸包小腸：即是用糯米腸包着台灣香腸，配酸菜和芫荽。糯米軟糯，與鹹香香腸好夾，口感豐富。略嫌油稍多，不過間中吃一次，唔怕啦。＊流沙芋丸：外皮是芋泥炸得非常酥脆，金沙餡順滑鹹香，兩者在口中融合，好食。主食只叫了一碗＊紅燒牛肉麵，不過不失，牛肉軟腍，湯底也香濃，但是唔夠熱。湯麵的湯要滾才好吃，所以扣曬分。支持台灣鳳梨所以點了＊鳳梨紅茶。唔錯，鳳梨的甜酸和紅茶的苦澀很相配。店鋪頗有台灣氣氛，可是店員說話的大聲調在小小的店鋪中有迴音，請注意啊。

呢間台灣野排哂隊～試下先紅燒牛肉麵湯底好濃牛肉香～啲牛肉好薄，口感好，牛肉味重！配合芫荽、酸瓜、蘿蔔，菜脯浸住湯底好正👍🏻美中不足係個麵底，有鹼水味；如果唔係呢隻麵底就Perfect喇！懷舊滷肉飯鹽酥雞+滷肉飯D飯係爛飯黎，太淋仲差過自己煲既飯🤣滷肉太少啦！同埋冇乜魯肉汁（如圖）Ps： 食完好口渴炸甜不辣有驚喜！配埋個泰式辣醬外脆內軟，表面仲係鹽酥粉。口感Q軟有彈性極推薦👍🏻玉米起司蛋餅好正😍😍要熱辣辣快手食，凍左就唔正蛋香濃郁，餅皮香口，爆滿粟米粒再加埋半溶芝士，口感煙韌。咸咸又甜甜，味道好夾！！！推薦！！胚芽珍珠奶茶好好飲，我揀咗少甜。淡淡的麥香，胚芽味，加埋奶茶🥤建議唔好加珍珠，個人覺得唔搭。唔加黑糖珍珠會比較好。檸檬蜂蜜套餐加$10就有一杯又係揀咗少甜檸檬味重，好清新，但係少甜都好甜。人爆滿。

搵到呢間人氣唔錯，價錢又唔貴，就試一試。果然有驚喜。紅燒牛肉麵唔會輸比通街的日本拉麵，但只要一半的價錢。滷味都非常入味。I'll be back to try other offerings soon.

光顧位於「炮台山」「蜆殼街」的台灣菜餐廳「九份飽」，我曾經幻想期待「九份飽」的牛肉食品裡面，會提供類似「牛腩麵」，又或者「牛腩」在內的牛肉熟食食品。可惜我在「蜆殼街」分店「九份飽」外面等候很長時間，入座之後看完「九份飽」的餐牌價目表之後，才確定光顧「九份飽」肯定食不到「牛腩」部位牛肉熟食食品。不過我發現「九份飽」的「紅燒牛肉麵」食品實際售價價錢，比我原本預期的價錢來得比較便宜，所以即使食完「九份飽」晚餐，仍然有胃口光顧其他食店，享用其他店的「牛腩」食品。「九份飽」售賣版本的「紅燒牛肉麵」售價頗為便宜，一碗「紅燒牛肉麵」實際售價才港幣四十六元，加上小食食品「鹽酥雞」也只是賣港幣三十五元，未計算飲品的總價錢才港幣八十一元而已。至於「九份飽」晚餐裡面的手調台式飲品，則有跟著「牛肉麵」食品而來的套餐價錢港幣十元優惠，令我選擇了一碗「牛肉麵」、一碟「鹽酥雞」加一杯凍「蜜桃紅茶」才港幣九十一元。我一看見光顧「九份飽」的「紅燒牛肉麵」，加上「鹽酥雞」和冰凍「蜜桃紅茶」飲品之後的總價錢才僅僅港幣九十一元，還有餘額選擇其他食品，於是追加了一碗「白飯」。雖然「炮台山」「九份飽」店外一直有食客正在排隊等候，

北角蜆殼街轉角位的台式小店九份飽.  門內門外, 盡顯台灣風情.  樓頂一個個紅燈籠垂亮著,猶如台灣九份一隅.  晚上七時已人來人往, 有等外賣的, 亦有等侯進鋪的食客.  人龍漸長. 大概十來分鐘, 也安排入座了.  樓面偏小卻熱鬧十分. 懷舊魯肉飯, 大大碗. 肥瘦魯肉鋪滿飯身, 撲鼻的飯香, 啖啖豐富.  加上軟嫩滷水蛋, 簡單又滋味. 紅燒牛肉麵, 有五,六塊牛展. 牛展看來雖堅挺但食落軟腍,而且牛味十足. 由於麵條淹於湯中一段時間會脹大,  速食會較好. 台灣小吃少不了的炸物, 鹽酥雞和酥炸花枝丸,同樣高水準. 鹽酥雞酥脆香口,花枝丸粒粒彈牙. 黑糖珍珠奶茶,茱香珍珠奶茶, 台式晚餐少不了啊. 

已經太耐冇得去旅行，實在係好掛住台灣啲野食，所以同朋友揾左間好似好地道既台灣餐廳食飯，呢間店好似連店員都係台妹～哈。因為肺炎關係大家都要探左熱先可以入舖，餐具都叫左包起左，減少污染既機會。呢到其實空間唔算太大，食物既選擇都有限，不過如果係想食台灣既味道，都已經好足夠，最基本個個都識既蛋餅、牛肉麵、鹽酥雞、魯肉飯都有～而且價錢都好親民，本黎以為呢個價錢會係好細份比你過下口癮既size，點知都幾大份，就咁都可以當一個正餐食。因為價錢實在太親民，我地又有四個人，所以叫左好多野食，咩都想試下。係咁多食物入面我最中意就係台灣香腸同埋鹽酥雞，呢兩款真係非常地道，係其他地方食過都唔係呢隻味，覺得好滿足。鹽酥雞非常香脆，味道少少偏甜；台灣香腸仲有配埋蒜片，讚。其他食物都唔差的，牛肉麵、蛋餅呢啲就走唔甩嫁啦，食台灣野又點少得呢。最後叫左個滷水拼盤，幾入味，唔錯！

相信台灣一定是繼日本之後大家最想念的「鄉下」，要品嘗地道台灣菜，我首選九份飽！眾所周知，台灣菜主打價廉物美，而且分量慷慨，絕對適合我這種大胃王😏【滷肉飯 (大) $40】 🍚- 一鍋香氣濃郁的台灣滷肉飄香滿店，熱騰騰的米飯配上濃郁的滷汁，我不禁一口接一口，真是忘記自己在減肥🤣，是魂牽夢縈的好滋味👅【紅燒牛肉麵 $46】🍜- 這個應該是我喝過相對清爽、較低油膩感的紅燒湯頭，適合不偏向重口味的人，而麵條的口感跟分量也不錯，可以大快朵頤 😆【玉米起司蛋餅 $30】🌽- 台灣小食不得不點蛋餅，簡單美味，沒有什麼好挑剔的☺️【滷味拼盤$32】 🥢- 最基本的選項都有，包括牛鍵、豬耳朵、雞翼、豆腐及滷水蛋，其中豬耳朵最為出色，滷得軟腍，作為開胃前菜，適合不過！😌【芋頭芋圓椰奶 $40】- 芋圓份量多得驚人，口感煙韌，而且更有粒粒芋頭、珍珠和燒仙草，令整體口感豐富，讓芋圓控大呼過癮！🥰【黑糖花生麻糬 $25】- 黑糖麻糬包着濃郁的花生醬，再在外層沾上糖不甩似的椰絲芝麻花生碎，絕對令你一試難忘👆🏻

還記得第一次光顧九份飽，感覺好像真的去到台灣，店面不大，但充滿台灣懷舊味的裝修令人目不暇給而食物，老實說，試過每一樣都好吃。 令我最難忘的是柯仔煎， 口感煙韌、濕潤他們的酥炸小吃亦很出色， 魷魚鬚有咬口，加上薄薄一層鹽酥的炸皮邪惡滿點的魯肉飯有肥美的豬肉和香濃的醬汁，超級下飯。配上新出的九份薑母茶，薑味不算太濃， 但茶味清甜紅燒牛肉麵份量頗大，牛肉吃起來柔嫩， 湯頭濃郁得來又不太濃味豬耳如果淋少少會好d外帶自取有9折， 所以還打包了一份九份芋圓， 除了芋圓，還有珍珠，豆腐花，涼粉和紅豆， 糖水應該是黑糖造成的，都頗為有驚喜，甜度適中

呢間位於北角嘅小店 真係有比到驚喜我 每樣野食單價都唔貴 係性價比幾高下嘅一間台灣野🤤 人均100樓下首先個滷肉飯做得唔錯 啲滷肉相對肥多啲啦 所以撈均左之後 加上裡面嘅滷汁 個飯真係好香😈雖然好邪惡 但幾好食🥰 個蛋就正正常常 但配滷肉飯就係絕配❗️而牛肉面一樣大大碗 幾足料😗 不過個湯底無乜牛味 牛肉相對切得薄左啲🤔個面條彈性幾夠嘅 我幾鐘意食牛肉面呢隻質地haha😎以46蚊一碗黎講 性價比ok 但佢嘅其它野食更好味肉鬆起司蛋餅一定要試下🤤佢係勁多肉鬆 🥰🥰 餅皮煙韌 餡料又足 呢個幾推介 邊邊有小小辣醬 加埋就係perfect ❤️鹽酥雞都好食💕 佢個皮唔係好厚粉 咬落去仲係有一舊舊肉 調味唔會過多 我覺得係適中嘅 食埋呢個就真係止到台灣癮啦😛😛飲品方面 嗌左3分糖嘅茉香奶茶同黑糖珍珠鮮奶 茉香奶茶有淡淡茉香味 都唔錯 我地真係食到好飽咁出返黎 haha

北角蜆殼街好多小店美食這間店約七點鐘已經要排隊店內位置不多，但勝在台灣菜正宗期間不少街坊選擇外賣紅燒牛肉麵 - $46清燉湯底好清甜，濃郁牛骨、香料及藥材味材料十足，還有紅蘿蔔粒和整塊陳皮牛肉跟牛筋達到「柔軟卻不乾柴」的又吃得到膠質的口感底部有芽菜、酸菜及通菜，味道豐富紅燒牛筋牛腩麵 - $48牛筋滑嫩彈牙，更有豐富的膠質牛腩則吸收了湯底的鮮甜底部帶筋部分，入口帶有輕微嚼勁肉鬆起司蛋餅 - $32蛋餅口感很軟熟，帶微微的九層塔香氣滿滿鹹香味的肉鬆和半溶化的芝士，口感毫不油膩蚵仔煎 - $42淋上台式甜辣醬的蚵仔煎，鮮香惹味還有啖啖青菜、蚵仔及餅底來豐富口感番薯漿入口清爽不油膩吃起來會一層層的胚芽珍珠奶茶 - $28厚厚的極富營養價值的胚芽鮮泡茶和鮮奶沖泡特別的順滑珍珠香甜富嚼勁的扎實口感鮮芒水果茶 - $29最近芒果當造，鮮芒粒極清甜多汁整杯富濃濃芒果味，清甜生津

難得同男友由新界出港島搵野食 喺Openrice見到呢野台灣野好評如潮 決定要試下🤣店舖嘅位置都算幾易搵 嗰附近得呢間鋪門口係有人排隊 我地約等左10-15分鐘就入得喇 店員都係台灣人 喺門口就安排我地點餐入到店內環境整潔 不過位置唔多我地見D野食唔貴 一口氣點左好多🙈$46 紅燒牛肉麵湯底好濃味 唔太辣 牛肉唔"un" 唯麵質略微不夠彈牙以呢個價 値得一試$48 紅燒牛筋牛腩麵湯底同上面個麵差不多 牛腩好淋同入味👍🏻$32 肉鬆起司蛋餅呢個蛋餅十級推薦 食完唔會太膩 男友更有衝動打包多份拎走$35 酥炸鹽酥雞$35 炸花枝丸鹽酥雞香脆可口 唔會太油同太厚皮 反而花枝丸有少少失望 唔係好有花枝味同好重粉 味道比較普通$25@ 珍珠奶茶& 苿香珍珠奶茶飲品普通 但可接受 苿香味唔係好夠 開頭同男友撈亂左黎飲都冇發現😂總括而然 所有食品水平偏高 又唔貴 對去唔到台灣嘅我地黎講 可以止下食台灣小食嘅癮😋

疫情之下連近近地去台灣旅行也有難度。想吃台灣的味道，就找了九份飽。位於炮台山的小店走懷舊台風。坐位不多，吃的是大路台食。懷舊魯肉飯 $40大大碗夠份量，魯肉絕不吝嗇，用上五花肉，滷味香濃，亦富油香。驚喜位是雖然碗飯好大，但每一口飯都能嚐到滷汁的味道。紅燒牛肉麵 $46香濃的紅燒牛肉湯帶沒死鹹，牛味十足。牛肉口感討好，啖啖肉而且沒有韌的感覺。鹽酥雞 $35即叫即炸，炸得香脆Juicy，食唔停口。肉鬆起司蛋餅 $32蛋餅香口煙韌，豐富蛋香，內有香甜的肉鬆，配上醬汁，非常開胃。茉香奶茶 $20淡淡茉香，甜度揀5就剛剛好。來九份飽暫時一解台灣的相思之苦。

去完紅香爐峰，夜晚黎跑台山呢間小店食台灣菜。我地唔夠七點黎到都已經有人排隊，走時條人龍長左好多，好彩早食咋。紅燒牛肉麵，牛肉係牛腱，夠腍唔會太薄，好味。台灣擔仔米粉有一隻蝦，一粒貢丸，半隻蛋同肉燥，比我想像中大碗，米粉似粉絲，幾惹味。流沙芋丸咬開係芋泥包住奶黄流心，好正。熱辣辣新鮮炸起，就算凍左都依然有流心。肉鬆起司蛋餅配有辣椒醬，蛋餅皮好食，加埋大量肉鬆同起司，好香口。蚵仔煎煙煙韌韌，蚵仔配埋生菜絲食夠爽脆，唔錯。冬瓜檸檬揀左少糖，甜度岩岩好。兩者好夾，冬瓜清甜，檸檬解暑，二合為一堅好飲。

呢期去唔到台灣唯有食返d台灣野黎止下癮呢間餐廳喺炮台山地鐵站附近我哋平日1:30去到...舖頭入邊都有幾台客好彩唔使等位首先係男朋友叫嘅滷肉飯不過雖然叫咗大碗，不過我男朋友食完都係得五成飽但係佢話味道係OK嘅另外我叫嘅紅燒牛肉麵我食完之後都有7分飽個湯好味， 牛肉就正常普通一片片咁樣反而我最鍾意食佢啲蘿蔔因為入晒味最後每人大約$50平日食飯出邊都係差唔多呢個價下次會再試下其他野另外加咗杯茉香奶茶3分糖冇咩特別

呢間係外賣app叫過幾次，質素高價錢合理，所以經過都想食多次。《懷舊魯肉飯（小）》$30好有台灣既味道，魯肉醃得好入味，肥多瘦少，滷汁都好香、配一個醃黃瓜。分量亦好足夠，《紅燒牛肉麵》$45藥材味較少，但牛肉味好濃，當中係用牛展，用滷水醃制而成。《肉鬆起司蛋餅》$30肉鬆起司蛋餅個蛋味好香，醬汁酸酸甜甜，芝士半溶狀態。《酥炸魷魚》$42即叫即炸，熱辣辣送上，魷魚炸層薄薄地，炸粉唔多，但外層仲好脆，而魷魚又唔會好硬，好有口感。《淡水蝦捲》$30之前無食過呢款蝦捲，食落有D似春卷咁，但個外層皮似薄脆餅