春水堂 (太古城中心)

营业中

休息中

紅燒牛肉麵（$92）御品三寶牛肉麵（$105）和紅燒牛肉麵差不多，紅燒牛肉麵只有半筋半肉，三寶是有牛肉，牛筋和牛肚，其實三寶都醃得入味，牛肚腍些，牛筋腍度剛好帶點彈牙，牛肉比較嚡，湯底味道夠濃，麵質夠煙韌。 台灣肉圓（$40）是這店期間限定，是古早的台灣小食，點了一客，份量不算多，係小食。上枱時已有一陣濃味，應是味淋，鹹魚和蒜茸混合起來的氣味。 圓型的外皮是半透明的，煙煙韌韌，係QQ彈，外皮似煎炸過，有少少似食潮州茶果的糯米皮，係幾好食的，包著的係免治豬肉，有筍粒，醃得入味，整體不錯，值得試 培香麵茶珍珠奶茶（$44）係期間限定。麵茶同樣是台灣的古早小吃。奶茶面層已有一堆麵茶，勺少少試，係香花生加芝麻味，成杯都均勻混合了麵茶的粉，每一啖都有麵茶的味，很特別也好有質感，珍珠是比一般店的細粒很多，很彈牙有𡁻口，加了麵茶，整杯奶茶的質感和層次感提升了，非常之好的配搭，這個期間限定是有驚喜 Braised Beef Noodles ($92) and Three-Combo Beef Noodles ($105) were similar.Braised Beef Noodles conta

春水堂係台灣品牌，我記得台灣旅行係見過既，個樣都好似幾高級（相比起普通街邊台灣野黎講），咁所以我對佢都有幾大期望。失望：1）可能期望愈大失望愈大啦，太古城呢間春水堂面積都唔細，不過啲位真係迫迫地唔舒服，可能因為防疫要加板，搞到好壓迫，兩個人食真係俾細細張台仔，佢個裝修同價錢我期望係想舒服少少，真心坐得唔舒服就打左個折。2）另外，唔知係咪裝修有問題，吸音超差，變左其實又唔係好多客，但個個客講野就變左街市咁嘈，可能客人質素都有點兒大聲左少少，或者佢室內設計太差，呢樣係耳仔唔舒服。3）職員態度唔係咁親切，可能真係成個環境又嘈又迫，職員既心情都麻麻地，想要杯水都少少黑面唔滿意咁。以上既野都打晒折，餐廳黎講食野先係重點。牛肉麵份量都足，牛肉幾淋，不過唔算太出色。正常一般啦。飲品：鐵觀音珍奶，少見啲既口味，飲落都唔錯。茉香奶茶，茶底唔夠香，味道一般。整體來講，呢個價錢，呢個味道，呢個環境應該有下次既機會都好微。我唔排除其他分店可能裝修好啲無咁迫無咁嘈，但太古城呢間就可一不可再。

相信鍾意食台灣嘢嘅一定有聽過春水堂嘅珍珠奶茶🧋因為真係幾好飲🤩 除咗招牌台灣牛肉麵之外，仲有台式便當，有好多款式選擇😋 紅燒牛肉麵必定要食！覺得佢嘅湯底好香，牛肉當然唔使講都好食啦👍 便當就試咗滷汁排骨便當，食完之後覺得好似返咗台灣旅行咁😂😂 我最鍾意就係飲春水堂嘅鐵觀音奶茶🧋奶茶香濃好飲👍 如果鍾意鐵觀音都可以試吓佢嘅鐵觀音拿鐵，覺得分別在於奶味比較多少少，不過都好飲嘅😊 值得推介！😊😊

春水堂長期好多人排隊，之前食覺得佢好好味，今次再嚟，覺得味道唔同咗。我哋一行2大1小叫咗個紅燒牛肉麵，蕃茄湯半筋半肉麵，一碟菜。食咗紅燒牛肉麵個湯，感覺冇以前咁濃，好似有啲唔同咗味，冇以前咁出色。蕃茄湯做得唔錯，牛筋亦都炆得好林，值得一讚，小朋友好鍾意食。順帶一提紅燒牛肉麵係跟幼面，蕃茄湯麵係跟闊條麵，我個人喜好係闊條麵。另外我哋叫咗個菜，菜上面諗咗好似滷肉飯嗰啲滷肉喺上面，但係個汁食到有少少麻辣，非常香口，幾好食，但係就唔啱小朋友食。總括嚟講覺得味道同以前有分別，好似冇咁好食，以前是不是就會掛住想落嚟食碗麵，但係今次食完之後就再冇呢種感覺。

第二次到這裡吃晚餐，上次嘗試過豬手便當，質素一般。今次亦經過太古商埸附近，再來試試其他菜式吧。當然珍珠奶茶也是來幫襯目的，悠然記得曾在台中嘗過他們人文茶館總店的奶茶 😋台式芋米糕 🧆 米糕煎炸得好脆口，一口一件沾上醬汁，堅好味！推介呀。魯肉飯(小碗) 🐖魯肉飯視為極具台灣特色的民眾小吃，每個地區做法亦不同，這個以肥瘦一定比例的豬絞肉，滷水醬汁加上豬肉鬆的做法，比較喜歡！加上小小一碗的分量也是剛好。👍🏻紅燒牛肉麵 🍜濃醇的湯汁中帶著一點辛辣的香氣，隨性撒上一把蔥花更帶出牛肉湯的明亮風味，牛肉看起來堅挺，吃起來柔嫩，加上麵條煮得爽口，非常樸實又單純的好滋味！😋珍珠奶茶一如往常的好 👍🏻⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️

今日要去太古辦事係app度見到呢間台灣菜好評幾多幾吸引就諗住去試下一點排隊門口都排曬長龍 覺得應該都會幾好味兩個人點咗一杯珍珠奶茶 豬扒便當 紅燒牛肉麵同埋黃金地瓜條珍珠奶茶淡呱呱 珍珠又細粒又硬 成杯嘢完全無茶無奶味 仲不如街邊奶茶舖沖嘅好飲👎🏻豬扒便當九十幾蚊 真系食到人神共憤 成盤嘢得四件豬扒可以勉強入口 仲係口感又柴又乾身果隻 其餘兩格嘅配菜 食咗一啖已經影響胃口 完全清水煮熟 一啲味都無 花九十幾食四件柴身豬扒 簡直係無謂👎🏻紅燒牛肉麵算係唯一可以入口嘅嘢 入面有幾件牛筋牛肉 都好大件 霖霖地唔會太硬 麵條口感軟硬適中 都幾爽口 但係個湯就算係敗筆 一陣大陸即食麵嘅味道 同埋配送嘅酸菜少得可憐 唔值八十幾一碗黃金地瓜條三十幾唔貴 但係口味真心差勁 上面淋嘅甘梅粉完全係逐粒數住落嘅 除咗蕃薯味就係蕃薯味 食咗個空虛🙄兩個人食咗$251蚊 算係花錢買教訓啦 得個樣睇 食物素質完全跟唔上 唔會有下次

今日和兩個朋友吃了一餐很滿足的！叫了很多好吃的，每樣份量都很大，即使是這樣價錢很化算！地方坐得舒服，簡約設計是個很好的打卡位。🍜食物：◾️紅燒牛肉麵($82)：上桌的時候，我個朋友都頓時驚嚇了，很大一碗！紅燒牛肉份量很足夠，麵條煙韌有咬口，湯底也很正宗， 不會油膩，也不會很鹹◾️茶香肉燥生菜($28)：肉燥很入味，很適合喜歡吃台式食物的我，我用菜裹上魯肉吃，這種吃法真的太值得推薦了，菜吸了肉汁同時滿口肉燥◾️金沙芋泥丸($48)：芋泥味很足，甜甜的，內裏蛋黃也足料，是一款很好的甜品◾️珍珠鐵觀音奶茶($34)：這間的鐵觀音濃味，選了微糖的關係，茶味更突出，珍珠也是我喜歡的，有咬口，珍珠大細適中

最近疫情嚴重咗好多, 返工食lunch嘅時候都少咗堂食, 揀外賣自取多.之前luchtime經過春水堂, 都見到勁多人排隊堂食, 所以一直都冇機會試.今次就試下佢嘅外賣先啦.我係用咗openrice嘅app叫外賣.其實都幾方便, 可以揀幾時攞.個餐準備好, 個app又會有通知提你去拎, 完全冇delay.講返嘢食先, 我叫咗紅燒牛肉麵 (HK$83) + 珍珠綠茶 (HK$29).佢係麵同湯分開裝嘅.本來以為個麵份量好少, 但食完都幾飽嫁.個麵質就一般啦, 偏腍.不過個湯就好濃, 好好味.牛肉都幾多嫁, 佢係半筋半肉各有4塊.D牛肉好腍, 牛筋入口即溶.珍珠綠茶 都好好飲, D珍珠非常有咬口.佢有幾個甜度揀, 仲可以揀要唔要冰.我就揀咗微糖去冰, 味道岩岩好, 唔會好甜.整體黎講, 外賣自取真係好方便, 去到餐廳唔洗等就準時有得拎.食物質素唔錯, 紅燒牛肉麵&珍珠綠茶都好好味.但係外賣性價比唔算太高, 因為個麵嘅份量唔算多, 男仔食可能唔夠飽.下次有機會都會試下佢嘅堂食!

聽聞春水堂係珍珠奶茶出名，但對唔住我真係唔嗜飲。噉我就叫咗個都係廚師推介嘅紅燒牛肉麵($82+10%)：牛肉係好夠林，不過個湯味係無咩特色。性價比一般。留意返，喺台灣，牛肉湯麵，唔係牛肉+湯麵，係牛肉湯·麵，即係無肉架。

春水堂開咗喺以前Night Market個位，裝修同台灣差唔多，新開張關係，成日排晒長龍。今日平日特登嚟食個早飯，所以唔使排隊。我哋叫咗黃金香酥雞，同埋紅燒牛肉麵。香酥雞做得好鬆脆，啲雞重有肉汁，非常香口。紅燒牛肉麵個湯底都算好好味，毛巾亦都炆得夠林夠入味，值得一讚，下次會試埋佢哋嘢飲。其實如果同台灣比，香港嘅價錢都真係幾貴，$82一碗麵，飲品就同Starbucks差唔多價錢。不過而家冇得去台灣，冇計。