段純貞牛肉麵 (Tower 535) (已結業)

📍段純貞 @ 銅鑼灣ღ 紅燒腱心半筋半肉牛肉麵 $102ღ 香芋珍珠奶茶 ღ 青花椒香手撕雞乾拌麵 $102ღ 珍珠奶茶係想試好耐嘅牛肉麵🤣平日晏晝2點去到完全唔洗等位～牛肉麵湯底睇佢個顏色就知好濃郁 (・∀・)牛肉炆得非常入味 有咬口又唔韌！出色喔手撕雞份量都好多 醬汁酸酸辣辣幾開胃不過乾拌麵嘅汁太少 撈麵嚟講真係有啲乾🤣btw 大家嚟到可以唔洗叫佢嘅珍珠奶茶 香芋係糖漿味 原味就冇味又唔凍 係室溫ʕ⁎̯͡⁎ʔ༄飲幾啖我都覺得浪費緊啲quota☠️回頭指數😼3/5（牛肉麵可以encore ( ͡° ͜ʖ ͡°)

大約一年前第一次黎呢間銅鑼灣既段純貞牛肉麵食台式牛肉麵。難得今日疫情期間餐廳都開門，決定同友人再黎食個lunch，重溫一下台式牛肉麵。餐廳主打唔同種類嘅牛肉麵同雞麵，仲有多款小食同台式飲品。原來仲有甜品，同隔離京都勝牛嘅甜品一樣。午市餐牌有自選組合，做3個價錢，分別係$102麵食加飲品，$118麵食加小食，同$138麵食加小食加飲品。不過自選組合唔係乜都可以揀，貴價嘅牛四寶就冇得揀。設有加一服務費。落單自己掃QR code，都幾花時間。紅燒腱心半筋半肉牛肉麵師奶仔當然係揀主餐牌當中最貴既紅燒腱心半筋半肉牛肉麵啦。碗麵大大碗，連個碗都印左個招牌名段純貞。先飲一啖湯先，好清甜，帶有香濃藥材同牛骨味，但係一d都唔油。原來個湯係用牛油加入香蔥，薑蒜，豆瓣與23種中藥材，慢火拌炒8-9小時後，加入牛骨高湯熬，再加上各種手工調配的香料及醬料，但係飲出嚟嘅感覺係複雜中見簡單，落到喉嚨有少少辣。牛有3條牛筋同兩大舊牛腱心肉。餐牌介紹牛腱心肉係一隻牛只有五碗份量左右，炆得超淋又重牛肉味，仲帶d骨膠原重既牛筋，餐牌寫明係美國牛肉，好味道。牛筋都係炆得超淋而骨膠原重。配菜有兩條小棠菜同蔥花，我叫左多蔥，食落

台灣牛肉麵過江龍，來港已開了3間分店，熱潮似乎已過，銅鑼灣店午市繁忙時間都大把位唔使排隊😆午市也沒有套餐，以一碗麵來說定價都係偏高，性價比一般。紅燒腱心半筋半肉牛肉麵 $88三寶麵 (腱心、牛肚、牛筋) $92湯底的確好濃郁，食得到有好多香料好有層次，腱心好腍中間少許膠質，牛味頗香濃，牛肚牛筋都好食入味既。可惜手工麵太厚，係好有口感但太厚令佢偏硬身厚重，冇咁好餸湯。桂圓杞子薑母茶，沒有加糖，飲到桂圓自身的甜味加上淡淡的薑，暖胃之選。

段純貞 段純貞創立於2007年，喺台灣新竹起家，至今已經喺台灣有17間分店。 當初創辦人樊廣志於新竹開店，同樣源至於祖母段純貞。段純貞係四川人，喺國共內戰個陣搬到台灣後，由於煮野食又有一手，又喺大陸度偷到師，就喺新竹以單車賣自家製嘅豆辦醬，泡椒等佐料幫補家計。 段純貞開業後，得到台灣美食教父焦桐光編輯嘅《臺灣牛肉麵評鑑》中將段純貞評為「5星牛肉麵」，指出呢碗牛肉麵係台灣獨有四川味嘅紅燒牛肉麵。 紅燒腱心半筋半肉牛肉麵$88 官網講話湯頭以花椒，豆瓣醬等多種辛香料炒製後，再加入23種中藥材，牛脂，八角，老薑，紅蘿蔔，白蘿蔔等熬製8小時。湯底非常濃郁，除咗有香濃嘅藥材，香料，牛骨味之除，又有豆瓣醬同花椒嘅麻香味。但對我黎講，我就覺得太濃同咸咗DD，如果調味淡返少少就啱我口味多D。牛筋同牛腱都燉得好夠腍，牛筋入口即溶，兩者都好入味。食客可以選擇手工粗麵或幼麵，我就要咗粗麵。麵條係由台灣提供嘅配方喺香港嘅工場每日新鮮製造而成。粗麵非常有咬口，煙韌，但又唔會韌到咬唔開，呢隻麵條掛湯能力較少，對我黎講，因為湯底較重口味，所以呢隻麵條幾啱我口味。

聽講呢間牛肉麵好出名，本身以為會好多人，但係閒日下午一點正正lunch hour都好多空位，大概只係三成入座率。麵體軟硬適中，但係就無乜彈性。牛肉同牛筋都燜得幾好，夠軟腍亦入味。不過，最大敗筆係個湯！係好濃，但係好鹹，所以除咗鹹之外其實食唔到其他味。好需要靠酸菜吊味，之但係佢嘅酸菜亦都係鹹！不過，始終都好過就咁食嘅。總之一路食一路要不停飲水😕 可以一提嘅係，侍應服務都好快手，keep住加水，唔駛我四圍搵人。