大樹燒烤 (已結業)

好耐無食串燒啦！今日帶大家嚟到尖沙咀呢間四川串燒～坐低發現餐廳好細心！有個爐仔熱住啲串燒唔會凍晒！仲有提供額外孜然粉同埋辣粉比大家加🤪🌟爆汁苕皮$33呢個超少見！以紅薯粉作材料，整成煙煙靱靱嘅皮，加咗酸豆角/蒜蓉/蕃茄/蔥 去做成內餡，食落都幾惹味同時唔會好重口味到要係咁飲水！🌟豚肉韭菜花卷 $28一串有三卷，咬落韭菜爆汁，薄薄嘅一層豚肉片增加口感！再加孜然粉就好正！🌟薄切鹽烤牛舌$38呢個幾抵食～$38一大碟，攞嚟送酒傾計就啱晒！牛舌爽口重牛味！建議加辣椒粉增加層次感～🌟即開即燒大生蠔/大扇貝 $35/1餐廳落重蒜去燒！食落重口味嘅同時都無阻食材嘅鮮甜！🌟豬頸肉$18全晚mvp! 燒得啱啱好～食落好juicy油脂感重！調味得好好唔會過鹹/過淡！🌟燒娃娃菜 $26/2串娃娃菜係串燒必叫，明明係健康嘅嘢串燒會令到佢唔健康🤪有菜嘅juicy再有孜然粉嘅重口味！🌟鮮切鮮牛肉 $33/3串呢個就稍為遜色咗少少🥲好靭🤕️可能係廚師切錯紋了🌟紅糖爆漿糍粑 $42一上枱熱辣辣！咬開爆晒中間啲紅糖🥹仲要煙煙韌韌咁～好甜好幸福！🌟紅糖冰粉 $28食完鹹嘢要用甜品作結！冰粉有紅棗杞子紅糖仲有提子乾！好有口感

今日去咗厚福街H8嘅四川燒烤店 - 大樹燒烤。餐廳以暗燈為主，副有氣氛，加上水吧係類似酒吧嘅設計，好適合帶朋友放工黎傾計飲酒食串燒。今晚我地嗌左麻辣鴨血粉絲、燒牛舌、焗糍粑同一眾串燒。串燒可以根據自己喜好，自行加孜然粉同辣粉，雖然串燒紙上有寫大中小辣，但店員告知辣度係由客人自行調較嘅。串燒方面，我地試左豬大腸、雞皮、雞中翼、雞軟骨、蝦、牛丸、金菇肥牛、蒜芯、冬菇、菠蘿等等。我地嗌左嘅燒物太多，不能盡錄，特別推介既有大腸、牛丸同雞皮。串燒好香脆，加上餐廳每張枱都配有一個用火燒住嘅熱石板為食物保溫，就算慢慢食都唔怕燒物變凍。麻辣鴨血粉絲 - 麻辣湯底好夠味，粉絲較少，只係用過下口癮嘅份量。但味道好好，鴨血份量尚可。燒牛舌 - 燒牛舌係分開一碟上嘅，味道好好，夠爽脆。如果可以再厚切啲會更好。焗糍粑 - 第一次食糍粑，一食就愛上。呢到嘅糍粑皮好薄，仲要焗到好香脆，咬到去仲有糖漿流出黎，甜到入心，極力推介!

好耐冇去尖沙咀厚福街H8搵食，原來又換咗唔少餐廳，今次試咗呢間喺12樓新開嘅串燒店串燒種類有好多，呢度特別之處係有個鐵盤暖住啲串燒，唔會怕放耐咗變凍，而串燒唔會話好濃好辣，因為預你自己加孜然粉同辣椒粉，啱哂唔同人口味除咗串燒，仲有啲鍋鍋燒，我點咗個蒜蓉金針菇同埋麻辣鴨血粉絲，兩鍋份量都幾多，而且都係滾住咁食，好似打邊爐咁幾爽最後叫咗個紅糖爆漿糍粑，外皮炸得鬆脆，入口煙韌，內外都係紅糖，但唔會太甜，而入面嘅紅糖真係又熱又會湧出黎，所以要慢慢吹凍食飲品揀咗杯百香果冰，呢杯係將百香果攪碎整成沙冰，酸酸甜甜，幾有助消化呢間串燒唔算貴而又好味，下次會再黎