Backyard (已結業)

黎到荃灣 <8咪半> 地下層，Backyard食物高水準，環境舒適，服務一流 !外表美觀，食物質素唔錯的Backyard西餐廳，令你彷彿置身後花園一樣～先叫一份🍤大蝦魚柳Set Dinner ，前菜是香煎蟹餅沙律配芥茉蜜糖汁，蟹餅配以蜜糖芥茉入口熱烘烘外脆內軟的，搭配芥茉蜜糖汁的沙律，令個蟹餅濃厚得黎減左膩 !主食方面: 大蝦魚柳美味又有豐富蛋白質，大蝦肉爽，兩大塊魚柳外脆內軟簡單調味已經好好味, 好食完成個人都好飽足，大家不妨一試.....好睇又好好食~招牌~ 紅菜頭田園三文治配薯條 $99，桃紅色既紅菜頭三文治吸睛度十足，用紅菜頭整成之三文治入面有火腿，生菜和蕃茄，食落口味輕怡，絕對唔重口味仲好健康，烘底三文治十分香脆內軟，跟既薯條炸得好脆口ah，整體的份量也多，絕對⋯對得住$ 99呢個價錢~值得一試 !餐湯是鮮雜菌忌廉湯，忌廉湯味濃好香忌廉味好鮮味好滑，十分不錯。最後當然唔少得甜品啦椰子tart，甜度口感硬度恰到好處好香好濃有驚喜甜品~Backyard西餐廳食物質素好，唔怪得咁多好評la過開黎荃灣一定會再去，而且值得推介比朋友！

荃灣愉景新城旁邊嘅中染大廈，翻新後改頭換面咁，感覺比從前高檔。當中有唔少新進駐嘅餐廳，我哋去試咗地下嘅Backyard。位處熙來攘往嘅馬路旁邊，餐廳裝修卻令人有種置身晌溫室嘅感覺，檯上仲鋪咗磁磚，令成個環境顯得唔單調。烤雜菜沙律，烤意大利黃瓜青瓜配上火箭菜、車厘茄、生菜、黑醋汁等等，口感爽脆清新。是日餐湯係粟米湯，同其他地方嘅有少少唔同，每口都飲到打碎咗嘅粟米粒，都唔錯。德國鮮肉腸蘑菇薄餅，搓成橢圓形，餡料有德國鮮肉腸、蘑菇同番茄，配上芝士、羅勒同番茄醬，餅底仲係我偏好嗰種脆如餅乾嘅質感。烤美國安格斯牛肉眼扒配燒汁，生熟度揀咗五成。餐牌指呢塊安格斯牛肉眼扒足有八安士重，咀嚼起嚟軟腍鬆化，頗有油香同烤香，底下仲有椰菜花、薯粒同彩椒。我哋叫咗咖啡，既提神又可以消滯，餐廳提供嘅係外型有啲似小石嘅白方糖同啡方糖。試埋呢個上網睇話只限荃灣分店先供應嘅紅菜頭田園三文治配薯條。三文治嘅桃紅色好吸引，麵包厚身，顏色主要係來自紅菜頭汁，稍稍烘到微焦，食落鬆軟而富彈性。中間分別夾咗烤芝士、煙火腿、番茄片、生菜絲等等，同埋搽咗沙律醬。薯條就灑咗辣粉、香蔥同煙肉碎，蘸芝士醬嚟食都幾惹味。味道OK，但份量非同小

平時食慣既野，加點顏色，加點新意，就大同了。話說荃灣8咪半裝修完後整個感覺都不一樣，還開了不少新餐廳。趁賣樓潮散去，自稱「荃灣小地膽」終於可入內覓食。今日食這間新開環境相當好的西餐Backyard。入去裡面，剛坐下時不多人，環境寬闊，坐得非常舒適。非常適合與閨蜜盡訴心中情，訴完仲可shopping。紅菜頭田園三文治配薯條($108)之前都講過，紅菜頭在我心中是非常健康的食物，所以想都不用想就點了這個紅菜頭三文治。用紅菜頭汁把方包染紅，三層包內有生菜絲、火腿和蕃茄等配料，用料新鮮，加上沙律醬，感覺相當足料，口感飽滿。紅菜頭本身味淡，但是色澤非常好看，令人食欲大增，清新得來很滿足！薯條亦爽脆好吃不算多油。軟殼蟹泡菜竹炭漢堡配薯條($128)食完紅色，食黑色。竹炭包，我每次見到它，內心仍覺有一絲新奇。這個包身相對較脆，內裡夾了炸過的軟殼蟹和泡菜。泡菜在這裡的作用相當奇妙，乾身的包、乾身的軟殼蟹，配上一個濕的、濃味的泡菜，意想不到，但食落又幾match。與紅菜頭三文治相比，覺得是折然不同的兩種包，這個偏向比較濃味。兩個都好食，但我個人會帶點偏心地推介我最愛的清新的紅菜頭。燴牛仔膝配松露汁($1