永年士多 (寶城洋樓)

营业中

休息中

永年我一向很喜歡吃它的車仔麵，間中也會約埋好朋友一起去食返碗面。難得今日放假，當然要去食返轉啦 12點開門，已經排緊隊，成日去食嘅我們當然知道，早少少去就唔使等三餸麵要＄36 ,我習慣加多1、2樣餸，今朝早未食早餐，所以叫多啲😎餐廳乾淨，多數都是櫈仔，卡位數目少，好彩我今日霸到😼識咗咁耐咁多次，難得依然可以保持水準！我最喜歡就是它的辣汁👍🏾👍🏾👍🏾特別是炸魚皮沾一些湯汁，好嘢味撥開少少炸魚皮，啲餸就出返晒嚟最鍾意就係同老死互相交換餸食，就可以食多幾款！特別想介紹下下面幾樣餸😋😋😋永年的豬皮是必點！咬落彈牙，唔會煮到太淋身，而且吸晒湯汁的味道！絕對推薦！ ！其次是蘿白，食車仔麵無理由唔食蘿白！蘿白入晒味👍🏾牛肚蚊到好淋，陳皮魚蛋唔會*粉*！流心蛋夠滑，蛋汁流出來，加少少湯汁就更完美雞翼又是例牌會點，入味但肉質不會淋晒絕對要加埋呢杯奶茶紅豆冰，勁多紅豆！出面搵唔到，飲飽食醉滿足晒😋😋😋

每次來元朗經過都見到呢家車仔麵店好多人排隊！仲每次都大排長龍⋯裝修前係咁多人，裝修後都一樣咁多人！仲裝修到有種懷舊的香港風令到我終於都忍唔住去試一次啦！排隊，叫餐，再拿埋食物，其實都唔係好左好耐時間～一睇就覺得好咁，仲要好香～湯底味濃，仲要原來叫碗3餸都幾大碗我就叫左少辣～對我來說好夠了🤩味道岩岩好，辣辣地幾過引～麵底爽，豬紅超滑！！呢樣真係激讚，現在好少地方整豬紅整得咁好食了～（有些地方整得好嚡脷⋯)仲有流心蛋係堅流心😭😭😭😭😭😭😭😭😭真係好正丫喂⋯⋯冇得輸⋯出面食一定唔只呢個價啦⋯另外仲有雞翼同蘿蔔都好值得一提！雞翼大大隻～又夠晒入味～但唔會「淋」晒！入面仲係滑滑的，有咬口的正蘿蔔又係入味得黎，又唔會冇晒蘿蔔果種清甜～～唔好睇少呢杯菠蘿冰！我覺得值得一試！佢唔會只有糖水甜味！一定是有調過味的～會有一種特別的酸味（個人認為係加了檸檬汁🤔🤔🤔）yummy🤤🤤奶茶紅豆冰都好正，茶味濃！又夠滑，溝左紅豆之後多左陣陣的甜味！（個人建議先飲一口奶茶先再搞，咁就飲到兩種不同的感覺！正）

相信大多數人都唔會對永年士多感到陌生，以車仔麵馳名，晌元朗已經有多年歷史，直至近年重新裝修，昔日街坊式食店變得更光鮮企理。雖然同棺材舖為鄰，亦已經過咗午餐時間，但店外仍有人龍，可見人氣非常厲害。入口收銀處上方有塊電子顯示屏，可以一邊排隊一邊諗食乜。晌收銀處叫咗嘢食同晌取餐處拎咗嘢食之後，就可以自己搵位坐。入面嘅環境整潔，其中一面牆上仲掛咗舊日嘅招牌。落地玻璃窗嗰邊係一列高身吧檯，可以邊食邊望街。我試咗淨餸，分別係豬腸、豬紅、雞翼、冬菇、蘿蔔同菜心，辣度就揀咗小辣。豬腸軟腍冇腥味，豬紅嫩滑爽口，雞翼煮得雞骨同雞肉輕易分離，冬菇香而有咬口，蘿蔔甜香冇渣，菜心翠綠脆身，食物本身都已經有調味，唔係白烚煮熟再拼埋一齊。小辣辣度適中，當中夾雜住香料味，湯底飲起嚟惹味，不過就有少少令人口乾。早有預備咁叫咗杯紅豆奶茶冰試試，紅豆同奶茶嘅比例接近一半半。冰塊打得細碎，紅豆煮到軟身起沙，質感濃稠，奶茶嘅茶味同奶味平均，甜味啱啱好，拎嚟解渴都唔錯。

重新調整了工作的心情，發現很不習慣這樣的自己。是日請了假，往南生圍踩了一圈，沿途停下來遠觀白鷺，躺躺草地，看看夕陽，幸福大概就是這麼一回事吧。如果進來這片淨土的車輛能更少一點的話，應該會讓人更加舒服。晚上來到元朗名店吃車仔麵去，這間店已經營多年，由士多改頭換面成眼前的型格麵店。小店已經五十多歲，它在該區陪伴着許多人成長，之前幾次經過門外，都排滿了長長人龍，今日客人卻出奇地少。小店行快餐制，先在收銀處下單，再排隊取食物。我們點了大碗麵、咖央多士和紅豆奶茶冰，加起來不過$82，是非常經濟的二人餐。厚多士$10，一片麵包開邊對折成兩件，有鮮油、煉奶、班蘭咖央三款口味，追加額外口味則多收$2。喜歡咖央濃濃的椰香，不會太甜，多士底面兩邊都烘烤過，拿上手厚厚軟軟又微脆，手感和口感都很好，如果咖央可以塗厚一點就更圓滿了。紅豆奶茶冰很有驚喜，雖然羅麥記及其他冰廳都有賣這款懷舊飲品，不過永年的茶奶濃度相對比較好，質感不會水水的，底部墊了很多起沙的紅豆，入口味道相當濃厚。大碗麵很適合有選擇困難症的人，又或是像我這樣的懶人。$53已經包括紅腸、魚蛋、蘿蔔、豬血、豬皮、雞翼、雞翼尖、魷魚、豬大腸及時菜，如果嫌