麥當勞

营业中

休息中

「肯同男朋友捱麥記的女人」又出動了😂貪新忘狗的我，當然捉女朋友去試吓新野。美祿焦糖咖啡搞錯！今時今日原來好多人唔知道乜嘢叫美祿！依家啲後生仔真係過份，一定又係因為佔中....；）簡單來講，美祿係一個好好味嘅朱古力飲品，唔少80後的年輕人，係小朋友嘅時候都飲過，真係香港人集體回憶。如果冇聽過，你應該聽過佢嘅死對頭，好立克、阿華田；D 未試過嘅人，今次係機會啦！如果你係遊客，都不妨試一下！因為香港版，其實味道都會有啲唔同！首先整體來講，杯嘢飲係好好味，好甜唔會太酸。上面有一粒一粒美祿波波、美祿粉裝飾，飲嘅時候，可以一邊食美祿朱古力波，一邊配合少少苦味嘅咖啡，口味岩哂我哋80後。正！紅豆批據聞講，月經來的女生吃紅豆特別好，所以要叫一個慰勞一下女朋友。紅豆滿滿的，非常滿足。不過有一點要留意，唔同麥當勞餐廳，紅豆批質素會有唔同。有啲，有好重嘅油味，嘔心。尖沙咀科學館附近這一家，就沒有這個問題。好唔好味道我諗就要睇你彩數🤣玉子牛堡幾好味，又有番茄醬甜味，又有雞蛋，配合漢堡牛肉，味道、分量都非常平衡，值得再食。粟米杯依家麥當勞可以將薯條轉左粟米杯，健康啲。粟米杯，重有少少牛油香味，某程度上覺得仲好過

新推出的為食咭，正價購買A款，送B款，可自由配搭，無限次數使用，真是十分實用。今天終於在尖東付出十二元，購買這款為食咭。而自己最喜歡的組合，就是熱咖啡配2件批。還可選擇新款的批～紅豆批呢！　蘋果批　　這麼多年來都很喜歡蘋果批。玉桂粉加上蘋果微微的酸味，但有糖漿來調味。而蘋果粒爽口，與新鮮的蘋果當然有差別。脆炸皮雖然有點熱氣，始終炸得不算太硬，可以慢慢咬。澱粉質真的很美味。新款：紅豆批　　紅豆不太硬，甜度有如紅豆沙，是十分熟悉的中式糖水的感覺。　　熱咖啡　　嚐過2款甜甜的批，以咖啡作中和。　這個配搭作為下午茶，真正！十五元有三件，平均每件5元。雖然炸批有點熱氣，可是間中放縱一下，無妨吧！這尖咀分店，有飲用水提供。