富豪坊

营业中

休息中

今日是長假期的最後一天，所以把握時間去玩、去食和去hea，要作最後的衝刺。今日就約朋友去沙田教我踏單車，希望一學就識，結果….朋友很用心教我，可惜….可能我的運動細胞真是不多。為了報答他的用心，便請他吃餐好，其實是我自己很想臨開工前吃餐好，哈！朋友喜歡食中菜，揀了一間酒樓，地方光鮮企理，燈光柔和，跟一般酒樓的格局相若，有大廳和廂房。大廳設有多張四人圓枱，亦有數張大圓枱，枱與枱之間有幾多空間，坐得舒服。細閱各份餐牌，有招牌菜式、風味小食、招牌飲麵、滋補湯羹、風味小食、精選套餐、精選菜式、點心和甜品，每個系列的選擇都挺多。*******************先開一壺普洱茶($22/位)，好香濃。另有一碟小食($22)，是辣辣地的沙葛幾爽口，好食!*************************朋友看十款招牌菜式中的砂鍋竹笙上湯虎斑球 ($298)，熱辣辣上枱，正！內有不少爽滑的竹笙、多件白滑鮮嫩的斑球，還有爽口的雜菌和幾棵翠綠清爽的西蘭花，眾食材都好新鮮，少油少鹽，清新健康，果然是招牌菜！*******************我都揀了另一道招牌菜式，就是乾貝汁珍菌煎焗鮮蝦球 （$268

今晚與朋友到富豪坊吃飯，位於沙田大涌橋路34-36號麗豪酒店2樓。 店內環境舒適，裝潢方面融入了中國荷花的美態，配上中國色彩的擺設、金銀色調傢俱及水晶燈飾，盡顯了東方色彩。  餐廳提供酒店式粤菜， 菜式種類多，見到餐廳都有幾多熟客。晚餐🥢 ～ 黑魚籽鮑汁煎蠔$288、 杏汁燉白肺湯$268、 鮑汁章魚雞粒炆飯$188。 ✨黑魚籽鮑汁煎蠔 ～ 賣相相當精美， 一碟有六隻， 煎蠔味道很鮮甜， 外脆內軟，配上濃郁鮑汁和黑魚籽作點綴， 食出淡淡蠔香。 ✨鮑汁章魚雞粒炆飯 ～ 每粒飯都吸入鮑汁的精華， 加上章魚、雞粒和翠玉瓜粒，份量好多，兩個人食唔曬。✨杏汁燉白肺湯 ～ 真材實料，有大大塊厚切花膠， 有豐富的骨膠原， 豬肺口感有彈性，奶白色的湯頭味道香濃幼滑， 清澈鮮甜，有濃郁的杏汁味， 超好飲。 ✨紅豆沙 ～ 甜品有紅豆沙， 甜度適中。富豪坊的菜式味道不錯， 每一款都用心製作， 絕對是一間親民的酒店式粵菜餐廳😊。🏷️溫馨提示～ 整個用餐體驗均屬個人分享意見， 只作參考😊。

週年紀念 特登請咗假🥰🥰休閒行過一日喺沙田河畔行完book咗隔離嘅麗豪酒店中菜廳 富豪坊食晚餐🥣地方夠大，河畔夜景靜靜地 好舒服😌店員服務真係酒店級👍👍佢哋嘅廚師推介好啱口味😝砂鍋珍菌乾燒龍躉球 非常有驚喜啊 上台滋滋聲，龍躉球非常大，仲有 豐富嘅魚油，外皮炸得卜卜脆，魚身keep住嫩滑，非常鮮甜，肉完全冇骨，加上乾蔥雜菌 蔥段一齊爆香，好惹味，份量超多！椒麻乾燒大蝦球用上大量花椒乾辣椒蔥段，花生🥜 川菜非常惹味，麻度都比較高，辣度就剛剛好，喜歡食辣嘅一定要試下蝦球大大隻，爽脆彈牙，大大碟，起碼有十隻感覺超抵食😜😜香麻蔥花雞前菜嚟講份量非常多，用上雞髀位，蔥油非常香而且有雞味😌一啲都唔肥，蔥油唔會太鹹，用嚟送飯真係一流👍👍人頭四百蚊左右食到撐住個肚走，因為份量真係超多，最尾經理仲需唔送埋紅豆沙，大大碗😁😁好適合家庭聚會 聽到隔離枱係住客驚你仲主動 打折 😉員工服務好用心值得一讚 仲有好多套餐，下次可以帶埋屋企人品嘗一下🥰🥰

早上在附近參加講座，散會後見到此店在馬路另一邊，正好在此午飯。不作多想便决定試二人套餐。小食是手柏青瓜，瓜脆唯醬味不足。頭盤帶子西湖牛肉羹，值得一讚，帶子切粒後亦爽口，湯底味鲜。四個點心春卷亦鬆脆，牛肉球，燒賣，义燒包大路貨色。上湯浸白菜味道不錯，大良牛鬆炒飯份量未足夠及煑工一般，甜品红豆沙亦平凡。

今年的家人團年飯由我提出到麗豪酒店富豪坊為吃晚飯的地點。因為富豪酒店與Green Monday合作推出了新派Food 2.0素食菜單。我和媽媽有不少素食選擇。 這酒店很大。位於酒店二樓的富豪坊也很大。看到門口的佈置，應該是婚宴的熱門地點。 沒有太多柱子，是適合舉辦宴會的地方。而且，一邊的窗戶面對城門河。可以欣賞沙田著名的景色。 我們十二位成人，一位小童。點了一份八人套餐。素鵝是其中一款前菜。我和媽媽也可以吃。這素鵝不是外層炸得香脆，中間有蔬菜粒的那一種。而是整個腐皮卷，中間有少許木耳和香菇粒。口感是軟滑的。這一種素鵝不會讓人感到燥熱。 黑松露金瓜蘭度炒鮮百合，$148。是在主餐單上點選的。下單時，我請店員替我走掉葱和蒜（如有的話），也請她確認是否純素。可惜，葱和蒜還是有的。而且味道非常濃烈……反而我嚐不到黑松露的味道。材料有南瓜、蘭度、鮮百合、雲耳和甜紅椒。鮮百合不多。蘭度，家人說是芥蘭，口感十分爽嫩。南瓜煮得軟腍。如果沒有葱和蒜，這道菜對我來說應該很合味。 本想來品嚐新派Food 2.0素食菜單上的素菜。但店員竟然說今年即將暫停！現在只有兩款菜式可以選擇。其中一款是這道原個菠蘿植物

要在沙田搵食絕不容易，各大商場各大食街在用膳時間每每人滿為患。想舒舒服服享用一頓飯餐，麗豪酒店很多時也是不錯的選擇。 麗豪酒店內有多間餐廳，有中有西，是晚到訪的富豪坊是云云中菜廳之一。 通常酒店的中菜廳定價都不甚便宜，但富豪坊一客四人合家歡聚套餐才不過六百餘元，好友有會員咭更有七五折，定價頗為吸引。 兩款自選豐盛前菜，脆皮乳豬件只有脆皮部份，肉量不多。就脆皮而言，質感稍稍實身，調味亦比一般乳豬鹹了少許。 瑤柱貴妃雞口感挺滑，最後更因而 encore 了一碟！ 杏汁豬肺湯是是日滋補燉湯，杏汁味香到位，湯汁稠密，味道不俗。在二十多款名廚家常小炒中可自由挑選三款。鎮江一字骨選用相當厚肉的部份，骨不可見，有點不貼題。骨排經炆煮後相當上味，唯獨鬆軟感可再加強。韮黃滑蛋炒蝦仁蝦仁大隻爽口，滑蛋滑感不過不失，加入韮黃後風味更佳。竹笙鼎湖上素以清爽食感為主。因素菜不屬筆者喜愛之物，只作淺嚐。主食是金蒜牛鬆炒絲苗，雖然金蒜出力不強，但整道飯品仍見美味。 紅豆沙是是日精選甜品，甜度適中，質素有交代。整體來說，餐廳的菜餚份量足，水準不俗，定價合理，是沙田另一個家常便飯的好地方。

:今日約咗朋友喺沙田食飯，諗住揾間靜啲嘅中菜廳可以傾下計，走咗入去麗豪酒店豪苑，點知原來改咗名叫「富豪坊」，重從新裝修咗，好闊落好靚添！我地叫咗三個小菜 (粉絲雜菜煲 / 葱油雞 / 勝瓜浸中蝦) 及一個燉湯 (天麻燉魚皇) 。粉絲雜菜煲份量夠大，好多料，蝦干味好香；葱油雞嘅雞肉好鮮嫩；勝瓜浸中蝦都唔錯，嗰啲汁好濃而又帶咗蝦嘅鮮味，勝瓜浸咗落啲汁到好好味！最值得一讚及推介嘅係個燉湯，湯味濃，湯料足，雖然係魚湯，但係一啲都唔腥，飲完喉嚨都唔會「喝」喉，真係老火靚湯！之後叫咗紅豆沙做甜品，水準都好高，起哂沙又唔會好甜 (有啲酒樓真係煮到〝甜椰椰〞，成啖糖擺入口咁) 。我地食完都好滿意，埋單嘅時候經理話指定信用咭仲有折，唔駛四嚿水就落樓，勁抵食！(如果有中銀咭仲抵，因為中銀咭做6.8折！) 不過我地已經決定咗約多啲朋友下次再嚟食！P.S. 八卦問下啲伙記，得知原來個大厨係响利苑酒家過嚟，唔怪得知啲食物水準提高咗咁多啦！