La Serre

营业中

休息中

放工想搵朋友食野飲返杯野輕鬆下咁就去左呢間係觀塘海濱嘅餐廳晚上仲有戶外位置但我地想有冷氣就坐返餐廳入面餐廳設計有空間感，傾偈唔錯叫左兩杯Mocktail熱情果Squash 同荔枝Cooler兩款都有新鮮果肉，飲落都幾Fresh叫左前菜巴馬火腿配哈蜜瓜火腿咸味配水果甜味好食主菜叫左焗紅鯛魚配香茅椰子汁紅鯛魚肉結實，香茅椰子汁幾新穎份量都幾大，兩個人分嚟食啱啱好另外仲叫左素肉千層麵佢係用Impossible Meat食落完全唔似食緊素外圍有濃味鮮茄醬，好味！整體環境同食物水準唔錯想夜晚黎chill 下可以一試！

呢間觀塘海傍既La Serre 係我每次行過都好想試既一間餐廳 今次男朋友終於帶我去食晚餐餐廳有分室內同户外既位置 大多數人都坐岀面 但我地就揀左坐室內 氣氛浪漫又有情調餐包煙三文魚牛油果沙律好多女士見到牛油果都會即刻心心眼 包括我在內 估唔到前菜份量既牛油果都有咁多 仲要係咁新鮮 岩岩好熟 煙三文魚口感嫩滑 食落有少少煙燻既味道 Waiter 仲好貼心咁幫我將未食得晒既牛油果轉左落細碟先 好加分素肉千層麵 ($168)鋪滿一絲絲芝士碎既千層麵賣相十分討好 焗到超香口 素肉.醬料同麵皮層層疊 食落啖啖’肉’又開胃 同傳統既千層麵無異 但就少左份罪惡感 男朋友仲完全無為意佢食緊既係素肉千層麵烤美國頂級紅屋牛扒 18安士 ($388 dinner set)一睇就知係重量級 有成18安士咁大塊 仲可以同時享受到西冷同牛柳2種口感 食落肉汁豐富 肉味濃郁 性價比真係好高Blueberry cheesecake芝士味唔算太濃 入口香滑 甜度剛好 另外 跟set既甜品都有成件cake既份量真係值得一讚 岩晒我Passion fruit squash ($58)用新鮮既熱情果打成果汁 加入青檸汁同梳

依家好多食肆都好貼心會為客人準備一個信封用黎裝口罩，但係印有自家店名就比較少見，我覺得圖案好靚。餐包有軟身和結實兩款。烤西班牙黑豬梅頭肉配蘋果蓉($168)，非常之厚身，第一眼還以為係牛舌，餐廳選用梅頭肉我覺得唔錯，因為肉質較腍身，而且筋位較少容易咬，煮至岩岩熟透鎖住肉汁唔乾身。素肉千層麵($168)，叫返個素食菜式感覺上健康一d，千層麵配茄汁簡直係絕配，頂層曬上芝士碎，將千層麵味道更香口惹味。Passion Fruit Squash($58)，用百香果、青檸、梳打水、雪碧調製而成。鮮西柚汁($45)，鮮榨味道始終係最清新，西柚味好濃郁，對腸胃都有益。

今晚同男友到觀塘食晚飯，餐廳近於海濱道，我地揀左outdoor 座位，微微海風好舒服，仲有自由表演者彈下結他唱歌，環境氣氛都好浪漫悠閒，飯後還可以在海濱長廊散步。我地點左2個主菜及mocktail，食物高質好味，飲品都很多選擇，還布啤酒，紅白酒......野菌忌廉汁三黃雞飯廚師推介的菜式，賣相吸引，有半隻雞，份量也足夠。餐廳用三黃雞除左味道更濃更鮮，仲有豐富脂肪，加上以80度低溫烤焗，雞皮香口脆薄，肉質幼嫩有彈性，還保留更多肉汁，連雞胸部位都嫩滑。乾爽有咬口的印度米飯，混合忌廉汁和吸收野菌的香味，口感有點似creamy的risotto，但就唔膩同更配合到雞肉。素肉千層麵最近流行植物肉，今次點個素肉千層麵，原來素肉口感同真肉一樣咁好味。千層麵焗得極香，面層仲加左芝士碎，層層素肉與芝士蕃茄餡交離，素肉份量都幾多，每層麵都鋪滿，仲好平均，所以每口都食到素肉，酸甜清爽蕃茄醬好開胃，麵的質感唔會好腍，口感似寬麵般微彈有麵粉香。邊位焗得香脆，令味道更濃郁。Mixed Berries Mojito用藍莓及士多啤梨，加埋大量薄荷葉，仲有檸檬汁和梳打調成的無酒精雞尾酒，好refresh，有好強薄荷葉香味