享樂烘焙

营业中

休息中

呢間麵包店係我近期最愛，沒有之一，之前已經介紹過抹茶三角同紫薯拉絲包，今次就買左夏季限定嘅冰心包同三款bagel。 🍽小山園抹茶冰心/原味雲呢拿冰心包身好鬆軟，一搣開啲餡即刻爆出黎好澎湃，餡料用法國忌廉同北海道煉乳製作，口感順滑唔膩，抹茶味溫和但有茶澀味。原味都唔錯，味道就似泡芙入面嘅忌廉，抹茶味特別啲。 🍽擂沙芝麻貝果享樂嘅貝果唔算好煙韌，但亦唔係普通麵包質感，要用啲力扯咬，包面加左黑白芝麻粒，餡料就係擂沙湯圓個味，唔會過甜。 🍽伯爵麻糬奶茶貝果包體有淡淡嘅茶味，麻糬好香黑糖味，係黏軟果種，有啲似蕨餅，奶酥食落係珍珠奶茶嘅味道，呢款對我黎講有啲甜，同埋啲餡偏埋一邊。 🍽紫菜香蒜芝士貝果第一次食鹹貝果有驚喜，包面有唔少紫菜同芝麻碎，個餡好勁蒜味，但無掩蓋包體嘅紫菜味，加埋鹹香嘅芝士，絕對係重口味之選。

呢間鋪嘅bagel真係超多款，雖然唔正宗，口感不及傳統款式有咬口，但味道都唔錯，外煙韌內軟綿，而且面包體濕濕地，唔會話好乾。佢地嘅貝果真係勁多餡，啖啖滿足。🍊朱古力紅莓貝果 $16朱古力粒好多，而且係半融狀態，成個包都有濃郁嘅朱古力味。相比之下，紅莓雖然無朱古力粒咁多，但係都好足夠，成個包都夾雜左好多好多料。朱古力微甜，紅莓有少少酸，好開胃。對於朱古力包而言，佢嘅甜度啱啱好，係我試過咁多朱古力包入面味甜度最低之一。🍊擂沙黑芝麻貝果 $16呢款食嘅時候真係有少少驚訝。本來以為係甜包，估唔到面包體居然有少少鹹，但係又同甜嘅芝麻餡配合得好好，成個包好香口。芝麻餡係甜d，但係唔甜嘅話就會澀，所以理解到。有芝麻撈左係麵包入面，所以個包唔會話好齋，反而令芝麻味更突出，而且可以增加口感。整體而言，佢係一個好出色嘅芝麻包。🍊抹茶紅豆麻薯貝果 $16麵包嘅抹茶味唔算好濃，但係都食得出。紅豆餡嘅甜度ok，對我而言尚算接受到。麻薯反而太軟太黏，唔係好煙韌，一啖咬落去無咩口感，被有咬口嘅麵包同味重嘅紅豆搶左風頭，所以唔係幾食得出。整體而言，呢個包比較普通，除左包皮有咬口比較特別外，無咩過人之處，感覺同其他面包