茶痴 (Eastmark)

营业中

休息中

茶痴呢個大名已經聽過無數次，但始終佢嘅位置對我嚟講唔算好方便，今次終於有時間去試試佢😌我叫咗杯綿芝白桃烏龍 ($35)😋呢個配搭係我嘅茶飲最愛🤗出面好多白桃烏龍都好假，只係夾硬加啲桃嘅香精落啲茶度，但呢間真係好自然，味道好清香！而個芝士奶蓋芝士味偏重，係有明顯鹹味嗰款，鍾意佢個texture稀杰適中，就算就咁沿杯飲定係撈埋飲都好match～開頭都唔相信咁多人推介，飲完之後我覺得呢杯係值得我專登行過嚟買嘅茶飲🤭👍🏻

店鋪有個打卡位，不過當日比人坐曬就無係嗰度影相了，走左去德福坐低慢慢飲🤥▪️ 綿芝白桃烏龍 💲34堪稱全港最好飲既芝士奶蓋之一，單點都值$9，就睇下有幾好飲🤣唔知係咪我行遠左飲，好似未有人地講到咁綿，個厚身奶蓋感覺偏杰身到會同茶底分離，未必可以一口有曬兩樣，但係食到芝士鹹香味道的確好濃🧀️底下既白桃烏龍，白桃味唔重，茶底係偏清幽，都幾解渴，都會想再試下綿芝系列既其他飲品☺️🔎 整體評分（7/10）

呢間鋪頭小編支持左好耐，成日都會去幫襯😌 尤其飲季節限定會更加有新鮮感～上環同九龍灣兩間都飲過，質素一樣咁好～ 佢地仲用左玉米🌽製成既環保飲管，飲野耐啲都唔會好似有啲環保飲管咁腍左、爛左～ 奶蓋方面宜家好似有新既口味期間限定，不過小編前幾日依然買到白桃🍑既期間限定，所以就出左先啦😜 宜家季節限定變翻白桃🍑，證明過左一年😂 真係係時候要出post講下小編超鍾意飲奶蓋🥛，呢間係我最鍾意既奶蓋🥛鋪頭之一，首先講下好多奶蓋鋪頭既通病，之前飲過一啲一係太稀，放左15分鐘就已經同下面既野飲自動融埋，仲變埋細細粒既芝士🧀；一係就太杰太挺身，好似cream咁比較難吸到上黎，飲嗰陣同下面既野飲mix唔到一齊；仲有一啲係個質地都ok，但唔夠芝士🧀既鹹香味，無左鹹同甜既碰撞...呢間既奶蓋match翻個名，果然係綿芝，無落奶精，係用左4.3明治奶🥛加澳洲🦘芝士🧀，配埋海鹽🧂，口感細緻綿密好fluffy，而且有芝士🧀濃郁既鹹香，creamy得嚟唔覺得好heavy，甜度啱啱好，令人忍唔住一啖接一啖咁飲！同茶既比例大約係1:4算適中，唔會話奶蓋或者茶底搶左對方既味～下面有列翻我對唔同味道既排名，最愛都係白桃🍑😜(

武漢肺炎搞到百業蕭條，d食肆真係好慘， 平時work from home都唔出街，自己一個又好難叫外賣， 所以而家返office我地都會夾埋一齊叫外賣 同埋會食得特別豐富，大家都俾武漢肺炎搞到冇啖好食， 趁機會都會叫d好嘢食吓， 人都會開心d我地叫咗嘢食， 另外再叫呢間茶痴嘅嘢飲， 上次導咗個同事飲， 佢而家欲罷不能，上咗癮. 我地今次叫咗綿芝芒果， 粒粒水果，純金鳳烏龍，綿芝金萱烏龍，綿芝白桃烏龍~ 大家都飲得好開心， 睇嚟我今次又導到另一個同事， 佢一飲個綿芝， 嘩咗出聲， 話同喜茶有得揮~ 呢位同事不嬲都係識食之人， 佢都覺得好飲就真係冇得輸， 我都冇介紹錯。我地而家唔飲喜茶， 喜茶又貴又係大陸嘢， 諗起都唔開胃， 如果有得揀， 緊係幫襯良心小店啦~ 另一個同事嘅粒粒水果，超多唔同嘅生果響個杯度， 見到都好吸引~ 正！ 我就飲綿芝白桃烏龍， 一飲d綿芝真係停唔到口，越飲越興奮呀 真係好正~ 呢間真係我最愛嘅芝士茶