東歐餐廳

中環性價比高嘅午餐，百幾蚊有四道菜，而且味道又唔錯。👌🏼前菜：水果沙律，帶有淡淡嘅香草味道。羅宋湯：同一般餐廳平時飲開嗰種羅宋湯味道好唔同。比較多紅菜頭甜甜地嘅味道，同埋dill 香草嘅味道。飲落有新鮮感，味道又唔錯。👌🏼招牌豬肋骨：醬係比較濃烈嘅醬油味道，少少偏鹹。啖啖肉，份量足夠。味道方面，我覺得ok，未算係驚為天人。餐茶仲有好靚嘅玫瑰花茶，幾正。👌🏼仲送有甜品，味道正常。環境： ★★★☆☆ 食物： ★★★☆☆ 推介度： ★★★★☆

特登book左二人Lunch, 試一試的，特色東歐菜，十分期待的午餐價錢在中環算係平的了，有湯有沙律有飲品，選了羊扒和豬肋骨，還有羅宋湯。羅宋湯有驚喜，好味，好特別的，和港式羅宋湯不一樣，多了香草和紅菜頭的味道，清清地的蔬菜湯，好味道。羊扒都好味，煎得肉淋，不過肥肉比較多，配薯蓉，個汁酸酸甜甜都好夾的，但我就唔係好鍾意d芫荽。燒豬肋骨唔係美式嗰種醬燒，個樣有點似紅燒豬軟骨的，肉有點鞋，但味道好好，配飯撈埋汁都幾正。最後見幾枱人都有叫蜂蜜蛋糕，我地都叫左一份，原味，幾好食呀，雖然$88有點貴，但係烏克蘭蜂蜜蛋糕未試過丫ma

因為openrice而認識東歐餐廳，今日我終於和屋企人一齊來試試😋一入到餐廳，職員安排我們三人坐在角落的沙發椅位置，令我們可以在舒適的環境用餐它的午市套餐只在平日中午供應，每個套餐包括一個沙律、餐湯、主菜、飲品，由118元至148元不等，另外可額外以88元加配一件烏克蘭蜂蜜蛋糕當我們點餐後，侍應立即送上菜絲沙律和餐湯菜絲沙律和羅宋湯帶點酸味，十分開胃。南瓜湯也非常濃郁美味主菜方面，我們選擇了蘋果炆鴨胸、亞美尼亞烤羊仔扒和香燒豬肋骨，鴨胸炆到很軟，羊仔扒和豬肋骨煮得很入味吃過主菜後，侍應送來餐飲和甜品，我們點了熱桂花花蜜、熱洛神花蜜和凍檸茶，三杯餐飲的甜度剛剛好，不會太甜，與蜂蜜蛋糕十分搭配👍🏻最後我們三人埋單（已計加一）只需要550蚊，真是十分划算😁

相信呢家係香港講起烏克蘭菜，大家都會知yellow openrice推薦嘅東歐餐廳，同朋友快閃食lunch試試東歐傳統飲品，圖一左邊係Nalivka (Russian: нали́вка)，紅寶石色係因為用黑莓、水果、蜂蜜和香料加酒(vodka?)浸漬過，每家每戶都有自己嘅家傳配方，酸酸甜甜有肉豆蔻肉桂味😆另一杯(圖一右)係Mors (Russian: морс)，傳統非碳酸果汁飲料經新鮮莓果加糖烹煮後發酵，酒精含量較低(<1%)，相比就Nalivka係簡單天然酸甜😬Set Lunch簡評🥗彩椒椰菜沙律—清甜椰菜彩椒, refreshing🎃南瓜湯—南瓜細滑香甜🥣羅宋湯—正宗烏克蘭版本，乳酪紅菜頭雜菜肉碎湯👅芝士焗牛脷磨菇飯—厚切牛脷粒加上芝士同磨菇，充滿油香咸香撈飯，雖然細細兜都已經好飽🐑蕃茄汁羊架配薯粒—茄汁係自家製分開上，薯仔磨成飯粒形狀好盞鬼老闆見我拎相機就問我係咪喜歡影相，好熱情咁幫我影相，又介紹烏克蘭特色裝修，打破我對當年去莫斯科冷冰冰嘅印象🥰️будьмо🥂飲啦喂!飲杯!🍻

天氣突然之間變凍，就想食啲熱嘢。打得邊爐多又好似有啲悶咁今次就決定學俄羅斯同烏克蘭嘅人咁，飲vodka保暖，既然學佢地，所以就約定班朋友一齊去中環一間食東歐菜嘅餐廳首先一去到就見到好多佢地當地特色嘅擺設，非常精緻服務員安排我地坐低，地方比較細，坐得唔算舒服但都可以嘅當然有好多平時比較少食嘅菜色，好似燉兔肉，炆鹿肉咁當然要飲一飲個vodka 暖暖身先啦。個vodka 幾甜而且酒精味唔算強，幾唔錯肥豬肉冷盤傳統嘅生醃豬肉同埋煙豬腩肉，配黑麥包片，我就食唔慣啦，口味比較重正宗烏克蘭羅宋湯大家都知平時我地有嘅紅湯就係呢個湯，但真正嘅俄羅斯雜菜湯係一jo會加紅菜頭，所以顏色上面會紅啲，菜根味會重啲。招牌芝士焗牛脷盅牛脷焗到好腍身，都無異味，加上一個好濃嘅芝士汁，仲有一大塊餅可以點嚟食，頭盤嚟講算開胃俄國宮廷焙鹿肉佢係一個紅酒汁燴嘅鹿肉，個汁煮得非常好味，紅酒味好濃郁，鹿肉都好腍，唔會有渣，口味好似牛肋肉咁，推介俄國炆兔肉佢係用sour cream 嘅忌廉汁去燴兔仔肉，味道其實幾似白汁嘅，加上兔肉口感似雞，又有意粉做配菜，絕對似白汁雞肉意粉🤣基輔雞傳統名菜，係用雞胸包住一舊香草牛油，再沾麵粉攞去炸

終於有機會試到東歐餐廳餐點都幾有趣，平時冇機會食前菜叫左羅宋湯每舊煲湯排骨都好腍又滑湯充滿住蔬菜同豬肉既清甜加上topping舊芝士令羅宋湯更有層次小食叫左蕃茄燴蔬菜卷裡面有肉碎蔬菜，menu上面寫有米，但我食唔出蕃茄汁係加入大量蔬菜去煮，好清甜不過清清地又幾好食，我會想食多幾條當主食主食係🐰同🦌之間糾結最後揀左🦌(感覺好似好補身)口感味道都似牛，但冇咁肥下面係d薯仔，蘑菇勁飽肚用石窩上可以保持熱力食到最後都暖笠笠甜品就係好普通的班戟同雪糕飲品叫左佢哋既傳統茶飲落係淡味既香草茶加埋蜜糖會更加香同滑餐廳環境比較迫但好有烏克蘭/俄羅斯既家庭feel 餐點都好有屋企感覺 服務不過不失，人手唔太足既感覺總括嚟講，值得一試

當旅行嘅感覺已經忘記得7788Book到呢一間想試好耐既間東歐餐廳都暗暗期待咗一下一入到去就已經好似置身左東歐家庭小屋咁有好多有圖案嘅布藝公仔擺設裝飾未食嘢之前都可以欣賞下呢度嘅環境已經有少少旅行嘅感覺我哋兩個人叫咗：羅宋湯香煎薯餅烏茲別克傳統牛羊抓飯俄國宮廷焙鹿肉蜂蜜蛋糕🥕個羅宋湯唔係蕃茄味嗰種取而代之係紅菜頭嘅味道好清新好多雜菜～喜歡💕🥔煎薯餅超香脆～厚厚一塊冇得輸🥘烏茲別克傳統牛羊炒抓飯呢個係網上食評冇乜見人叫但係因為得兩個人想叫一個鹿肉另外一道菜就唔想都係肉 就試下個飯個飯炒得好乾身本身都好重香料味～可以就咁食但拎嚟撈埋鹿肉汁都唔錯🦌鹿肉～呢煲嘢一擺上嚟嗰陣仲係出煙滾緊鹿肉嘅味道真係好難形容係一種從來未食過嘅味道🤔你話係咪會好好食想返轉頭食呢又未必但都冇乜幾可去東歐喺香港可以食到正宗東歐菜～ 乜都試吓嘛其實啲嘢食兩個人食唔晒都打包左啲最後都係忍唔住嗌左個甜品個蛋糕係甜嘅不過層次好好，又夠濕潤好好味好開心可以嚟到呢度食餐飯過咗個滿足嘅異國風情之夜😛P.S.老闆嘅職責係負責幫人影相😂服務100分～

冇乜食過烏克蘭菜，久仰東歐餐廳嘅盛名，今日約齊朋友一齊試。地方唔算難搵，不過行得比較攰（笑）。餐廳裝修有特色，員工有禮貌，而且會介紹佢既羅宋湯同普通羅宋湯有乜嘢分別（唔用牛肉用豬肉，唔酸唔用蕃茄，用紅菜頭）。不過好可惜嘅係假期後嘅第一日，佢話昨天晚上客人太多，今天食物有限度供應。只有午市套餐，沒有單點菜式，也沒有甜品，有點失望。沙律普普通通，醬汁有少少酸味。羅宋湯的確同平時好唔同，味道可以，而且份量都幾大碗，飲極都未飲晒。主菜叫左醬油豬肋骨飯，味道偏鹹，配飯一流。豬肋骨帶少少肥，唔會韌，間中有油香，算幾好食。玫瑰花蜜糖睇落去好重色素，飲落去又OK。餐廳環境同味道都算可以，不過款式選擇如果更多就更好。

📍 東歐餐廳中環雲咸街63號巴力大廈1樓係香港比較少食到烏克蘭菜🇺🇦呢間東歐餐廳既裝飾掛畫同枱櫈都好有特色 就好似去左俄羅斯甘 尼緊冬天就好啱大家去食❄️🔖訂枱記得起碼早2個月訂 好full ❗️今次嗌得太多肉 食肉獸🙈✨最特別係招牌芝士焗牛脷盅👍🏻💰$98好似酥皮湯甘 入面就係芝士牛脷 食落幾特別！肉質吾會好韌 又吾會好漏 份量好足夠！個酥皮可以做得鬆脆d就好 食落似餅乾✨香燒豬肋骨💰$198味道比較普通 不推薦大家試 呢個價錢吾抵食 上菜會用vodka火燒 要影相就把握個10秒啦📸肉質幾淋 份量3大件 都足夠2人share✨俄國宮庭焙鹿肉💰$228第一次食鹿肉 但味道好入味 煮得好淋 有d似牛腩既口感 出面未必有得食 值得試下！✨羅宋湯,三文魚湯 💰$68 羅宋湯唔似平時飲開中式既酸酸辣辣味 主要飲到清清地既蕃茄同紅菜頭味 幾開胃！三文魚湯就比較鮮甜同足料

睇完杜汶澤介紹專程去中環嚟呢度食烏克蘭黃店要差唔多成個月前就book位如果唔係Walk in一定係冇位基本上係跟曬杜汶澤個餐單嚟嗌咁滯首先係呢個炸雞焗雞好滑好Juicy入面有啲牛油流心好正本身諗住係有薯片食點知今日覺得啲薯仔唔適合做薯片所以就做咗薯蓉薯蓉又唔係唔好食不過本人係期待有薯片食個羅宋湯超正同一般平時出去食西餐嘅羅宋湯唔同如果有機會再嚟都會encore個牛脷係軟滑到一食就開眼本身塊包喺面個樣好似一個酥皮湯芝士味唔算好出不過咁樣都啱啱好如果唔係就會too much喇呢個甜品真係好特別食完之後講不出聲就唔係好啱我口味啦特別一提 老闆好好客特登走過來話幫我同男朋友影張有基輔做背景嘅相其實係d牆掛晒烏克蘭當地嘅教堂風景其實又幾過癮

呢一間好出名嘅東歐餐廳位於大館附近都係因為杜汶澤介紹我先至識食呢一間餐廳同埋都係一位難求 基本上你而家去book都係book一個月或者兩個月之後我就係早咗成個幾兩個月先book到晚飯時間裝修亦都非常之東歐雖然我未去過烏克蘭但係亦都比到好烏克蘭嘅感覺我 首先叫咗個羅宋湯嚟飲 紅菜頭嘅味好多基本上同香港餐廳飲到嗰啲羅宋湯個味道差好遠飲完先發覺原來羅宋湯係咁樣嘅 係清甜而唔係香港餐廳嗰啲酸酸辣辣嘅感覺前菜叫咗呢一個酥皮芝士焗牛舌價錢好似係$100樓下但係份量好多基本上係食極都仲有 牛舌覺得好腍好透 芝士味亦都好足夠有邪惡拉絲嘅效果呢個餸唔錯幾好味😋然後叫咗招牌之一嘅基輔雞扒配薯菜雞扒係炸嘅切開中間會流出一啲唔知係芝士定係牛油食落口亦都非常Juice薯片應該係用薯仔切出嚟一片片炸因為食落去嘅口感係同一般薯片唔同呢個招牌菜幾特別值得大家試吓然後食咗鹿肉 因為烏克蘭係比較寒冷食鹿肉會比較暖身 所以烏克蘭人好鍾意食鹿肉為食既局長又點可以錯過呢就帶咗一份嚟試吓 調味唔錯亦都煮到好腍 其實鹿肉食落去有啲似牛腩所以我覺得開一間清湯鹿肉香港都應該有得做最後叫咗一個烏克蘭芝士蛋糕賣相好好但我唔太識欣賞 整體係

咁大個人第一次食烏克蘭菜！好似香港好少有得食！Book咗個幾月位，終於嚟到食飯嘅日子😬 上到去人頭湧湧，真係犀利👍🏻頭盤我哋叫咗「羅宋湯」同埋「炸薯餅」羅宋湯絕對唔係我哋平時飲開嗰個樣、顏色同埋味道。。。雖然唔同但係個人覺得好好飲😋😋😋😋😋炸薯餅，好明顯真係自家製，超級好食😋😋😋😋😋叫咗兩杯嘢飲一杯有酒精一杯無酒精不過唔記得咗個名😂 ok的主菜到！基輔錐🤣 可能期望太高，味道OK嘅，不過未去到好好好好食😅另一主菜，炆牛仔肉😋😋😋甜品時間！烏克蘭芝士蛋糕😋😋😋😋好特別，真係未食過，鹹鹹甜甜又有啲煙銀咁，未食過嘅可以一試。vodka - 正🤣🤣🤣🤣

上次食完（有寫食評可以睇吓），隔咗一日，另外一個女仔朋友話想要去，所以又去食咗啦😑😑😑食完之後，我真係覺得上一次我唔知自己食緊啲乜嘢，或者係咪得罪咗個廚師....上次批評得好犀利嘅牛食生沙律，同埋唔夠忌廉汁嘅牛脷飯，今次居然變返正常，可能真係唔好彩....廢話唔好講咁多，即刻來圖：上次：（好生，冇汁，好似自己切啲生菜蘿蔔就咁食咁）今次：（正常好多係真係沙律菜囉）今次個沙律啲沙律醬都幾好味酸酸地，係我鍾意嘅味道，好彩唔使又做牛，返工仲做得唔夠咩😑😑😑之後另一個對比登場：牛脷飯：上次：明顯見到佢唔夠汁都包唔到啲飯gg依家睇返起先覺得自己太好人（懦弱）唔叫廚房俾多啲汁，難為了男伴⋯⋯今次：（啲汁多到你唔想食都仲有）睇完呢兩個對比圖之後，我都分唔清喺東歐餐廳取不到中庸之道，定一話我食過__之後怕黑，先覺得今次好好，沒有對比就沒有傷害係真㗎！！不過食過兩次，兩位飯腳都係食唔曬兜飯，益咗我，有得食剩飯又有得食牛脷🤗🤗開心仔跟住輪到我今次叫嘅嘢了！登登登凳！係豬同薯蓉（同埋我好憎食嘅西蘭花）啲豬好林，薯蓉好過癮扮曬米咁，入口即溶，俾個close up你哋睇：匙羹入邊嗰啲係飯，黃色嗰啲係薯蓉！個汁幾好

話說3月份睇到有人介紹呢間東歐餐廳…對烏克蘭菜產生好大好奇心…所以隔幾日就打電話book個位…點知個電話唔係唔通就係無人聽😑😑。 終於係“開飯”book到4月…點知遇到限聚令…再改到5月先黎到…呢間野係雲咸街…其實係老蘭行上去就唔太遠…不過5月天行呢…真係行到滴哂水。入到餐廳見到朋友已經坐低左係冷氣風口下低😍😍…邊抹汗…邊睇下有乜食…之前睇yellow openrice都準備會叫基輔雞扒(就係將塊雞肉dub扁左…加入牛油再搓到變左個波型再炸)…呢d肥膩野最啱我…仲有就係想試下個羅宋湯…因為我本身好鬼鍾意飲呢個湯…朋友就話想試下個著火spare ribs…其它就搵左太子女介紹左個沙律…焗牛脷…同蘑菇薯仔餃子。飲個湯先…個湯顏色就帶紫紫地…同平時香港飲開既羅宋湯橙橙紅紅唔同…中間仲有pad sour cream(味蕾功能得番30%飲唔出)…味道比較清甜…無港式羅宋湯咁重口味…味道唔錯…唯一係唔夠熱(可能傳統係咁…我飲湯鍾意熱到辣口🙂🙂)之後就到沙律…個沙律由好多切碎左既蔬菜加入醬汁…味道都幾好…我以為餃子都係亞洲食物…原來烏克蘭都有…個餡係菇同薯蓉…幾得意…個人就比都鍾意白菜豬肉做餡🙂基輔

第一次食東歐菜，呢度實在太高質！首先環境好靚，佈置得好有心思。同埋坐得都好舒服。1. 羅宋湯好好飲，撈勻酸忌廉之後酸酸甜甜，好特別。2. 豬肋骨係一定要叫，實在太出色啦。姐姐會淋vodka落黎點火, 而d豬肋骨係整得太嫩太好食，我朋友唔係咁好豬肉都好鍾意呢度既豬肋骨，一定要試！3. 基輔雞扒呢個我覺得都好食既，但相對之下冇豬肋骨咁大驚喜，就係好大舊牛油+雞扒，係好嫩既4. 芝士燉牛脷盅芝士味好濃！細細兜都好多牛脷架，好抵食。