大滿喜日本料理 (已結業)

今日正日生日，但而家要搵地方食自助餐同放題真係唔容易，好在有Openrice App 用佢就搵到邊到有放題同自助餐吃。用左一些時間找餐廳，最後決定這間，因為之前食過觀塘店，價錢 $175加一 食三小時 (12:00-3:00)。餐廳現在很方便有手機自助點單，又快又準，但剛剛有件很好笑，在格黎枱有人沒有手機，服務員就攞番本點餐簿比佢，一樣可以點到美食。刺身，沒有虎蝦 ，但有甜蝦，手捲，沒有海胆手捲，但還有吞拿魚蓉手捲。雖然種類不多，但食物還是很好吃，特別是吞拿魚蓉手捲。燒羊架好吃，又不大件，不會太熟。燒牛舌也很好吃。炸榴槤很香榴槤味。雪糕雪條，有榴槤雪條，也是推介之一。現在這個環境，未必每樣食材都齊，但用心煮食材還是可以體諒的。

係openrice訂座見到夜晚8點有優惠，岩哂我呢d唔想太早食飯既人🤤🤤$195加一服務費，係旺角呢個時段應該無邊間做到咁平🤑🤑出外靠朋友，叫野食梗係等朋友叫啦自助區雖然唔大，但五臟俱全。熱食區、甜品區及飲品區域分明，猶如進入了便利店五花八門揀唔落手🥴返到埋位話咁快就已經上左壽司及刺身等等，效率100%😻跟住就黎野食大轟炸，keep住係咁黎啦😍到最尾點少得食個甜品做結尾記得記得落埋杯haagen dazs雪糕，入座都會送一杯架😋P.S.: 仲有個甜品櫃仔，不過內裡唔太多款無影到（印象中類似放題都會有幾多揀，不過呢到得泡芙同布朗尼，但又幾好食🙈🙈）

同女朋友係旺角拍拖差唔多到晚飯時間，我就提議不如趁早去食放題啦。傷到去創興8樓嘅大滿喜食佢頭輪放題，果然早d上去無多人唔洗等唔洗逼，即刻就安排到位坐。餐廳入面座位都坐得幾舒服同夠光猛。坐低之後就當然tick紙叫嘢食啦。見到佢壽司同刺身都有唔少選擇，望過隔離檯嘅刺身都見到好新鮮就叫住刺身tick其他嘢食。刺身叫左三文魚、吞拿魚、北寄貝同俄羅斯甜蝦。可能因為時間尚早刺身好快就上檯。三文魚同吞拿魚都新鮮，但係最值得推介嘅係個俄羅斯甜蝦。甜蝦肉質彈牙，仲十分鮮甜。女朋友忍唔住即刻再order多幾隻。食放題當然要嗌d燒物同一品料理先得啦。羊架、一口牛、帶子呢d呢到都有。羊架每件大大份，唔洗嗌多幾次都好夠喉。一口牛炒起好香蒜味，肉質唔老。食到飽飽地叫返幾件燒菠蘿消滯。菠蘿多汁又甜又好食，同女朋友食左幾碟先再繼續戰鬥。Overall係食早場晚餐放題大滿喜係一個唔錯嘅選擇。嘢食選擇又多又新鮮，味道仲要唔錯。又因為無其他時段咁多人又可以食得舒服d無咁狼狽。旺角晚餐唔知食咩可以再食。

9:30 PM 入坐的放題時段會有85折優惠，途經旺角見到大滿喜的招牌，希望未FULL BOOKING 吧~餐廳的店面比想像中大，即使到宵夜時段，人客亦十分爆場。巿面有眾多的日式放題，要突圍而出的確甚艱難，大滿喜的策略是配以中、西美點，為放題增值。自助沙律吧美食當前放肆吃前先沙律帶動食慾，菜類達十多種。材料切開的大小恰到好處，就連車厘茄也切一半、蟹棒撕碎，一口一粒不怕出洋相。沙律菜用上幼嫰的菜苗特別爽脆，菜葉邊緣非常翠綠便略知一二。枱面側旁放置着沙律醬，只是沒有標籤味道，憑經驗分辨出是日式沙律醬、油醋、千島醬、凱撒沙律醬。其中一面凍櫃仲有超市賣得貴的乳酪、迷你豆腐花，同各口味的雀巢雪糕。令我十分欣賞的是即製乳酪機/雪糕機︰親眼目睹店員為乳酪機加添牛奶，由食客自行斟滿，餐廳會有棉花糖、脆餅、橡皮糖等配料提供，我則選擇了棉花糖，貪它有軟綿綿的口感，即製乳酪奶味十足，而且帶點點的乳酸味，非常醒胃，強烈推薦!!!刺身及壽司類刺身大約有10-20款選擇︰我們精選了其中的油甘魚，三文魚、帶子、劍魚、刺身蝦等其實大滿喜的刺身做得很出色，絕對比得上尖沙咀區更貴價的放題餐廳，三文魚肥美、油而不膩、鮮味十

同朋友食飯，最好食放題，因為大家都食到自己鍾意既野。所以今日同朋友食大滿喜，可能5點半時間尚早，只有幾檯客，但好彩我地早黎，如果唔係就要等位了。環境光猛整潔，位置也寬敞，坐得舒服。點餐紙有埋圖片，咁就容易揀食咩啦~一開始我叫左個沙律令自己開胃一點，沙律菜新鮮，蝦也很彈牙。放題不少得既係刺身，因為我本身鍾意食蝦，所以點左好多款蝦，赤蝦、甜蝦、泰式生蝦，仲有三文魚、貝柱，飽魚片。三款蝦之中，泰式生蝦是驚喜，酸酸辣辣的好好味，三文魚也好厚身。來點熟食，點了羊架, 有好香的羊味同孜然粉的味，我食左2件，哈哈串燒烤物也不錯，我又點了蝦，刺身同串燒各有各好。天婦羅很鬆脆，除了天婦羅蝦，我還試了天婦羅玉子，好好食呀。芝士焗鮮貝，呢個真係必食，帶子又夠，大隻好好味。長腳蟹粥，食左咁多野，可以食淡粥清一清個口，長腳蟹好有海水咸味。炸雞翼，炸蠔，炸芝士，炸榴槤。炸蠔同炸榴槤我好鍾意，香脆又唔油，下次再黎一定encore!!!食咁多野每人都係180蚊，抵食呀!!!總結而言，大滿喜食物質素不錯，環境舒適，侍應友善而且好快手，價錢適中。

5點半準時去到，即刻入得唔洗等位⋯但就由於無訂位，所以限時個半鐘走人⋯食到6點15到就去黎同我地講要6點半前Last order，到6點半就走黎要埋左單先⋯7點就走黎話夠鐘。嘩⋯我都未試過食放題好似比人趕住食咁，如果係咁趕⋯D野幾好食都唔會返轉頭啊，況且真係唔係特別好食。