Story Steak & Pasta (已結業)

今日同朋友行街經過呢間店就入去試下，時間尚早店面冇乜人。我地叫左一個美國安格斯西冷牛扒，一個西班牙黑毛豬鞍架同埋一個水牛雞翼小食。每個餐都配一碗湯，餐包同埋一杯野飲，十分抵食。我地叫左一個南瓜湯同埋一個蘑菇湯。蘑菇湯都有蘑菇味，不過南瓜湯嘅味道就相對較為濃郁，覺得南瓜湯更好飲。餐包係蒜容包，包面好脆，十分好食。水牛雞翼係我十分推介嘅小食，雞翼味道辣辣地，底下仲配有沙津，十分好食。叫左一個5成熟嘅美國西冷牛扒，配薯蓉同埋有配菜。薯蓉配有醬汁，薯蓉十分順滑，點醬汁食十分好食。牛扒煎得好靚，肉汁豐富，好有口感，雖然望落唔係好多但其實食完已經好飽。朋友叫左個西班牙黑毛豬鞍架，配意粉同埋配菜。豬鞍架肉質結實，比牛扒厚身，配搭醬汁亦十分好味。不過相對之下我覺得牛扒更好食，多肉汁較易入口。今次野食真係好抵食，好推介！

今天，難得準時放工，與先生來到元朗Story steak and pasta餐廳，地點與形.點商場好近，十分方便！ 甫入到餐廳，就看到很多吊燈裝飾，閃閃發光的，很有氣氛！而座位則是軟墊式，坐得很舒適～ 先看menu, 有不同的扒餐及小食，還有飲品！ 我們點了五成熟的美國安格斯西冷牛扒+薯蓉、另配hot chocolate,以及點了黑毛豬+薯條🍟，另配凍檸水，還點了串燒水牛城雞翼！ 先呈上的是餐湯蘑菇湯，味道yummy 之後呈上的是蒜蓉包，脆卜卜的，good! 及後，呈上的是5成熟的西冷牛扒，一吃下十分香脆，這次是本人首次吃五成熟的牛扒（因先生極力推介），但竟然出乎意外地好味，肉汁多且軟滑～往後，呈上的是黑毛豬+薯條，不但份量多，而且呈上時熱燙燙的，加上肉汁多且可口，值得推介！最後，呈上的是小食串燒水牛城雞翼，雞翼帶有少許辣，適合愛辣人士。 最後，呈上兩杯飲品～ 整體來說，這裡的食物質素ok,而且價錢合理，每人約百多元就能吃到豐盛的晚餐，good!

同住新界西嘅朋友喺元朗逛逛下見到呢間西餐廳門口餐牌價錢唔貴，選擇亦多就決定入去解決我哋嘅晚餐。呢間西餐廳唔算大，入面應該坐到大約三四十人，當時未到晚上七點所以唔洗等就可入座。室內設計不錯，有小窗戶又有燈飾，牆身油左舒服嘅淺藍色，有屋企嘅感覺：）我地揀左一個沙律，一個薄餅同一個扒餐。呢度所有扒，薄餅，飯同意粉嘅價錢都包飲品，餐湯同蒜蓉包。主食都有差不多三十個選擇。本來想試慢煮美國牛肋骨，但店員話呢個餐要預先打電話訂，另外西班牙BB豬都要訂。最後我地就揀左美國安格斯西冷扒，馬巴薄餅同煙三文魚凱撒沙律。首先一人一個餐湯同蒜蓉包賣相好吸引我嘅南瓜湯幾甜但唔講係南瓜湯就唔係幾飲得出。朋友飲嘅磨菇湯味道較好。而蒜蓉包就鬆軟而且唔會過油。煙三文魚沙律都有六七片三文魚，好足料。仲有啲芝士絲，沙律菜亦新鮮香甜，唔錯！主食嘅西冷牛扒原來都配有好多沙律菜，好鍾意個薯蓉配菜，份量唔少而家入面仲咬到一粒粒薯仔，味道亦調得剛好，冇過咸而搶咗薯仔味。下次可以試埋佢啲薯條。牛扒以呢個價錢嚟講算係唔錯，筋位不多，肥位亦唔會過多。雖然唔覺得有安格斯味，但牛味亦濃郁。巴馬薄餅幾好食，上面有啲酸醬，幾得意。每一件薄餅都有一片

今日又約咗朋友來元朗食晚飯，朋友話上次試過一間好正嘅西餐廳，想翻炒食多次，一於今晚到 Story Steak & Pasta。套餐包餐湯和麵包的，餐湯係磨菇湯或南瓜湯。唔失禮wor, 餐湯都有拉花，很有心機，餐湯都好足料，好香磨菇味，仲食得出有啲磨菇粒，好有咬口。You know what, 唔好睇小餐湯，係俾客人嘅第一印象，真係好重要。一睇餐廳名稱，就知係主打牛扒和意粉。我叫咗個美國安格斯西冷牛扒，配薯條。店員介紹返 Medium Rare, 係太生同太熟之間取一個平衡，果然中庸之道剛剛好。薯條炸得好香口，味道合格。仲有啲沙律菜伴碟，視覺效果一流。朋友叫咗個香蒜辣椒蜆肉煙肉意粉。食得出好香好惹味嘅蒜味，蜆肉粒粒足料，而且好香檻欖油味，坐對面位都聞到香噴噴，認真唔話得。我地另外再叫咗個小食share，串燒水牛城雞翼，都燒得幾香，串燒足簽上，幾香口，仲有少少胡麻醬沙律底，正。餐飲我地叫咗一杯榛子朱古力同一杯榛子咖啡，味道都幾好。值得一讚嘅係餐廳環境好舒適，好適合坐低慢慢傾計、慢慢享受美食。Well, 朋友無介紹錯，價錢唔貴，水準又高。今晚幾滿意呢一餐。