會長之家烤肉

营业中

休息中

唔駛北上，喺長沙灣呢間韓國餐廳都可以食到燒鰻魚，宜家仲做緊優惠，可以半價點燒鰻魚，所以我就同朋友去試下。⭐韓式燒鰻魚（4件）餐廳職員會幫手燒，仲會計哂時，所以保證燒得熟又唔會過哂火喉。我第一次食燒鰻魚，平時唔食魚嘅我都覺得幾好食，食落原來好爽口彈牙，而個鰻魚汁比平時日式果款甜，幾好味。⭐熟成西班牙黑毛豬梅頭肉呢隻黑毛豬係26 days dried age，見到覺得幾特別就試下。職員燒到金黃色，仲剪到細細件，望落有啲似叉燒，而食落肉味好香，點少少辣醬已經夠味。⭐美國極佳牛頸脊⭐韓式醬汁牛五花仲試多咗兩款烤肉，可以揀自己燒或者職員幫手，不過我都係搵職員燒，確保食到最佳嘅味道。兩款都唔錯，但我個人比較鍾意醬汁牛五花，雖然脂肪較多，但個醬汁甜甜哋，加上牛五花醃到好入味，食完會想再食。⭐韓式水冷麵冇乜喺香港叫過韓式冷麵食，估唔到呢碗幾有驚喜。冷麵好煙韌，個汁酸酸甜甜，加上有青瓜絲同雪梨，食落好開胃。整體黎講，呢間食物味道同質素都幾好，會有下次。

⭐️ 韓式燒鰻魚優惠❗️每位最低消費$250 就可以超抵價+$100 任食鰻魚❗️燒鰻魚真係勁吸引🤤 全晚店員好熱情幫手燒💗 燒鰻魚真係好香，魚皮脆肉滑～配搭埋韓式醬汁，非常香甜滋味✨⭐️ 鹿兒島A4三角小排 （$158）A4等級嘅牛特別嫩滑多汁，油花比較豐富，輕輕燒一燒已經帶出天然嘅鮮味同油香，肉質仲好滑嫩！⭐️ 美國極佳牛頸脊 （$88）牛頸脊賣相好靚，肉質比較結實，香濃多汁，比較重牛味，同時又帶有啲油脂，好美味！⭐️ 熟成西班牙黑毛豬梅頭肉 （$108）熟成西班牙黑毛豬梅頭肉好濃郁肥美🤤 黑毛豬肉質好鮮美，帶有同濃郁油香～⭐️ 醬油蟹膏蟹籽拌飯 （$108）呢個拌飯必試🫶🏻 真係好豐富，醬油蟹膏、蟹籽同紫菜嘅份量都好多，蟹鮮味好濃郁，每啖都係好邪惡好精華 🤣⭐️ 葡萄梳打 700ml ($48)一個清爽嘅飲料，可以幫助消化同埋中和口中嘅油膩感💰HKD 350 p.p for Dinner

今晚朋友帶路去吃韓燒🌟這家韓燒的門面如果不留意真的很容易以為是什麼公司的辦公室🤣復古韓風，在香港也算是不常見的裝修風格🌟燒鰻魚肉很厚也很鮮美，魚刺也比較大條，容易挑去不怕誤食👍🏻在餐牌上有看到平均每位消費$250就可以每位加$100任食燒鰻魚🤩如果人多一齊吃應該很划算🌟下次有機會帶家人們一齊來吃看看🤣熟成西班牙黑毛豬梅頭肉的油脂十分豐富，經過了熟成的製法令豬肉的風味更香🌟韓燒配水冷麵真的很解膩🔥冰涼彈牙的麵條，配上酸爽的冷麵湯，太棒了🔥