The Stadium (已結業)

跟一位很久沒見的舊朋友聚舊，之前已經來過「The Stadium」幾次，記憶中食環境和物質素都有保證，也非常方便，距離觀塘地鐵站只有5分鐘路程，所以今日就過來吃個飯聚聚。去到餐廳門口，就放置了一台足球機供客人等位時玩，幸好今日不需要等位。餐廳地方寬敞，空間感十足，全場的裝潢、佈置和擺設都以體育作為主題，還有許多電視機播放著大型體育賽事，如足球、桌球等等。令人十分放鬆。另外還有掟鏢機、桌球枱等等等適合一大班朋友黎玩下。餐廳大得連露天茶座也有，氣氛超好。而我和朋友今天都不打算飲酒，所以隨意叫了些小食、晚市套餐。青菜沙律先來一個餐前開胃沙律，沙律簡單清新，用上新鮮生菜，沙律菜也是爽脆。火辣水牛雞翼首先小食叫了水牛雞翼，一客六隻，表皮有濃濃的辣椒醬味道，都真係幾火辣。雞翼外皮炸至微微香脆可口，口感豐富又層次分明，咬下去肉汁四溢，惹味可口！配搭濃濃的芝士醬一起吃，更加滋味！美國極黑毛豬黑毛豬架很有份量，煎過後散發香濃肉香，肉質非常軟腍，油脂同肉嘅分怖平均，有彈性和啖啖肉汁，唔會嚡口。以薯菜和蕃茄沙沙作為伴碟，味道比較清新和甜。墨西哥火雞餡餅一共有兩件，還有薯條作為配菜。墨西哥餡餅賣相非常豐富，配

這裏場地很大整層樓都是這間餐廳的，一步出大堂就看到美式足球機，而在酒吧前面亦有美式桌球枱。特辣肉腸至尊薄餅脆薄餅底像餅乾鬆脆，上面的辣肉腸其實不是超辣，我就覺得可以接受而且很香很開胃，材料新鮮簡單，烤的溫度剛剛好不會過焦。美國極黑毛豬不是全熟的豬肉真是要外國進口才敢吃，聞落去有浸酸宿味，吃下去又正常。Negroni這款雞尾酒不是所有人能夠接受，有種苦澀味，秋天喝一流，成份有gin，Campari和sweet vermouth，幾種苦甘味留在口中。

今天約咗兩位死黨去觀塘APM行街，行到六點幾，冇理由行完便走，再加上近期觀塘工厦區內多了很多食府，所以便走落去看看，行到興業街口大大個招牌便行過去看看，有座叫The Wave 的大廈，進內有很多食店的招牌，我們商議後選擇了這間《The Stadium》以我們的五臟嘩想不到在工廠內的餐廳，也可裝修到這麼漂亮和寬闊，再加上兩邊玻璃心頭的自然光感覺上很舒服他的門口很有古典地庫的感覺未叫主菜之前，我們先選擇叫了一個黑松露薯條，薯條上加上芝士粉，可選擇點黑松露一起食，味道很特別，薯條當然揸得很鬆脆，不會像茶餐廳般的油淋，食落口芝士粉和黑松露的味道很突出當看見餐單有很多想食，最後我們便決定了各叫一個大家分享．1：虎蝦扁意粉，扁的意粉咬咁依然，上面有數隻爽彈的鮮蝦，再加上他的獨有醬汁，入口使人很開胃2：美國極黑毛豬，又厚又大件骨肉相連，炸起後只帶一點味濃感及脆口，半碟有少許薄荷葉一起入口滿腔溢香，食物絕對很有口感3：黑松露野菌pizza，一個薄薄香脆的餅底，除了一般肉醬及野菌外，再加上郁香的黑松露，一起咬落口香味無窮，到客人枱上的時間還帶有一點微溫，近使容易入口難得一起敘舊當然要啤啤佢下次再過開來，

約了朋友在觀塘晚飯同事推介了這家餐廳給我，說這裡的burger很好吃～於是就訂座來試試啊！餐廳的店面寬敞一出lift便有一台足球機進入店舖範圍就有一張桌球枱還設有電視播放體育節目娛樂度算高！雖然是平日的晚上，但食客都多幸好提早訂座，可不用坐室外的露台位置～店舖內設施雖多，但座位都足夠寬闊舒適！同事推介burger，但同行朋友對其他食物有興趣而沒點burger啊～餐牌的介紹詳細，看英文部份就知每道菜的特色或配料我們點了脆烤雞翼﹑海鮮扁意粉及美國極黑毛豬我還點了杯mango mojito同行朋友就飲Bailey's，$78杯(45ml)脆烤雞翼，配BBQ醬一客雞翼有6隻，經過烤炸再塗上醬汁，香脆惹味！雞翼肉質嫩滑愛吃濃味的話，可額外再醮同附的BBQ醬伴碟的沙律菜，淋上黑醋，微酸開胃，中和油膩感！海鮮扁意粉 Seafood Linguine，用上的海鮮配料種類多，有魚﹑蝦﹑青口﹑帶子﹑魷魚用上marinara sauce，即義式蕃茄醬，用番茄、洋蔥﹑大蒜及香料等製成意粉的份量看似不多，但海鮮用料確很足，蝦很爽口彈牙，青口則不算大隻蕃茄醬的味道調配得夠香濃，意粉及海鮮都沾滿了陣陣的蕃茄醬味！美

今日朋友生日，我搵到間美式西餐環境又優雅，空間又大，座位又舒適，一進入間餐廳已有一大張桌球枱，仲有大電視，又可可以坐bar台，既可以娛樂又可以食飯，最適合一大班朋友聯宜。點左一個套餐有湯，主菜和飲品。餐湯炸雞拼粟米金塊，炸雞是麥樂雞塊，粟米金塊炸到好香口咬落又有少少流沙又甜甜地好味道。美國極黑毛豬，煎到肉質嫩又可以鎖住肉汁，仲要厚切又不會太油膩。芝士龍蝦肉焗通心粉大大塊龍蝦肉，又爽口彈牙，通心粉又有咬口，通心粉又夠味道。

同朋友好耐無見， 打算係佢公司附近搵間工廈餐廳🍴試下， 見「The Stadium」係openrice嘅好評如雲， 就試下啦！😏 「The Stadium」係一間運動主題餐廳， 面積好大，集合好多運動元素， 餐廳嘅裝潢都經過悉心佈置， 枱墊是足球場嘅圖案， 牆上掛上球衣，還有球場更衣室嘅locker等， 每個角落都貫徹着運動主題。 除了播放英超、歐聯和不同球賽外， 客人仲可以係場內掟鏢、篤波或者玩足球⚽️機， 仲有露天户外，幾有feel！☺️ 有波睇、有嘢玩、有酒飲， 絕對係一班朋友吃好玩樂嘅好地方，👏🏻 仲可以包場開party添！😏 意式香菇手搓粉（$138） 自家製手搓粉口感獨特，嚼勁十足！ 均勻地拌上松露醬， 加上炒香菇嘅鮮菇香，好味道！😋 美國🇺🇸極黑毛豬（$177） 黑毛豬大大件，仲有2-3cm厚，好足斤兩呀！ 煮到大約7成熟， 食落鮮嫩多汁，散發濃郁嘅肉香， 旁邊還有不少健康烤薯菜， 可以中和一下肉嘅膩感。😊 仲有Happy Hour，梗係要湊下熱鬧啦！ Cocktail、draught beer都係$58， 幾抵喎！😏 我地點左Passionfruit Mo

今晚跟同事來這裏放鬆一下，步出，有一座桌上足球機，雖然玩不了，但是作擺設也挺特別的。之前來過覺得食物環境也不錯，地方很大，氣氛都挺不錯的，周圍都有電視播放著NBA的球賽，場內還有飛標供客人玩樂。如果抽煙的朋友，可以到室外雅座，環境也不賴的。因為我們只有兩人，所以沒有點太多東西。《特色炸物拼盤》這個拼盤好豐富，很適合那些有選擇困難的人，一次過可以滿足不同人的要求。拼盤有炸洋蔥圈，炸麥樂雞，炸Mozzarella 芝士條，水牛城雞翼，炸粟米麥樂雞，炸墨魚，我最喜歡的是炸粟米麥樂雞和水牛城雞翼，還配搭4款不同的醬汁，很貼心呀👍🏻《美國極黑毛豬》黑毛豬賣相不錯，厚切的，外層煎得香香的，很有bbq的風味，肉質不算很靭，加埋配菜一齊吃，口感提升了。《Rosemary Lemonade》顏色很美，有夏天的感覺，第一口喝到香香的Rosemary味，帶一點點微酸，感覺蠻清新的。《Midnight in Stadium》同事點了這杯，顏色很有層次同樣很美。第一口喝到很香的百香果味，很清新我很喜歡。

今日係Happy Friday，同男友去左觀塘工廈晚餐，呢到好西式化，佢有個Bar枱位比客人用餐飲野，餐廳裏面有好大個電視投影，岩晒d男人睇波，出面仲有d桌上足球機比客人玩下美國極黑毛豬塊扒都好厚下，而味道方面就啖左d同埋肉質有d"孩"，我諗叫牛扒應該會好過叫黑毛豬煙三文魚蘑菇沙律裏面有沙律菜，薯仔，煙三文魚，磨菇，雞蛋etc..味道都係好一般，普普通通，冇咩特別熱檸檬蜜這個都ok, 蜜糖份量剛好，唔會太甜總結，呢間餐廳岩晒男人睇波，餐廳西式化，環境都較輕鬆~如果想garthering傾下計就唔太好， 因為有d嘈~食物質素一般，服務員態度都正正常常，冇咩特別~

一睇餐廳名<The Stadium> 就知是以運動作主題。位於觀塘新工廈The Wave 當中，地點方便，我地六點半到達餐廳，已經有好多食客，差唔多七點更加見到有等位情況，所以預好book 位比較好。餐廳佔了整層4樓，環境很大，座位闊落。電梯一打開，已經見到一部足球機係門口，方便等位既人，可以玩住等，so friendly。入到店內，還有桌球枱及飛標等的小玩意。餐廳有酒吧位，眼見好多人放工黎飲返２杯，so relax。餐廳更設戶外座位，涼少少坐outdoor就更爽啦。今晚２個人叫左一個Dinner set, 另外再散叫一個小食及主菜。本來想點多樣，但待應好細心提點我們菜式都頗大碟，提議唔夠再叫。小食散叫了黑松露薯條($68)，上枱熱喇喇，大大碟，好香脆，黑松露醬分開上，薯條上仲灑上大量芝士粉，更邪惡更好味。另外散叫餐廳推介的主菜- 美國極黑毛豬($178)，大大塊好厚肉既黑毛豬斧頭扒，煎得岩岩好，切開肉質仲有點粉嫩，配上燒過的茄子, 翠玉瓜, 蕃茄, 紅椒，可減油膩感。Dinner Set 包沙律／餐湯＋主菜＋飲品是日餐湯－蕃茄魚湯，這裡的蕃茄魚打得好幼滑，濃濃的蕃茄味

是日中秋節, 係要同同事慶祝一番, 一行11人, 都算鼎盛卦今次係第2次黎, 係同事要求ENCORE, 可想而知, 呢間野食真係唔錯.先睇睇MENU, 種類都算多既. 假如要跟湯 / 沙律係要另加$15既. 本身只係包個主菜同一杯熱飲.今次我都係點左 "美國極黑毛豬"好JUICY, 唔會話好實, 但係因為刀鋒問題, 比較難切, 不過就唔難咬.佢既配菜係火箭菜同醃製既蕃茄, 我本人都幾鐘意食. 酸酸甜甜易入口.  份量都好夠既.另外為左大家開心一下, 就叫左2款小食- BUFFALO WINGS 同埋 黑松露芝士薯條(每樣2碟)BUFFALO WINGS - TABASCO偏重. 算係有少少辣.但係同我想像中既BUFFALO WINGS 仲有一點距離炸得幾好, 都幾JUICY.黑松露芝士薯條 - 好食到難以形容上次叫左個普通既芝士薯條. 今次就點左呢隻試下.....好正. 真係好正. 重要既野真係要講3次既~佢真係好好食, 唔油膩, 夠脆口, 熱辣辣. 真係好好食.下次會再ENCORE!!!!! 

剛剛係觀塘行APM，星期六下午大部分商場都這麼多人行下食下野咁。我就怕怕一的食完要你結帳的鋪頭朋友話食都去觀塘工廠區那邊食啦～好多好野食的又坐得舒服。由地鐵站行過去興業街大約六到八分鐘，因行人路都好多人去outlet，開倉之類買野好熱鬧的。行到會見到發光的The Wave的字句，入大堂上四樓就見到裝修得好寧靜好有空間感的餐廳，感覺好舒服而且有的坐位係平時係戲院看電影右邊有得放汽水的櫈係到，用餐像看电影咁爽。我同朋友點了美國極黑毛豬，夏威夷pizza同火辣脆烤雞翼。整體食物水準好好而且坐得舒服，服務態度好滿意我就喜歡火辣脆烤雞翼酸酸辣辣咁～好開胃。會再來光顧的

觀塘區美食多，今次來到以運動為主題的西餐廳進食晚餐。餐廳內有一大張桌球枱，又有桌上足球機，亦有數部電視播放著桌球比賽，就連枱墊都充滿運動風，極具風格。MENU沒有看太多，直接選擇SET DINNER。是日餐湯 - 南瓜湯鮮黃的顏色已奪目，熱度很夠，輕輕的甜，而且並不稀身，濃郁而CREAMY，非常暖胃又開胃。安格斯牛肉漢堡 ($158)粗薯條又多又滋味，好像吃極都有*V*，而主角安格斯牛肉漢堡絕不欺場，牛肉很香濃，咬落多汁肉嫩，與麵包一同進食不會覺得油膩，而且還有蕃茄、啡菇、芝士、煙肉等增加味覺的享受，十分飽肚，抵食得很！(現在想起也想吃啊~~~)美國極黑毛豬 ($188)如有request才會是全熟，否則都是medium-well，但上桌的一碟不知怎麼感覺像well done (?!)。切起上來不是太容易，咬一口果然有一點韌(可惜啊~)雖然有丁點兒韌，但依然肉汁豐盛，配搭埋特色醬汁，更惹味，所以最後還是吃得乾乾淨淨！Special Items Chocolate (Iced) (+$20)好喝，甜度不濃，不會太膩，只是如果更大杯就好～

好耐冇喺星期日同爸媽食野，今日帶咗佢兩個嚟食lunch+afternoon tea+dinner，諗住1餐當3餐咁食，正！去到樓下已經覺得啲裝修好得意，上到嚟更加哇一聲！大不特止，仲要有桌球枱、足球機、飛鏢、露天座位、多部大電視播緊各類運動賽等，比起平時睇波嗰啲酒吧，呢度的確企理得多。仲有墊枱紙、杯等，都同運動有關，真係好特別！睇睇menu，係超級厚，淨係酒類都佔咗一半，仲要有多款手工啤酒脆焗薯皮 ($78)唔會過鹹，加咗沙律醬令整體口感更加軟嫩；成塊薯皮上都鋪滿Cheddar cheese，再有少少但唔過多嘅sour cream及牛油果醬，雖然簡單但真係超級好味！不過點解食食吓發覺冇咗煙肉嘅？！虎蝦扁意粉 ($188)勁！大大隻虎蝦，另外仲有4隻大蝦，太吸引了吧！每隻蝦都非常新鮮爽口，一啲腥味都冇；扁意粉軟硬適中，沾滿晒酸酸甜甜嘅醬汁，非常非常好味！美國極黑毛豬 ($168)本身諗住只係一塊豬扒，點知上菜時真係呆咗，用木盤上已經吸引，仲要係成塊超厚身嘅10oz連骨豬扒！下面仲有色彩繽紛嘅蔬菜，賣相真係一流！落單嘅時候店員有講明如果全熟的話係會冇咁軟腍嘅，不過食落口又唔覺好硬喎，不過食

觀塘有乜野最多 ? 工廈多, 人多, 食肆多 ! 每次走入觀塘搵食, 我都中意搵唔到餐廳, 發掘一下美食 ! 今次就揀左全新裝修THE WAVE工廈4樓的THE STADIUM. 慶幸係book位有著數, 因為原來坐滿9成, 難怪朋友話試過等半小時都未有位。一坐低環顧周圍, 果然係一間專門運動的主題餐廳, 不論裝修或牆上的大電視, 也是播放著運動比賽項目, 還有飛鏢機等等….觸發你的運動細胞, 實有一款啱你睇 ! 由於朋友未到, 順到去洗手間, 洗手間夠清潔, 坐廁用上電子洗pat pat功能, 果然落重本。睇下menu, 酒類飲品選擇好多, 不時見待應端上大大杯啤酒, 好酒或睇波朋友一定啱啦 ! set dinner 只有4款, 雖然唔多, 但勝在價錢相宜, 我和友人選了 :*安格斯牛肉漢堡*美國極黑毛豬前菜可選精選沙律 或 是日例湯朋友選了是日例湯 – 羅宋湯 (正常味道, 但沒有麵包)我選了精選沙律 (細細碗, 感覺得沙律醬太多, 如改用其他醬更好)終於上菜啦 ! 我選擇安格斯牛肉漢堡完全吸睛, 因為大大個漢堡配上一籃薯條, 再加沙律菜給你中和熱氣. 牛肉好多汁唔覺得好油膩, 食

朋友從外國回港旅遊逗留一段時間，相約食晚飯，看見這間新開不久的工廈餐廳，決定book位一試。去到餐廳，整體感覺有點像bar，非常寬敞，比預料中地方更大。去到因為留左位，所以可以即時入席。我地兩個女仔，研究左一輪menu，決定叫小食、主食share。筆記食過一次後，真心認為值得再去，而且有happy hour時段，一班人傾計、看球賽、飲杯野都絕對正!墨西哥風味脆烤雞翼，醬汁濃郁，酸酸甜甜，口感豐富，不過食多會有點「漏」。美國極黑毛豬，超厚身，勁大件。另外，加上多款蔬果作伴碟，有青瓜，蘋果及燈籠椒，好吸引又惹味。不過黑毛豬略為韌，希望下次食再次有改善。香脆薯條，絕對是筆記最愛，黑松露加上芝士粉，味道一流，食完想再食。