野郎Stone Ya Rou Stone

营业中

休息中

很久沒到北角， 近碼頭有新地標［北角匯］大型商場， 行街食飯睇戲也不缺。行街行到攰，找到『野郎蒸』 吃石板燒肉。 餐廳置身於 一田超市內， 被四周嘅日式食品 ， 高級肉檔感染到想立刻來一客烤肉～🤩剔紙仔order， 抗疫期間堂食仲有85折🤩價錢唔貴，分唔同肉類等級和重量， 由六十幾到百幾蚊不等， 價錢好親民入會仲有和牛漢堡送。👍美國上級牛小排石燒$118 150g對於唔係食肉獸但係又唔齋得嘅人呢個份量啱啱好! 高溫的熱石板，放上烤肉，立刻聞到烤肉的香氣， 由於非常高溫發出滋滋聲響，小心也有些油會淺出。牛小排肉味香濃， 有油花， 夾上炸蒜片味道超正。！唔想烤得太熟可以先行夾起。 這次分別自家炮製了五成熟，七成熟， 八成熟。。可轉套餐加$30白飯，沙律，湯任添～ 唔怕唔夠飽😋👍椰菜絲沙律加上麻醬美味可口～美國牛肉片蒸籠定食$98原汁原味原籠蒸出鮮味， 開啟電磁爐就會keep住籠裏面嘅水蒸氣滾熱， 一路食到尾都係keep住熱～ 好有風味。 美國牛肉片質素普通， 主要係佢下面嘅蔬菜真係非常清甜， 牛肉嘅精華都流到下面嘅蔬菜：蘿蔔絲，翠玉瓜，椰菜花， 椰菜 ，雜菇。。。 估唔到係咁鮮味！😍👍蒸籠

想食到食物嘅原味道，最好就係蒸，而且蒸嘅烹調方法相對健康。不過蒸絕對唔係海鮮嘅專利，蒸牛肉同蒸蔬菜都可以好好味。今日我哋就去到北角嘅北角匯，試吓野郎蒸。野郎蒸主打沖繩木盒蒸，將新鮮嘅食材放入木盒內蒸，蒸完後加少少調味就食得，新鮮又好味。美國牛肉片蒸籠定食蒸大概5分鐘就食得，我哋叫咗美國牛肉片蒸籠定食，牛肉份量好多，大概有8大片，牛肉蒸完後，仍然好嫩滑。蔬菜有蕃茄、菇、紅蘿蔔、椰菜絲，蔬菜索晒牛肉嘅精華，好香濃入味。店員建議我哋將牛肉包著蔬菜，加啲胡麻醬就食得，入口層次豐富，好新鮮，好好味。至於，定食仲有包湯同飯，夠晒飽。石燒牛柳除咗蒸，呢度仲有石燒！你可以根據個人食量選擇份量，我哋就叫咗牛柳，牛柳軟腍，肉味香濃。上枱時記住要先切開，靠石板嘅溫度燒熱塊牛柳，當然生熟度可以按個人喜好，好似我想要3成熟，而A姐鍾意5成熟，就要自己留意火喉喇。（記住Like同Share畀朋友）