享慢煮意 (善慶街) (裝修中)

一個不起眼既角落有一家以藍黃色為裝橫既餐廳，顏色同其他店舖形成強烈對比，主打慢煮，少調味料少油，將食物原汁原味呈現。一定要試佢地既流心牛角包🥐，牛角包外層保持酥脆，充滿牛油香，一切開牛角包，裡面餡料流出來。今次試咗龍蝦湯流心牛角包同埋爆炸糖海鹽焦糖咖啡流心牛角包，龍蝦湯流心充滿鮮味，連埋牛角包食口感更豐富；爆炸糖海鹽焦糖咖啡流心牛角包口感特別，刺激既爆炸糖，配上絲絲甜味焦糖、淡淡鹽味海鹽、微苦咖啡香，層次感豐富，帶出味蕾嘅衝擊。另外美國頂級牛腹扒配香煎鴨肝都整得好出色，牛腹扒以慢煮嘅方式煮成，肉香濃郁，油花較少，配菜有滑溜既奶油瓜蓉，好香南瓜味。煎鴨肝外脆內軟，有入口即溶嘅感覺。

今晚去左上環古董街買野，經過見到有間西餐廳，於是去食晚餐😋😋🌟 招牌龍蝦湯牛角包🥐牛角包焗得香脆，內裡軟熟，切開中間係龍蝦湯，龍蝦湯味濃，而且好香龍蝦既味道，調味亦都唔錯😋😋🌟 慢煮雞胸牛油果流心蛋沙律 （$106）流心蛋配上牛油果🥑，味道好夾，用蛋汁撈沙律菜比起用沙律醬健康好多👍🏻👍🏻雞胸經過慢煮，肉質嫩滑，調味唔會太咸😋😋🌟 西班牙黑毛豬穀物意大利飯（$148）黑毛豬肉味濃，外層煎得好脆，食落唔會油膩，意大利飯食落唔會好浠，而且加左藜麥，配搭得唔錯😋😋🌟 美國頂級牛腹扒配香煎鴨肝牛腹扒煎得岩岩好，唔會太熟，牛味重，牛肉相當軟熟，鴨肝香口，擺盤擺得好出色，色香味俱全，必點😋😋🌟 白松露雪糕配焦糖燉蛋雪糕好重既松露味道，食落口係甜既白松露，相當特別😋😋焦糖燒得香脆，燉蛋既蛋味濃郁，呢個甜品唔錯😋😋

🍴 龍蝦湯牛角包 ($58) ⭐️⭐️⭐️⭐️⭐️ 牛角包食落好脆，感覺非常新鮮，入面啲龍蝦湯係好濃郁，一切開牛角包嘅時候入面啲湯流晒出嚟，淨係見到都好吸引，非常推介！ 🍴 美國頂級牛腹扒配香煎鴨肝 ($268) ⭐️⭐️⭐️⭐️💫 賣相非常吸引，擺碟似足高級西餐。牛扒切開一片片，入面大概有五成熟，用慢煮嘅方法做到恰到好處，完全唔會韌。 🍴 慢煮鮮挪威三文魚忌廉意粉 ($158) ⭐️⭐️⭐️⭐️ 三文魚以慢煮嘅方式煮熟，所以外皮唔會有香脆嘅效果，反而食得出好Fresh嘅三文魚味。醬汁用咗芝士同埋忌廉製成，配合三文魚同埋意粉，味道非常夾！ 🍴 Tiramisu Cheesy ($44) + Matcha White Chocolate Cheesy ($44) ⭐️⭐️⭐️⭐️ 兩杯飲品都係細細杯，但因為兩杯都有芝士，所以飲落其實都飽肚！抹茶白朱古力真係好正，兩種材料配搭得好好，又唔會太甜，推介！ 🍴 真空慢煮法式焦糖燉蛋 ($68) ⭐️⭐️⭐️💫 咁嘅價錢來講就有啲細杯，味道就同一般焦糖燉蛋其實差唔多，唔算太特別。 .............................. 享慢煮意 地址📍: 中環善慶街9號地舖 總評