平民扒房@友蠔食 (已搬遷) 新店位置

美國牛板腱前陣子草根姐妹 睇網上食評，得知旺角開咗間平民扒房，作為草根的一份子，當然要試試! 餐廳主打熱石板套餐，牆上掛有圍裙，避免大家弄髒衣物。熱石板套餐包有前菜、湯和白飯，全都是無限任添，一定能吃飽 !美女豬扒@松露白汁（$108）Pork Chop @ Truffle White Sauce2大塊豬扒經過廚師用黑椒和香草調味，豬扒肉質軟腍之餘十分入味，不錯吃 。草根會建議將豬扒放於石板上多煎5分鐘，表面開始出現金黃的焦香，肉質又不會過老，味道更好吃。特別要強調一下旁邊的松露白汁超級出色，松露味突出！不過，以豬扒來說價格也不便宜。美國牛板腱（$98/200G)Top Blade US餐廳主打以熱石板呈上食物，老闆娘(疑似)說廚師只把牛扒煎至1成熟，再經石板的熱力把牛肉快速煎熟。食客能夠自由地掌握生熟程度，草根大約煎至5成，切開中間顏色粉嫩，有牛味，可惜肉質未夠柔軟。草根姐妹認為如果餐廳能提供岩鹽調味，味道將有所提升。由於石板十分熱，肉扒放於上面會不斷濺出，所以緊記要穿上圍裙呀!

通菜街兩旁勁多餐廳，點指兵兵點中咗呢間平民扒房。望完menu價錢都幾抵，去馬！友人唔食牛，所以就退而求其次叫咗兩個熱石板套餐，分別係美女豬扒@松露白汁 $108，同埋友蠔食DIY生蠔@牛油蒜蓉汁 128，兩個套餐都已經包咗前菜、湯、白飯，三樣都係任添，完全唔驚會唔夠飽！跟餐我哋各加$12轉配特飲👍🏻前菜沙律上鋪上滿滿嘅醬，甜甜酸酸咁，非常開胃。餐湯係蘑菇湯，淡淡嘅蘑菇香味，加上質地唔算太稠，飲完一碗，不自覺再添了一碗😆美女豬扒有兩大塊，性價比高！豬扒喺熱石板上不停加熱，聽住個聲音已經令人流哂口水，松露白汁亦都一直受熱冒泡，好吸引！豬扒肥瘦適中，點上松露白汁，豬嘅焦香味再加上松露嘅點綴🤤🤤 但要留意，熱石板溫度好高，豬扒要快啲食哂，如果唔係就好易燶喇～生蠔餐就好好玩，首先兩隻生蠔size都唔細，同我手掌長度差不多✋🏻 原本嘅生蠔其實已經可以就咁食，但配上熱石板，客人可以自己控制蠔嘅熟成度，我同友人就將一隻好快咁加熱一陣，中間仲保留生蠔嘅質感，而另一隻就煮熟咗，煮嘅時候混埋牛油蒜蓉一齊煮，簡單煮出好食嘅料理🤗食完熱辣辣嘅食物，飲返清新嘅特飲，好爽，左為青蘋果乳酸特飲，右為石榴乳酸特飲。需加