美蘭廚房 (已結業)

若非住在附近的親友介紹，未必會入去幫襯；若不入去幫襯，就會錯過了有水準和有人情味的小店。餐廳有樓上，環境裝修不起眼，主要是幾位姨姨打理，親切如住家飯。食物選擇都多，大碗飯、車仔麵、酸辣粉和各式小食都有。美蘭秘製叉燒飯（$52）大大碗，有隻煎蛋和好多片厚切叉燒，雖是厚切兼睇落無乜肥膏，卻是非常軟腍。還有豉油汁 / 咖喱汁 / 蔥油汁 / 秘製泰式汁可選。我選了蔥油汁，鹹甜度啱啱好，淋落白飯度食曬，回到家也不覺口渴。白飯是窄長形，煮得乾爽，好吃。有得揀車仔麵有得揀真係好。揀了美蘭自家製麵（$10），不常見的酸菜腩肉（$14）、木耳小雲吞（$14），還有蘿蔔和通菜（各$8）。自家製麵條其貌不揚卻好有質感，是那種愈食愈好食的麵條。配餸份量不少，酸菜腩肉夠味，小雲吞清新，蘿蔔清甜。我揀了小辣，都有少許辣度，與清甜湯底很相配。喺我食飯期間，見有不少人來外賣和斬料，原來QR code落單有85折呢。

大胃冇咩幾可會嚟到鰂魚涌，weekend嚟到，發覺好多餐廳只開workday，灰到無倫唯有去街市嗰頭，都有啲隱世飯堂嘅唔黯然嘅叉燒飯，唔知大家有冇食過呢？佢地嘅叉燒應該係慢煮，嫩得嚟不失彈性篤爆粒蛋黃勁興奮，蛋汁撈飯真係好正淋埋蔥油上去，係飄然銷魂飯呀佢地嘅麵係自家製，好有質感，似油渣麵嗰種，夠晒粗，唔怕鬆散，浸湯都冇有怕酸菜牛腩都幾滑口，仲多咗幾片冬菇，太好了鹽酥雞都唔錯，外皮炸得好爽脆，肉質保持唔嚡口，鹹味啱啱好，份量都ok多㗎幾擔心飲品會沖得太甜，原來甜度都可以自己話事，既然係咁，大胃當然挑戰無糖檸茶啦

港島覓食，來到位於鰂魚涌的美蘭廚房，精選一飯一麵醫肚。湯底見真章「有得揀車仔麵」　魷魚、蘿蔔、芝士腸及豆腐卜幼麵加腩汁 $52 蘿蔔激甜無渣，吸收超濃郁牛腩汁湯底精華，食得出經過長時間熬製腩汁，肉香濃郁，為整碗車仔麵畫龍點睛。豆卜同樣索汁，享受湯底精華的不二之選。魷魚爽口彈牙，加埋一定好味既爆漿芝士腸，非常豐富。下次有機會一定叫埋牛腩，相信唔會失望！懷舊摩登　黯然銷魂「美蘭　招牌推介」　美蘭秘製叉燒飯　$52＋$5太陽蛋個人偏愛薄切煙韌瘦叉，香口又清新；竟然有德國煙豬手的既視感。不是坊間常見廣東燒味的死鹹，而是帶有木香和西餐香草等調味料，經過燻鹹的獨特香味。絕對是意外驚喜！而且，我們跟老闆娘聊過，喜歡吃脆口叉燒的朋友，可以落柯打時要求廚房「加碼」客製燒燶外層，人情味爆燈！中間的流心太陽蛋封邊，煎得金黃香脆，夠曬惹味。今餐帶屋長輩一齊食，發現豉油風味非常出色，簡直「時光倒流回到六十年代」！豉油也是經店家自行秘制的，帶有獨特的油香，疑是以豬油調製而成。中西合璧加上經典調味，家人頓時給出《食神》電影中，吃過「黯然銷魂飯」的激動表情（笑）

聽講呢間小店係由長沙灣一個foodcourt 開到過嚟鰂魚涌!!我都係冒名嚟試吓佢嘅招牌菜🤪Well~ 對面檯全部人都叫最出名嘅豬油楂麵😳偏偏我就揀咗<<有得揀車仔麵>>諗住想試多啲餸嘛😛$10嘅麵底都有唔少選擇! 我就梗係試番佢嘅<<自家製麵條>>啦!麵條好粗! 雖然望落唔多，但都食到好飽~而且佢有少少咬口!<<清甜蘿蔔>>($8)堅清甜!! 而且一啲渣都冇😋<<南乳豬手>>同<<酸菜腩肉>>都係$14嘅餸!份量都唔少!!豬手超入味又腍👍🏻感覺有超豐富嘅骨膠原呀😍而腩肉係粒狀嘅! 有啲似五香肉丁啲friend~重點要提提唔食得辣嘅朋友⚠️佢嘅「小辣」起碼有譚仔嘅三小🤭所以落佢啲自家製辣菜甫之前諗清楚先呀😌見到呢碗<<美蘭秘製叉燒飯>>($52)真係一齊「吓」出聲然後dead air咗幾秒😳😳😳完全係同menu張相唔一樣㗎喎🤔我仲專登嗌佢，諗住影相打卡!好彩味道唔錯~冇令我失望😅厚切叉燒肥瘦分明，配

❣️叉燒油渣麵 細$36 大$42豬油渣帶有少瘦肉嘅肥豬肉🐷但食落口一啲都唔油膩仲要炸得好爽口✨唔會感覺到肥豬肉嘅口感食完一舊 係會想再繼續食多舊完全停唔到口🤤🤤🤤當你以為湯底清淡個陣 一定要落佢地嘅自家菜莆加完之後湯底完全係upgrade左 係另一個層次🔝*❣️美蘭秘製叉燒飯 $52叉燒一啲都唔鞋身唔硬又唔軟 大大碗飯🍚再配上幾塊爽口 爽脆嘅青瓜片🥒有幾款醬汁俾你選擇今次就揀個最穩陣嘅豉油汁唔知佢地嘅豉油汁係咪又係自家製配埋又幾好食下 同平時食開嘅豉油汁都幾唔同下*❣️足料鴨肉翅 細$28 大$32真心 真係同個名一樣真係俾足料你多料 多鴨肉🦆🦆多木耳 多冬菇🍄🍄啲鴨肉食落又係唔鞋口 同啲叉燒有得fight又無任何鴨肉嘅異口