紅煮意

营业中

休息中

話說今日係同女朋友拍拖週年日黎咁上次黎油麻地睇戲都諗住食呢間但冇book位 所以冇位 冇得食咁今次我係訂咗座先黎嘅但係間嘢好似包場咁已經冇客啦成個場都冇人呀我地任坐呀見餐牌都幾多嘢揀但我地其實都揀好鋸扒架喇頭盤沙律冇沖乾淨食到最後先發現碗低有啲唔希望食嘢見到嘅嘢 唔黑色嘅不過唔知打呢句嘢出黎openrice會唔會唔批我呢篇食評但我係有拍片影底嘅佢有話換過碗沙律 但我話唔駛喇 都係同一批沙律菜黎嘅啫餐湯蒜蓉包我幾鐘意食蒜蓉包叫咗兩碟一碟係肉眼黎 另一碟都唔記得係咪都係肉眼扒啦講真嘅 有啲比沙律影響到食慾嘅但我食呢塊扒都覺得ok嘅其實都整得唔錯肉質鬆 易咬 肉汁唔多但味道覺得都唔錯嘅最後我都係覺得沙律個到係一件不可接受嘅嘢啲扒我覺得唔錯 價錢都合理

星期五晚，打算去油麻地電影中心睇戲，睇十點幾場，所以有時間慢慢食個晚餐，朋友介紹我可以去附近嘅紅煮意。老實講，如果無人介紹，真係無必會留意到呢間餐廳。可能因為地點關係，星期五七點幾，都唔算好多人，加上樓底高，整個感覺唔會太焗促，同其他食客會有啲距離，私人空間多啲。聽講逢星期六晚會有樂隊駐場表演，可惜早咗一日上嚟。講返正題，首先講個蘑菇湯，合格嘅蘑菇味夠香，個湯唔會太稀太水。呢到只係得一款湯，無得揀，鍾意紅湯嘅朋友要留意返。主菜分別叫咗一個魚扒、一個肉眼扒，原本想叫海鹽燒比目魚扒，可惜無比目魚扒，所以轉做鱸魚扒。鱸魚扒魚皮個面煎得好脆口，但入面唔會煎到太乾身，配埋個汁整體感覺都清爽。另外就叫一份五成熟肉眼扒，配燒汁，肉質鮮嫩，都唔錯，值得推薦。特別一提餐廳係播廣東歌，憑電影票尾仲可以有優惠。老闆應該都係一個重視文化發展嘅人。

我一向最喜歡捐窿捐啦，尋找隱世小店，真係好好食，先會放上黎推！野食好好食，肉眼扒，龍蝦麵好好食，甜品都係好特別，午餐都好抵食，仲有素食，素食者絕對唔怕無野食！每星期有live band, 同老闆吹水先知，原來佢地好支持本地獨立音樂，每星期嘅live band係佢地出街見到有人busking而去搵佢地，再誠意邀請佢地到餐廳演出，有心有力！假期時，晚晚爆場架！去前記得book左枱先呀現在逢星期六晚7:30都有歌聽