阿木台灣麵 (豉油街)

营业中

休息中

▪️ 紅燒牛肉麵 ▪️呢間旺角嘅台灣小店嘅紅燒牛肉麵真係一絕！湯底濃郁香醇，牛肉炆得好嫩滑，入口即化。麵條彈牙有嚼勁，吸收晒湯底嘅味道，每一口都充滿咗牛肉嘅香味。仲有幾塊大塊牛肉，量足味美，食完真係滿足。▫️ 肉鬆蛋餅 ▫️肉鬆蛋餅都唔錯，薄薄嘅餅皮煎得金黃香脆，內裡包住滑嫩嘅蛋同肉鬆，味道非常豐富。每一口都可以感受到蛋嘅香滑同肉鬆嘅鹹香，真係好好味。配埋少少甜辣醬，味道更加突出，食完唔會覺得膩。▪️ 珍珠奶茶 ▪️講到台灣飲品，點少得珍珠奶茶！呢度嘅珍珠奶茶奶味濃郁，茶底清香，就係甜咗少少。珍珠彈牙爽口，唔會太硬或者太軟，口感剛剛好。

大約半年前行經此店，當時好多人在門外等候，一直記下此店，等待有空時光顧。上星期五放工後與女友找晚飯地點，想起此店，決定當晚便去！女友先放工，大約8時前到達餐廳，心想她要等位，我大約遲15分鐘到，應該還要多等一會才能入座。不消一會，她告訴我已經入座，只有好少人等位。我到達後，她已經點了紅燒牛肉牛筋麵（$79），另加金桔檸檬話梅汁（$17）。我看完menu，手機下單了一份麻醬伴麵（$45），加了$3轉關廟粗麵，再加一份肉鬆蛋餅（$45）。好快女友的牛肉麵和飲品送到，立刻試一口牛肉麵，發現湯不夠熱，沒有藥材味，另外牛肉沒有什麼味道，但勝在煮得夠腍，麵質不夠彈性，整體感覺一般。之後麻醬伴麵和蛋餅也送到了，關廟粗麵的質感也大致相若，感覺粉粉哋，不夠彈性！麻醬味與平常其他地方吃到的雞絲粉皮相若。蛋餅餡料充足，入面佈滿好厚的肉鬆，算真材實料！金桔檸檬話梅汁，正常味道，冇失望，冇驚喜。對本人而言，餐廳食物質素屬於普通，但覺得最不好的是座位擠迫，空調不足 (基本上係感覺不到有冷氣），眼見好多客人也在流汗！匆匆吃完，便埋單走了！我相信這次是我第一次和最後一次來光顧了！

番茄牛肉麵 $67非常濃郁嘅番茄湯🍅，同牛肉麵好夾，我嗌咗角切嘅牛肉，牛肉非常嫩滑同好腍，食得出啲牛肉係經過用心烹調😋 紅燒牛肉麵 $67紅燒牛肉麵係阿木台灣麵嘅招牌菜🫵🏻，果然冇令我失望，佢同番茄湯唔同，紅燒牛肉湯令牛肉更加入味同軟嫩，係正宗嘅台灣紅燒牛肉麵！😆 肉鬆蛋餅 $43蛋餅嘅份量一啲都唔細，而且肉鬆非常足料😙，每嚿都食到啖啖肉鬆，每啖都散發住蛋香味，食到停唔到口～🥚 芝士粟米蛋餅 $45啲芝士十分邪惡🧀，配埋粒粒分明嘅粟米，超級好味🥰

夜晚同個朋友去, 事關我鍾意食肉鬆, 比個蛋餅吸引左去,  叫左兩碗牛筋腩麵, 一個蛋餅同一個鹽蘇雞.    食物黎講, 還可以, 座位就稍為有少少迫.    食物:- 牛筋腩麵: 口感還可以. 鹽蘇雞: 幾特別, 可以自己落粉. 蛋餅:   還好, 就係你所諗既咁, 一塊餅夾住D 肉鬆咁既味.    但好易一夾就散開. 飲品:-原本想比好評,   但係, 我叫左杯黑糖珍珠鮮奶,   簡直超級扣分.      一入口成口都係練奶味,   我明明叫"鮮奶" , 真係一杯飲品破壞晒成個感受. 我朋友叫左杯類似菠羅,  但佢都話一般. 食品:   可以係OK或好評飲品:   劣到唔劣

下午在旺角吃牛肉麵，下午時段，餐廳依然客似雲來。憑單據可在生活百貨買滿$100享有九折優惠。可以吃完牛肉麵再去生活百貨掃貨。⭐️紅燒牛肉牛筋麵$74轉手工關廟粗麵$3，粗麵口感煙韌，要起來更有嚼勁。牛肉麵的湯底很香甜，牛筋煮得很軟，入口QQ的，牛肉大大一塊，入口很香軟，肉味很突出。⭐️肉鬆蛋餅$44很足料的蛋餅，肉鬆意外的不死鹹，所以就算肉鬆足料吃起來也不會很鹹。⭐️黑糖薑母茶$12黑糖薑母有薑片，入口暖笠笠，女士必喝。

今次係第一次黎試阿木台灣麵，之前每次經過都見到依到大排長龍，所以每一次都食唔到，今次8點幾既時侯見人唔多，決定排隊等一等去試下佢嘅味道。係排隊既時侯已經不斷望住門口特色嘅台灣食品，真係好掛住台灣旅行既感覺。依家只可以靠門口既野食懷念一下。 等左大概20分鐘左右終於可以入進去食。就咁睇餐牌每樣野都好吸引，簡單點左幾樣野食，紅燒牛肉麵、肉燥鹽酥肉飯、肉鬆蛋餅、醬油豆苗。紅燒牛肉麵真係要提一提，佢唔似出面個啲得幾舊牛肉，仲要舊舊牛肉都勁大舊，份量好夠，仲要好好味。肉燥鹽酥肉飯就普通，不過佢啲肉燥就可以再加啲菜莆去食都幾特別。肉鬆蛋餅好好食，肉鬆同個蛋餅好爽，如果有下次一定要會試埋芝士肉鬆蛋餅。醬油豆苗都幾出色，豆苗無臭青味，整出黎都好味。飲品就叫左蜜桃鳥龍同白桃四季春，如果唔飲得甜，最好就飲蜜桃鳥龍，比較無糖。餐廳整體黎講，絕對無失望，味道好味，份量又大，值得再次去食。評分味道⭐⭐⭐⭐⭐環境⭐⭐⭐⭐服務⭐⭐⭐⭐⭐衛生⭐⭐⭐⭐抵食⭐⭐⭐⭐⭐食完左之後仲去佢白布街既台灣超市，入面好多台灣土產野食，如果掛住台灣野食，食完野記得去行下。

首先，記得用GULU攞飛，唔好去到門口先話：係喎，唔記得。好彩今次星期日3點幾不算多人排隊。其實食物種類不算多，但專注做幾樣就反而樣樣都好食。同時不用傷腦筋。紅燒牛肉麵必吃，牛肉4大塊，又厚又腍，腍得嚟又有口感，湯底濃郁，酸菜又多，解膩開胃。蛋卷必吃。尤其欣賞它的外皮，軟硬度做得好好，而且是薄皮，包住雞蛋好香好軟。今次單叫了肉鬆味，非常之多肉鬆，味道非常好。家傳鹽酥肉，有肉汁，不厚粉，不油膩，好大碟。還點了冇影相的仙草凍奶茶少甜，茶味奶味充足，仙草是一大舊不是一條條，啜唔到，要用匙羹吃，好滿足。

今次經過旺角 就選擇同男朋友食良心小店阿木啦！我地之前都食過好多次架喇~食物水準一如以往高質我地Total叫左一個台灣麵,一個肉鬆蛋餅, 一個炸甜不辣同家傳鹽酥肉紅燒牛肉麵一如以往 好多塊肉~每塊都超淋~輕輕一咬已經係口入面化開麵質就稍為普通,但都有少少彈牙~湯底都OK唔錯份量夠大~就算係男士們食一個應該都夠飽炸甜不辣~好好味~好Q岩岩炸起熱辣辣,非常惹味個人覺得比起係台灣夜市食到既有過之而無不及呢～絕對值得一試肉鬆蛋餅都係水準之上~外皮好Q又夠薄配合埋入面既肉鬆, 每一啖都係幸福既感覺呀！基本上每次黎都係必嗌！(仲有另一款可選擇/加芝士)家傳鹽酥肉第一次食, 感覺同係台灣食既都幾似肉質唔錯,幾彈牙 但略嫌外皮有少少咸,入面唔太夠味總結係非常抵食既一間餐廳，相信之後都會不斷翻食🤤另外店鋪門口亦都擺放左好多台灣食物/飲品售賣~係疫情下都有少少去左台灣既感覺呢！評分:環境 ⭐️⭐️⭐️味道 ⭐️⭐️⭐️⭐️舒適 ⭐️⭐️⭐️優閒 ⭐️⭐️⭐️回頭 ⭐️⭐️⭐️⭐️⭐️

每一次去旺角都想食阿木台灣麵，但次次去到門口就會見到好大班人等緊位，所以冇食過。今日見到阿木開左豉油街分店，咁啱未肚餓，再加埋鋪頭裝左GULU，方便邊行街邊等位，所以就下定決心一定要食到，最後攞位後一個鐘就可以入座。❗提前半個至一個鐘去THE GULU攞飛麻辣牛肉麵($65)用秘製麻辣醬調製嘅湯底，好香好好味，麵質偏淋。最最最重要嘅係超。級。多牛肉，又大舊，一碗有成六、七大舊，以呢個價錢，呢個質素，真係好抵，唔怪得成日都口長龍。紅燒牛肉麵($65)沒有辣味，湯底更濃郁，但又唔太漏，一樣都係有咁多舊牛肉，真係抵食夾大件肉鬆蛋餅($39)蛋餅皮口感煙韌，足料肉鬆甜甜地，好滿足。冬瓜茶($11 跟餐半價)冬瓜茶不會太甜