肥姐蠔餅婆

营业中

休息中

元朗除左有好多好食既茶記之外，唔少得小食，而芸芸元朗街頭小食入面，最深得我心既一定要數「肥姐蠔餅婆」。係幾年前肥姐女兒患重病，有網友熟客得知事件之後係facebook發布消息，呼籲元朗人或者黎元朗既人幫襯支持小店，當然依家已經雨過天青，肥姐既敬業樂業確值得我地尊重。小店多年來都係老模樣，食既係肥姐既手勢唔係環境。呢到有張枱仔，比你加醬汁、自己倒垃圾同疊返好隻碟。價錢主打賣蠔餅，分1-4件，價錢都係$30/件，另外都有鳳爪同飲品。肥姐蠔餅　$30/件即叫即煎，炸粉夠薄，最緊要係蠔要夠肥美，蠔新唔新鮮都睇處理手法，呢到既蠔有肉汁有鮮味，而且蠔份量都夠，配上脆脆既炸皮，好香口，枱面有秘製泰式酸辣汁，我自己就一定會點，因為絕對係畫龍點睛，令成個口感層次更加提升同埋更加惹味。基本上一、兩個星期就會食一次肥姐，一係食完晚飯黎食個宵夜，一係就口痕過黎食件過下口癮，我唔會話佢係最好食既，但肥姐既心機同埋蠔餅中上既質素已經足夠令我經常幫襯。

好正既蠔餅🤤🤤🤤🤤雖然佢只可以企無得坐係到食 但到車水馬龍好多人排🌝🌝 即叫即整 每個人要大約五分鐘到la🤭🤭 佢炸得啱啱好 唔會feel到過份油膩 再加埋佢舖頭個汁 真係好正🤤 而且價錢都唔貴 可以一試👍🏻👍🏻👍🏻

住九龍既我, 同女友一場黎到元朗, 一於黎試下之後book mark 左好耐既掃街精選!!(食左好多間, 但唔記得影相)講返重點先, 肥姐既蠔餅蠔仔真係幾新鮮, 對比去打冷店食果D 算係唔太油仲有佢秘制既辣醬, 落少少調下味果真不錯不過係果度都要等大約10分鐘左右

長期人氣蠔餅店，前排肥姐囡囡有病，來幫襯既人龍更長，今天我也來力撐肥姐吧！5pm開鋪，5點幾去到已聚集7-8個人客，學生也佔部分。叫了一份蠔餅外賣$24，要芫茜和辣汁。在沒為意下錯給了肥姐一個＄10台幣當一蚊，離開了一回之後才發現折返！原來肥姐將我那個＄10台幣找續給客人時發現了袋起左，我折返問肥姐和道歉時，肥姐回我：「唔緊要啦，唔知味當下次我去臺灣旅行用囉，哈哈!」當我正想補返肥姐一蚊時發現銀包裏只得$100和$500紙幣，肥姐把$10台幣還給我，並說不要緊，無一蚊就下次先比啦！雖然只是一蚊，但就令我很感動，肥姐真的很好人！外賣回去的蠔餅我用焗爐返熱，吃上去也脆口，吃到大大粒蠔仔，很足料，肥姐秘整辣汁就真的勁辣，是嗜辣的我的最愛！