張公館

营业中

休息中

好耐無食中菜，諗起之前去登龍街食飯見到張公館，感覺好高雅，就一於去品嚐一下。店內設計好開揚，落地大玻璃可盡覽維港的景色，就算今日有人包了半場用屏風間了半間，依然開揚。枱與枱之間寛闊，不像其他酒樓般密質質，所以這裏坐得舒服之餘，亦感覺好有私隱。餐點選擇傳統得來帶點新穎，正合我心意。花膠雞絲菊花燴蛇羹秋風起三蛇肥，原來張公館都有得叫，於是叫了一碗一位用的花膠雞絲菊花燴蛇羹。上枱好得體，有個火爐仔熱住，慢慢食都唔會凍。蛇羹足料，內有好多蛇絲，蛇絲口感香滑，入口味道真的好香蛇味。還有少量骨膠原豐富爽滑的花膠。脆焗蝦多士蝦多士香脆鬆軟，加上手打而成味道香濃的蝦膠，配上酸甜適中的沙律醬，美味可口。鐵板西班牙黑毛豬叉燒用鐵板盛載而成的黑毛豬叉燒，上枱時非常治癒，有清脆的吱吱聲，令叉燒可以熱著，色香味俱全。黑毛豬叉燒入味鬆化，爽脆得來帶軟滑，豬味清甜，沒有任何豬羶味。配在黑毛豬叉燒下的黃豆，吸了叉燒汁，變汁更軟滑香甜。脆皮鹽香雞（半隻）雞是新鮮雞，雞是新鮮雞，雞是新鮮雞，重要的事要講三次，哈哈。因為香港真的好少地方有新鮮雞食，所以這裏有得食真係好興奮。鹽焗後的鹽香雞，雞皮好香脆，而且脆而不膩，沒有多餘

同朋友慶祝生日，想搵間好味嘅餐廳！由於朋友鍾意食中餐，所以就選擇咗張公館！第一次嚟張公館，餐廳裝修好華麗高貴！由於平日嘅關係，唔算太多人，環境寧靜，方便傾計！之前我有響OpenRice做過功課，睇定有咩好食！脆焗蝦多士，好脆，蝦肉好香！百花煎釀秋葵，細細條好得意，第一次咁樣食秋葵，又出奇地好夾，好好味喎！荷葉和牛面頰肉，呢個真係10個讚，面頰肉好淋，好有牛味，而且感覺好有骨膠原，唔知食完之後皮膚會唔會變靚啲呢？平時我唔鍾意食紅蘿蔔，但係今次啲紅蘿蔔好入味，冇咗平時嗰啲怪味，好好味！冰梅欖角一字排，梅味剛剛好，唔會太酸，而且排骨唔韌，味道剛剛好！龍蝦湯泡飯，啲湯好有龍蝦味，飯入面有少少脆脆，好有口感！呢間餐廳真係名不虛傳，啲食物質素好高，而且服務亦好好，非常值得再次幫襯！唯獨切餅費比較貴，$150一個蛋糕，如果切餅費可以平啲，或者免切餅費的話，咁我一定會成日都嚟呢間餐廳慶祝紀念日啦！

脆焗蝦多士，蝦膠好彈牙呀，再加埋塊好脆嘅多士，絕對係一啖入面有兩個口感呀！同埋佢應該係焗嘅關係，所以唔係非常油，入口都唔會有個好溜嘅感覺！鐵板西班牙黑毛豬叉燒，係用黑毛豬整嘅叉燒呀～賣相好靚，半肥瘦！不過其實食落一般，肉質算得上鬆化，但係豬味唔係特別濃，整體其實同一般叉燒差唔多以三百幾蚊碟黎計，性價比有啲唔抵生磨蛋白杏仁茶 ，杏仁味非常濃！亦都磨得好滑好香~抵讚！！！底層嘅蛋白勁滑~煮嘅溫度同時間控制得啱啱好！係一個必食嘅甜品~

趁星仔去了旅行，就約好姊妹茶聚，張公館之前已經聽身邊朋友食過讚不絕口，所以今次就一齊試試。＊＊＊＊＊＊＊＊＊＊＊＊＊＊＊張公館走新派中菜館路線，地方乾淨企理，桌與桌亦有一定距離不會過於擠迫，一邊是落地玻璃可以看到180度維港景。茶芥$20/位，小吃$18/碟，比一般連鎖茶樓相比有點小貴，不過茶壺有用火一直暖著，都算貼心。餐牌菜式選擇挺豐富，頭盤、點心、小菜、海鮮、燒味、飯麵和甜品都有，而且中午時段除指定特價菜式外，全部都有85折優惠，全點是周末都有優惠。脆脆笑哈哈($68)就是蝦春卷外以腸粉皮包裹著，腸粉皮厚薄適中，春卷夠脆，蝦肉結實。脆焗蝦多士($168)蝦多士非常鬆脆，重點是不多油，吃完都不會有很膩的感覺。鴛鴦燒賣($68)左邊是正常燒賣，右邊是麻辣燒賣，麻辣燒賣辣勁十足，辣度約在小辣和中辣之間，蝦夠爽彈，豬肉結實。翡翠明珠餃($58/兩粒)明珠餃就是餃皮來包裹著翠綠色的菠菜和蝦膠因而得名，原本一籠兩粒，如果人數剛巧是單數，可以另加加一粒($29)。球狀的明珠餃賣相不俗，餃皮微彈，入面菠菜和蝦膠比例剛剛好。桃膠奶凍($48)桃膠有美顏功效，最適合女士，入口其實沒有味道，口感微彈有點

母親節正日，與家人一起外出晚膳。是晚造訪的餐廳「張公館」為於銅鑼灣開飯熱點 V Point 之內。因餐廳位處 29 樓，能遠眺維港景緻。店內裝潢以清雅簡潔為主，配合中高級別餐廳的定位。在大時大節，餐廳的訂枱情況固然緊張。用膳時段分兩輪，亦雖提前下訂確認訂枱。「西洋菜陳腎燉湯」以大量稚嫩的西洋菜燉製，湯色清徹，味道帶甜，但較預期淡了少許。湯中內含美味的雞腳，屬額外增分點。「脆焗蝦多士」色澤金黃，脆而不膩。海蝦選材新鮮爽口，與下方的脆多士合作得天衣無縫。同屬蝦肉菜式，「燕麥黃金蝦球」用上更大的海蝦。在咸蛋黃增潤下，菜色的惹味度無容置疑。與「脆焗蝦多士」作比較，則還是蝦多士口感味道層次更佳。小編喜愛吃蟹，所以特別點了一客招牌「新加坡黑胡椒蟹粉絲煲」。一只完整肉蟹體型不小，蟹肉鮮味豐富。以黑胡椒作調味本來惹人期待，但出來效果甜味過重，失了胡椒香氣神韻，有點美中不足。「冰梅㰖角一字排」都是一道酸酸甜甜的肉類菜式，未見很特別。「啫啫生菜煲」出品熱辣，既富啫啫聲效，又能迫出香氣。做這道菜最怕把菜煮焦，這份出品則沒有此問題，能同時享受到爽香甜辣多款食感。「豆乳鮮腐竹浸菜心」以豆乳湯煮菜為菜蔬外掛一份豆

同朋友聚會，選擇了呢間中餐。覺得人隨年齡增長，就會想揾一個舒適既地方，一張圓檯，圍埋，enjoy晚餐之餘可以暢談！我哋一行5個女仔，野食叫得唔算多，但in general 都好味！脆焗蝦多士 $138好味道！配沙律醬，好肥仔。炸得好脆。 蝦膠釀係脆卜卜的多士，彈牙鮮味！百合鳳梨咕嚕肉$228咕嚕肉炒得好脆囗，唔多粉，甜酸度適中！脆皮燒腩仔 $138呢個燒腩仔就有少少失望。皮係脆，但唔係特別出息。。。者者生菜煲$158呢個煲都幾野味！好香。xo醬黃金淮山麵 $168雖然唔係好知淮山麵係suppose 點樣，但覺得淮山應該係健康野，同埋佢唔係好油，炒得好香，XO醬味道一流！椒鹽九肚魚 $138炸的好正！好野味，好香，好脆口！紅棗糕 $48好清甜，質感QQ！桂花五色糕 $58好特別，五層，有生果肉增加口感，非常有果香！好味！

張公館走高檔路線的中菜館，餐廳飽覽維港夜景。美食配靚景，還有舒適的環境。用料優質亦是賣點。脆焗蝦多士 $138彈牙的蝦膠釀在脆卜卜的多士上，惹味而不膩。時令燉湯 $176養顏滋補集於一湯，飲完即刻覺得皮膚都好咗。用料豐富，原汁原味，味道鮮甜濃郁。睇相就知有幾真材實料。紅燒潮州翅 $388上枱時用小蠟燭暖住一窩紅燒潮州翅。啖啖都有翅，湯汁濃厚富膠質，雞湯味濃而不咸。番石榴香脆咕嚕鱔片 $288水果入饌食得多，用番石榴都係第一次食。最初怕濃味的番石榴會搶咗咕嚕醬的味道，食落原來又幾夾。炸鱔片香脆，肉嫩不腥。經烹調的番石榴獨特的濃味減淡，多了一份水果的清新，平衡油膩感。淮山杞子紫薯浸菠菜 $168美味又有益的美食。淮山纖維豐富又養生，紫薯令整個菜變成美麗的紫色，亦為整個菜加點天然的甜味。蛋白杏仁茶 $48品味從細節看。這個甜品竟然是用Le Creuset，當然相機食先。上層是香滑的手磨杏仁茶，下層是燉蛋白，滋潤養顏。

27號仲放緊假，帶爸爸媽媽去試新嘅中餐館，飲吓茶先！鐵板蜜汁叉燒 ($198)未試過鐵板上叉燒咁食，仲要係捧埋嚟嗰陣先落醬汁，做到渣渣聲嘅效果。啲叉燒勁鬆化，完全唔鞋唔韌，完全唔黐牙，肉質紋理清晰，整體偏甜但好好味！不過食到最尾，隻鐵板有啲燶，冇咁靚囉珍菌蘑菇包 ($48)唔再有新意嘅蘑菇包，但呢個又整得好靚，個包嘅面真係好似菇咁樣一岩一攙，第一口覺得點解有朱古力味嘅？！食真啲原來係菇味，仲好濃添，但入面嘅菇餡就好似少咗啲，不過食完之後個after taste好勁脆焗蝦多士 ($98)一碟6件，失望咗！好似係就咁簡單一件多士，上面放幾件蝦肉，再鋪一塊卡夫芝士，好求其啫！食落個多士雖然香脆、蝦肉都嫩滑(但冇味)、而芝士就溶溶哋咁囉，真係好簡單，而且用一塊咁嘅芝士實在downgrade咗整道菜瑤柱荷葉飯 ($198)原塊荷葉包住嘅飯份量好足，入面嘅料例如豬肉雖然瘦但一啲都唔鞋；蝦乾勁香，飯粒乾身，回味無窮養顏紅棗糕 ($48)雖然煙韌度足夠，但紅棗味唔夠濃，有啲失色呢度個景真係好靚，食物價錢當然係包咗嘅，但食物質素唔係超級amazing嗰種。如果真係想食景嘅，食樓下間韓國雞更化算。