新記煲仔雞粥 (已結業)

天氣轉涼，突然想吃粥，於是到又新街的新記雞粥。熱情的店員先招呼我們坐下，再遞上餐牌。原來新記雞粥除了粥還有很多選擇，於是又點了幾款小食配粥吃。生滾鮮蟹粥粥底用泰國絲苗米熬製而成，細密綿滑，每鍋粥有半隻新鮮蟹，令蟹粥味道更鮮更甜。金牌貴妃雞用上多種藥材及香料醃製，雞肉嫩滑入味，充滿咸香味，很適合配粥一起吃。鯪魚球即炸的鯪魚球外皮炸得香脆可口，內裡的鯪魚肉爽口彈牙，配上蜆蚧醬汁更添鮮味。脆皮乳鴿乳鴿外皮炸得很脆很香口，肉質仍保持嫩滑，而且醃得入味，即使不蘸椒鹽也很夠味。泰式青檸冰酸酸甜甜，清涼解渴，很適合配搭各種小食。

放工後和母親來到元朗又新街新記煲仔粥店，地方企理乾淨，仲有電視睇。冷氣好夠，食粥都唔驚熱~火腿炒米粉$29:米粉幼滑來身，火腿等配料舖在底~貴妃雞粥$51:貴妃雞呈現澄黃色雞油， 雞件好滑，雞肉在口中咀嚼時會越嚼越香。粥底好足料鮮甜，貴妃雞的油香滲透粥裡，所以粥底完全不需調味，散發淡淡的香氣。脆皮乳鴿$59:一上枱已聞到香噴噴燒乳鴿味，皮脆肉嫰，幾有肉地，不用點淮鹽吃都好夠味， 十分推薦﹗蔥花蝦米腸粉$19:腸粉透薄爽滑，蔥花蝦米惹味，豉油剛好不會咸~椒絲炒通菜$42:通菜爽脆嫰綠，十分香口微辣。凍豆漿$9:給母親老人家健康之選~凍柑桔蜜$18:柑桔蜜潤喉解潤~

呢次同朋友到元朗食晚飯，去左又新街果間新記煲仔雞粥，我地六點鐘食飯就冇咁多人，一到七點左右就要等位了。餐牌有好多選擇見到好似樣樣都好美味，粥品種又多，我地叫左馳名海鮮粥。馳名海鮮粥：帶子好爽口，魚又好爽，蝦又大大隻爽口彈牙，蟹又好新鮮蟹肉又夠實，粥好鮮甜又夠綿，真是美味可口。脆皮乳鴿熱辣辣外脆肉嫩，又有肉汁，不用沾上椒鹽已經夠入味😋好少地方有蝦米炸兩腸粉吃，見到呢度有緊系叫一碟來試下，蝦米仔不會好硬都幾好味，腸粉皮又不會太厚幾滑溜，包住油炸鬼一起食非常美味👍👍👍炸魷魚鬚粉夠厚，魷魚又不會韌，上碟又熱辣辣。七喜龍眼冰不會太甜又有幾粒龍眼肉。鳳爪夠入味又無骨，酸酸地甜甜地辣辣地幾開胃的一個小食。

論食雞粥，對面嗰間出名d,但食過味道麻麻。今次試新記實在係無得彈。款式多，味道好，又夠哂抵食！貴妃雞粥每枱都叫，一煲大概有五大件。類似鹽焗雞，配粥不錯。不過雞我覺得鹹左少少，下次會試海鮮類。粥最緊要係夠哂滾，所以特別正。另外，哩到小菜都有好多款，嚟多幾次都唔會悶。涼伴揀左海蜇生腸，雖然細細碟，但食落份量又唔算少。佢個汁做得不錯，應該加左麻油特別香，少少辣同好香蒜味，宵夜食就一流。粥店少不了腸粉。蔥花蝦米腸大大份，夠抵食。腸粉較幼，而且唔會過鞋，一啖一條。蝦米唔會太乾身夠香，蔥花又新鮮又夠多，算係做得不錯。最後唔少得招牌脆皮乳鴿，嚟新記係必食嘅。真係熱辣辣，做得比某些酒樓更要出色。外皮脆，肉質嫩，肉汁香，唔點任何調味料都夠哂味。