影片
更多
2010-06-03
141 浏览
前日(1-6-2010 Tue)應女友人LL之約,出席為佢爸爸LKH o既生日晚飯,同LL商量去邊o度食,佢揀o左呢間,book o左7位,有LKH o既太太,佢大女婿,女友人DC同我男友.由於我同男友去o左買花所以遲到,o黎到時佢o地都到齊,而且食o左啲前菜,唔緊要啦.LL都點好菜叫侍應上菜,等o左好耐至上第一道菜.1. 玫瑰露油雞.都算幾香,肉質滑,唔太肥.2. 椒鹽豆腐豆腐細細粒,外層仍脆,椒鹽唔太香口,只有微辣.3. 翠肉瓜炒煙鴨胸其實煙鴨胸係來貨,間間酒樓食o既味道都一樣,翠肉瓜冇乜問題啦.食食吓叫o左一壺$38.00o既客家娘酒,侍應話其實係糯米酒,酒精係11度,甜甜地易入口.我o地都分到1-2杯o既,酒真係甜甜地好易入口.4. 脆炸牛坑腩牛坑腩夠腍同有好濃o既牛味,但外層薄薄o既炸粉唔脆,而且都甩甩地.呢個只係賣一丁點o既創意.5. 唔記得咩煨五花腩一件得個啲咁多,真係唔知夠邊個食,伴菜竟然唔係菜心而係芥蘭,芥蘭唔苦好腍,五花腩口惑唔太油,都幾好味.6. 杞子小棠菜有好多小棠菜頭,呢個清清地咁.7. 唔知咩魚塊咀'鵰'o既LKH話唔好食,唔新鮮,我又覺得唔係喎,都幾鮮味,
由於我同男友去o左買花所以遲到,o黎到時佢o地都到齊,而且食o左啲前菜,唔緊要啦.
LL都點好菜叫侍應上菜,等o左好耐至上第一道菜.
1. 玫瑰露油雞.
都算幾香,肉質滑,唔太肥.
2. 椒鹽豆腐
豆腐細細粒,外層仍脆,椒鹽唔太香口,只有微辣.
3. 翠肉瓜炒煙鴨胸
其實煙鴨胸係來貨,間間酒樓食o既味道都一樣,翠肉瓜冇乜問題啦.
食食吓叫o左一壺$38.00o既客家娘酒,侍應話其實係糯米酒,酒精係11度,甜甜地易入口.我o地都分到1-2杯o既,酒真係甜甜地好易入口.
4. 脆炸牛坑腩
牛坑腩夠腍同有好濃o既牛味,但外層薄薄o既炸粉唔脆,而且都甩甩地.呢個只係賣一丁點o既創意.
5. 唔記得咩煨五花腩
一件得個啲咁多,真係唔知夠邊個食,伴菜竟然唔係菜心而係芥蘭,芥蘭唔苦好腍,五花腩口惑唔太油,都幾好味.
6. 杞子小棠菜
有好多小棠菜頭,呢個清清地咁.
7. 唔知咩魚塊
咀'鵰'o既LKH話唔好食,唔新鮮,我又覺得唔係喎,都幾鮮味,口質都滑.
8. $98.00o既瑤柱雞粒砂窩飯
呢個係LKH驚我男友唔夠飽,叫我o地叫炒飯,但冇炒飯,我o地就決定叫呢個.
上枱時呢個熱辣辣o既,啲飯好濕,味道似有蠔油,瑤柱唔係好多.
9. 送o既甜品－壽桃
裡面熱辣辣o既白蓮唔太甜,有蛋黃,但蛋黃算乾.
標題為'有heart',係因為呢間酒樓知道我o地呢餐係為LKH慶祝生日,佢o地就自動送壽桃作為我o地o既甜品,呢樣係窩心o既.
服務:
上菜好慢,就連叫o左客家娘酒佢都可以唔係即刻拎到o黎.
開頭唔收o野,要叫至收.
環境:
好好啦,雖然唔係對住維港夜境,但都坐得好舒適,夠寬敞.
呢餐飯用匯豐信用咭找,有折,折實係$967.00
张贴
