影片
更多
2010-06-03
141 浏览
前日(1-6-2010 Tue)应女友人LL之约,出席为佢爸爸LKH o既生日晚饭,同LL商量去边o度食,佢拣o左呢间,book o左7位,有LKH o既太太,佢大女婿,女友人DC同我男友.由于我同男友去o左买花所以迟到,o黎到时佢o地都到齐,而且食o左啲前菜,唔紧要啦.LL都点好菜叫侍应上菜,等o左好耐至上第一道菜.1. 玫瑰露油鸡.都算几香,肉质滑,唔太肥.2. 椒盐豆腐豆腐细细粒,外层仍脆,椒盐唔太香口,只有微辣.3. 翠肉瓜炒烟鸭胸其实烟鸭胸系来货,间间酒楼食o既味道都一样,翠肉瓜冇乜问题啦.食食吓叫o左一壶$38.00o既客家娘酒,侍应话其实系糯米酒,酒精系11度,甜甜地易入口.我o地都分到1-2杯o既,酒真系甜甜地好易入口.4. 脆炸牛坑腩牛坑腩够腍同有好浓o既牛味,但外层薄薄o既炸粉唔脆,而且都甩甩地.呢个只系卖一丁点o既创意.5. 唔记得咩煨五花腩一件得个啲咁多,真系唔知够边个食,伴菜竟然唔系菜心而系芥兰,芥兰唔苦好腍,五花腩口惑唔太油,都几好味.6. 杞子小棠菜有好多小棠菜头,呢个清清地咁.7. 唔知咩鱼块咀'雕'o既LKH话唔好食,唔新鲜,我又觉得唔系㖞,都几鲜味,
由于我同男友去o左买花所以迟到,o黎到时佢o地都到齐,而且食o左啲前菜,唔紧要啦.
LL都点好菜叫侍应上菜,等o左好耐至上第一道菜.
1. 玫瑰露油鸡.
都算几香,肉质滑,唔太肥.
2. 椒盐豆腐
豆腐细细粒,外层仍脆,椒盐唔太香口,只有微辣.
3. 翠肉瓜炒烟鸭胸
其实烟鸭胸系来货,间间酒楼食o既味道都一样,翠肉瓜冇乜问题啦.
食食吓叫o左一壶$38.00o既客家娘酒,侍应话其实系糯米酒,酒精系11度,甜甜地易入口.我o地都分到1-2杯o既,酒真系甜甜地好易入口.
4. 脆炸牛坑腩
牛坑腩够腍同有好浓o既牛味,但外层薄薄o既炸粉唔脆,而且都甩甩地.呢个只系卖一丁点o既创意.
5. 唔记得咩煨五花腩
一件得个啲咁多,真系唔知够边个食,伴菜竟然唔系菜心而系芥兰,芥兰唔苦好腍,五花腩口惑唔太油,都几好味.
6. 杞子小棠菜
有好多小棠菜头,呢个清清地咁.
7. 唔知咩鱼块
咀'雕'o既LKH话唔好食,唔新鲜,我又觉得唔系㖞,都几鲜味,口质都滑.
8. $98.00o既瑶柱鸡粒砂窝饭
呢个系LKH惊我男友唔够饱,叫我o地叫炒饭,但冇炒饭,我o地就决定叫呢个.
上枱时呢个热辣辣o既,啲饭好湿,味道似有蚝油,瑶柱唔系好多.
9. 送o既甜品－寿桃
里面热辣辣o既白莲唔太甜,有蛋黄,但蛋黄算干.
标题为'有heart',系因为呢间酒楼知道我o地呢餐系为LKH庆祝生日,佢o地就自动送寿桃作为我o地o既甜品,呢样系窝心o既.
服务:
上菜好慢,就连叫o左客家娘酒佢都可以唔系即刻拎到o黎.
开头唔收o野,要叫至收.
环境:
好好啦,虽然唔系对住维港夜境,但都坐得好舒适,够宽敞.
呢餐饭用汇丰信用咭找,有折,折实系$967.00
张贴
