慢煮工業 (已結業)

同朋友行行下街有啲攰，見到有慢煮工業，外面望入面環境都幾靚，就入去試吓下午茶時段環境清幽，以黑色為主，令人覺得好舒適，好啱朋友坐低high tea傾計黑松露薯條薯條炸得金黃酥脆，屬於粗款薯條，份量又足仲一啲都唔油，配合埋黑松露醬香氣十足，不知不覺好快食晒成兜！迷你朱古力布朗尼配雪糕見到擺盤灑上糖粉同彩色糖碎已經覺得好靚，朱古力布朗尼甜得黎又唔膩，濃濃嘅朱古力味，口感紥實，啱晒鐘意食朱古力嘅人荔枝接骨木花特飲荔枝味好重，少少接骨木花嘅香氣，好fresh好清新蜜桃水果茶成杯野都好足水果，好多蜜桃粒粒，菠夢同藍莓，飲落好重蜜桃茶味好清新，食完甜品飲返啖即刻解返膩，又可以再食過脆辣一字雞翼雞翼炸得好脆又香口，灑上少少孜然辣粉，又唔會好辣好刺激到味蕾，份量亦好足，配合埋附上嘅黃芥末醬，可以改變吓味道無咁易覺得膩，再飲返啖荔枝特飲即刻refresh返

慢煮工業喺太子有兩間店，我去開白揚街嗰間，餐廳有兩層，上層都多座位，燈光偏暗，環境氣氛舒適，好適合同朋友gathering！我係星期一晚去，都全院滿座，大家最好預先book位喇！佢哋主打慢煮肉類，每款肉嘅價錢都非常合理，性價比好高，今次只係試咗豬，下次想試埋牛同羊！•🥢法式豬鞍扒 $98是日最驚喜🤤 豬扒好軟腍，好juicy！完全唔乾唔嚡又唔油膩👍🏻👍🏻👍🏻有輕輕的咸味，旁邊配上蘋果蓉，建議大家食咗豬扒先食其他濃味嘢。•🥢美式烤豬仔骨 $78 (4支骨)豬仔骨好嫩滑juicy、厚肉，表面充滿bbq醬汁，好入味，少少甜酸好惹味！•🥢三重芝士薄餅 $78薄餅的中間位置似麵包質地，圍邊烘到脆脆哋似餅乾口感，芝士唔會過咸，但芝士味可以再重啲。•🥢燒bb露荀 +$38Menu入面有啲「升級伴碟」可選擇，以為係會跟主菜一齊上，但露荀竟然係第一道上嘅菜式🤔 露荀比較油膩，有少少苦澀。•🥢脆辣一字雞翼 $68(十隻)雞翼炸粉偏厚，但好脆👍🏻肉質尚算嫩滑，小辣好惹味，配上蜜糖芥末，擺咗一陣都仲係熱辣辣。•🥢洋蔥圈 免費Like  社交平台 page送洋蔥圈，洋蔥圈好脆，唔油膩。•🥢 熱情水果特飲 $38

真空低溫烹調法，又稱慢煮，近年嚟喺香港發展急速上升，唔少主打年輕食客嘅文青店舖都以呢種煮法做招徠，希望引入慢煮技術，為食客提供一個新式嘅選擇。今次嚟到慢煮工業晚餐，希望同朋友聚舊之餘亦都可以一試呢間文青食店。極黑安格斯牛魔王肉眼要食慢煮西餐，一班牛魔王又點能夠錯過餐牌上面嘅極黑安格斯牛魔王肉眼？望落去雖然同一般煎牛扒無任何分別，但係切出嚟之後明顯肉質非常稔，同時牛味亦都無流失，加上少少迷迭香同海鹽嘅點綴，為呢一塊安格斯肉眼生色不少，整體嚟講的確算係上佳。輕食拼盤 及 脆辣一字雞翼再介紹下輕食拼盤，入面有炸洋蔥圈、炸蝦、炸蠔、炸薯條、單骨雞翼及芝士條，講出嚟可謂一啲都唔輕盈。所有嘅小食都尚算中規中矩，反而值得一提嘅係佢嘅脆辣一字雞翼。脆辣一字雞翼炸得非常脆口，而且特地切開做單骨方便食客一口就完成，配以啤酒類飲品十分登對。但可以改善嘅地方係辣度可以再提升少少，食落去可能會更加上癮！威靈頓牛柳喺香港，可以食到威靈頓牛柳嘅地方唔多，而呢個菜式從來都係非常有技巧。可惜慢煮工業嘅威靈頓牛柳可能會令一眾牛魔王失望，雖然賣相望落去酥皮都算金黃，但係一切落去就會發覺成個威靈頓牛柳好唔一體，酥皮、巴馬火腿

之前晏就食過太子另一間慢煮工業店面同樣都以霓虹燈牌，十分搶眼同樣喜歡店內裝潢，都係走灰色系既工業風——————————————————————2間比較，尼間大點，有2層比較西餐廳，有扒等肉類為主亦有酒bar位置，幾岩happy Friday night 🍸另一間主打輕食d，似cafe啲本身都中意佢既pizza尼個份量唔會太多2個人share仲可以再叫其他野食而尼款比佢個名(爆谷雞)幾新穎而所吸引但食落冇咩特別，仲乾左dd🧐好脆好香口有d似脆香雞翼，唔會太咸而且熱辣辣好正另配有芥末醬，個人覺得唔dip醬已經夠味搖搖盤有青口; 扇貝;八爪魚仔;魷魚仔海鮮口感唔差，但整體都比想像中細隻d但個lobster sauce 濃得黎帶點點蒜既辣味，味道不錯而薯角吸哂啲sauce，幾惹味水果茶黎到似檸檬茶😂但都幾有茶味，芒果🥭蜜桃🍑搾成細細既蓉每啖都飲到d朱古力甜度都不錯上面既泡沫都幾厚幾綿好喜歡西西里醬個種蕃茄味清新d，酸甜開胃份量都好足料，肉醬滿滿的焗到有點焦既芝士鋪滿面頭有d邪惡但好食

搵食行遠d今日去到太子！黎到呢間好chill 好local 既慢煮工業食西餐。廢話少講，去食評！脆辣一字雞翼：勁香口，好食過kfc 同m記d 雞翼，最正偽佢只係得單邊骨，一啖就可以食晒d雞肉，爽！配上honey mustard 醬超夾！黑松露蕃薯條：實冇死的選擇，黑松露味道香濃，好夾蕃薯條。法式豬鞍扒：味道唔會太咸，口感唔錯，重點係有pat 蘋果蓉伴碟，夾埋d豬去食即刻冇咁油膩。龍蝦汁香蒜大蝦意粉：濃濃龍蝦汁沾滿每條意粉，兩大隻大蝦新鮮肉質彈牙。聽聞d 牛扒好出色，不過我地唔食牛所以冇得試，大家不仿試下😬

今晚去咗呢間餐廳食晚飯,一入到去上2樓,就見到有一set 鼓同埋樂器擺咗喺度做裝飾，幾特別。坐低之後，以二人枱黎講呢張枱都算幾大，坐落好闊落，餐廳嘅裝修都好有格調，放工同朋友喺度飲下酒吹下水都係一個唔錯嘅選擇。叫咗一個主菜同埋兩個小食，首先係極黑安格斯牛魔王肉眼，塊扒煎得幾靚，好靚嘅五成熟，咬落去都好軟好Juicy，牛味好濃，非常好食，就算冇點芥茉醬都唔會覺得好dry,非常推薦！而黑松露醬番薯條就煎得好香脆，個黑松露醬其實就係黑松露加落沙律醬到，但係又出奇地好食，黑松露嗰陣味好香，配落甜甜地嘅番薯條度，味道非常夾，適合一大班人share食！最後係脆辣一字雞翼，佢哋炸雞翼嘅時候將雞翼斬開一半嚟炸，每隻雞翼都係得一條骨，食個時方便好多，呢一點幾貼心！而雞翼嘅味道就有啲似麥當X嘅脆香雞翼，再配埋蜜糖芥茉醬一齊食，中和返少少雞翼嘅辣味，亦都令個雞翼Juicy啲👍🏻味道一流本身都好想試吓威靈頓牛扒，可惜要前一日定先去有得食，但係呢一間餐廳都好值得encore，下次黎食一定會預訂左先！食完出餐廳都見到有好多人喺度排隊等緊，睇嚟餐廳嘅質素都好有保證👍🏻非常推薦

支持 #黃色經濟圈 💛與好友來到位於太子的慢煮工業，因為看到網上評價不俗，本來期望也挺高，但親身嘗試後卻稍稍失望呢🙈美式烤豬仔骨🐷($78)燒烤汁甜甜的很開胃，豬仔骨肉質軟滑，用刀叉很容易就能切開，但煮得不夠入味脆辣一字雞翼🐔($68)味道跟麥X勞的脆香雞翼差不多，勝在新鮮炸好，熱騰騰的很juicy，而且切成一字，吃得更優雅墨西哥粟米片🌮($78)Nachos配上辣肉醬和芝士是經典的配搭，加上帶淡淡檸檬香的牛油果醬和sour cream，味道perfect😋安格斯牛魔王肉眼🐂($188)這個我們都懷著最大期望，但最終上桌的是一塊帶著滿滿肉筋和肥膏的牛排🙊雖然味道不算驚艷，但價錢很相宜，如果只點小食和啤酒，跟三五知己聊聊天，其實是不錯的選擇💛

◆Summary◇面積大，環境唔錯。推介🥢一字雞翼同🥢龍蝦意粉。性價比中高🆙————————————————————1⃣◆脆辣一字雞翼◇HKD68辣熱熱🔥炸起即刻上菜, 咬落好脆好juicy微辣嘅雞翼點蜜糖芥末醬好夾 辣辣地加上d甜酸味好開胃😋份量方面有成10隻 cp值超高 😝2⃣◆龍蝦汁香蒜大蝦意粉◇HKD88大蝦燒得好脆🦐肉又夠彈牙意粉呢就煮啱啱好🈴唔會太淋龍蝦汁撈埋d意粉食就perfect大蝦換埋龍蝦會更加正🤤3⃣◆美式搖搖海鮮盤◇HKD168香蒜汁非常creamy，少少辣海鮮有青口帶子魷魚蝦等等，仲有超甜既🌽蒜蓉味配海鮮一流 食落好滿足啊

想食慢煮工業好耐終於book到同朋友慶祝生日要前一日就預訂威靈頓牛柳一到步，第一道菜式就係上威靈頓酥皮包住牛肉，仲有焗原個蒜頭既配菜一切開，非常之香，酥皮內有ham包住蘑菇泥再包住牛柳就咁食就略嫌有點鹹但配搭住焗蒜一齊食就冇咁鹹，味道更加好食第二道菜式就係芝士溫泉蛋大啡菇一切開溫泉蛋既蛋汁就流出黎食辣辣好好食第三道菜式就係十件脆辣一字雞翼非常香脆，仲配上蜜糖芥末醬第四道就係芝士煙肉薯條拼蕃薯條勁大碟，三個人先勉強食得完蕃薯條好甜，配合芝士都好夾薯條點蕃茄醬或芝士煙肉都好味如果覺得太溜既時候都建議點蕃茄醬因為朋友生日，預訂左件new york cheesecake上枱時仲寫上happy birthday非常之靚總括來說，地方非常適合傾計，仲有野食都好好味下次再去，會叫手工啤試試

慢煮的烹調方式也許聽過許久，但一路都沒有機會品嚐。品嚐過＜慢煮工業＞後，我就愛上了慢煮烹調。除了食物吸引我之外，環璄亦替這次的用餐加了不少分數，環璄像一間酒吧，但是不會很嘈吵的，是可以跟朋友詳聊的一間樓上酒吧＜極黑安格斯牛魔王肉眼　１２安士＞平時都是食五成熟牛扒的我，開始時我為了不能夠選擇生熟度而擔心。但後來超美味的肉眼就一邊打著我的臉，一邊笑我的無知。這肉眼擁有平時五成熟般的鮮嫰度，牛肉的味道；但不會因為為了牛肉的新鮮，就會血淋淋般放在你的面前，始終有些人會抗拒太新鮮的牛扒。但經過慢煮之後，大家就可以食到熟透但鮮甜嫰滑的肉眼扒了。＜脆辣一字雞翼＞之前，我不會想像燒雞翼可以燒得雞翼充滿肉汁？但食過＜慢煮工業＞的那些辣雞翼後，我才知道雞翼，可以烤跟嫰滑並存。而伴碟的那個蜜糖芥茉醬絕對有提升烤雞翼的味道和層次＜溫泉蛋卡邦尼意粉＞雖然這個名字平平無奇，但我郤真的被這意粉驚艷到。主要是被溫泉蛋的化學作用所吸引，本來卡邦尼意粉應該是一般菜式，但將半熟的溫泉蛋跟意粉搞攪拌之後，這個意粉的味道級數是有著幾何級數的提升。這個意粉是我食過最好味的意粉。＜焗農夫包湯＞本身濃郁的南瓜湯已經令人十分滿意，再加

再次到訪慢煮工業☺️上一次食慢煮已經係兩年前啦！今次再次到訪 決定試下其他菜式☺️🥩 安格斯西冷牛扒 8oz $98有分8oz同16oz 兩個人嗌左8oz試試肉嘅顏色粉紅色的 半生熟肉質尚算嫩滑 牛肉味都夠👍🏻🍖 美式芥末豬脾仔 $78略嫌豬脾仔硬左啲 比較難切 咬都有難度呀味道不錯嘅😉🍗 脆辣一字雞翼 $68單骨雞翼 食落方便 炸得好香脆其實唔辣架 醬汁係芥辣來的 幾開胃👍🏻🍕 慢煮煙肉温泉蛋薄餅 $78一上枱覺得好正呀 温泉蛋彈彈下甘🤩薄餅餡料好多 加埋蛋漿 正呀😛like facebook會送炸雞粒 🙈🍽 慢煮工業🔎 太子白楊街15-19號萬安大樓地下及1樓

位於太子呢間慢煮工業~呢個名唔洗睇咩食評，已經吸引咗我去食佢~店舖外觀都幾靚~令人覺得好似會有Life band表演嗰嘅餐廳咁上到去門口又真係放咗一套樂器喺度喎不過係擺設嚟架啫~地方幾闊落幾舒適香港人心態，見到個威靈頓牛柳要訂，就越想食於是問吓有無得叫，咁啱好好彩咁~有多所以我哋就嗱嗱林叫咗呢個威靈頓先~呢個威靈頓確係好味~又靚仔喎美中不足係我哋把餐刀實在太鈍了切得好辛苦之後就叫咗 法式豬鞍扒呢個豬鞍唔太啱我~我食到好重豬味，只係我唔太鐘意啫但朋友都激讚~話超好味~芝士煙肉薯條呢個薯條~好快就食晒~同埋辣蒜香羅勒蜆肉長通粉唔太特別，不過都ok嘅~係細碟咗啲之後我哋唔夠喉再叫多round~第2 round叫咗蒜香芝士排包呢個排包真係不得了~推介大家一定要試叫咗20隻脆辣一字雞翼~呢個雞翼我都鐘意食，傾計吹水食佢一流仲叫咗個三重蝦薄餅都好食嘅~不過食完呢個薄餅就ko咗我哋喇因為之前覺得個薯條好味，我哋仲叫多一次但食完個薄餅太飽，我哋食淨咗好多薯條做咗大嘥鬼整體嚟講呢間慢煮工業我比好高分值得嚟試呀各位~

第二次黎慢煮工業喇！因為呢度氣氛實在唔錯，都坐得幾舒服~威靈頓牛柳 (期間限定$188/ 10安士) 原價$248，賣相好可愛，係一舊焗咗既麵包，焗到好靚~個牛柳切開咗2份，麵包入面有一舊大牛柳同有啲野菌夾係中間，好香好吸引！牛柳好重牛味，食落比較有口感。反而最令人驚喜既係野菌焗麵包，食落好似酥皮湯啲皮咁，厚身少少，煙煙韌韌，仲吸收哂野菌既味道~~ 脆辣一字雞翼 ($58/ 10pieces) 食落有少少似M記既炸雞翼，外脆肉軟，點埋個汁就仲perfect~温泉蛋卡邦尼意粉 ($78) 隻温泉蛋脹卜卜好吸引。意粉吸汁之餘彈力都十足，口感好好，只係我唔記得要走洋蔥🙈