強記美食

营业中

休息中

食完西班牙菜，有點飽亦有點膩，要食下甜品中和下。我和T先生想食中式糖水，但在灣仔區既選擇唔太多，抱住唔食都冇咩問題既心態由灣仔行去銅鑼灣，突然比我諗起強記美食，於是😁😁已經9點多，入座率都有7-8成。粥和炒麵已經售罄，T先生想食啲小食，於是揀左香煎蝦米腸粉。腸粉有煎過係香口啲，再混入甜醬，令人好想食落去😆糖水呢～～我揀左腐竹薏米糖水腐竹煲爛晒成奶白米色，係我鍾意既口感，內裡有煲腍既薏米，略嫌薏米少左啲；甜度適中，腐竹味/豆味算濃😇 我幾鍾意😊T先生揀香草陳皮綠豆沙 — 豆多足料，而且煲到起晒沙，食到陳皮陣陣香草味，而且不會過甜，我地都好鍾意強記美食由車仔檔開始，由2016年起到依家，年年都入米芝蓮推介，價錢合理，味道亦不錯，所以都keep住有人幫襯。

襯天氣仲未回暖，好想搵個臘味糯米飯食，去搵返細個冬天會食到臘味糯米飯嘅味道。所以今晚就去左間灣仔名店去試下佢地既出品。其實自己都叫做半個灣仔人，成日都喺灣仔一帶出沒，亦喺唔同既媒體了解過今次去食既餐廳，但親身體驗今次先喺第一次。當晚大約8:30去到，名店就係名店，要排隊等約十張檯到。等緊途中有店員出嚟表示新登記既就會無晒糯米飯，真係好好彩可以上到尾班車。而最後等左三、四個字到就入得。既然咁難得就盡量叫想食既啦。鴛鴦腸臘味糯米飯上檯見到兩一對臘腸加埋油潤既糯米飯，同埋香噴噴既臘味香味就知道係冇黎錯地方喇。一啖糯米飯入口，夠乾身，充滿油香。調味啱啱好。對鴛鴦腸蒸得啱啱好，咬落條臘腸到d油香會爆發出黎。至於條膶腸，連一個唔好膶腸既我都忍唔住食左半條。味道甘香軟硬適中。如果唔係仲叫左其他野食，真係會想再叫多碗。膽固醇嘅嘢都係食埋今餐先講🙈喜愛度(5分為滿分): 4.5煎腸粉加雞蛋一碟看似普通既煎腸粉，上檯時已經有適量既豉油淋左上面。腸粉煎到外脆內軟就不在話下。加埋雞蛋去一齊煎估唔到可以提升到個味道咁多。係個種喺腸粉個米香之外加咗淡淡嘅蛋香，就連甜醬都唔需要加，都會令人食不停口。喜愛度(5分為滿

細個補習成日經過都食，難得長大又經過要懷緬下。2021年9月中已經搬左新舖，相片中係以前街邊舖。依加已經搬左去新裝修，室內座，光猛，坐得比較舒服。䇄立左72年老舖，2016-19年有香港米芝蓮小食推介。主要賣地道小食，美食，傳統中式糖水。✨味道75分，服務72分。.🔸雜錦臘味糯米飯($39>$45)⭐️糯米飯煮得剛好，糯米粒粒分明，唔會黐埋哂一pat，糯米飯味道鹹得來又甜甜地，整體又唔會太油，混埋臘腸，臘味一齊炒，香噴噴。.🔸腐竹薏米糖水($24>$27)(加雞蛋 +$4)糖水好濃郁，味道不錯，唔會死甜，薏米可以再煮爛啲，加埋雞蛋好正！

冬天除咗要食煲仔飯之外，仲一定要食返碗糯米飯先得👍🏻強記美食喺灣仔開咗七十年，今年搬咗新舖，就喺舊舖附近，唔洗擔心搵唔到！👆🏻新舖門面唔似以前街坊小店咁，「乾淨、整齊、靚仔」過舊舖，而廚房亦唔係以前嘅開放式，改咗入舖 👇🏻堂食位置亦都多咗好多🪑雖然唔闊落，但坐得算舒服👍🏻👆🏻新餐牌👇🏻依舊有臘腸/潤腸糯米飯🍚👆🏻亦有暖笠笠嘅砂鍋粥👇🏻仲有魚肚翅🥣同糖水🥰👇🏻臘腸雜錦臘味糯米飯🥣糯米飯粒粒分明，又軟糯👍🏻材料都好豐富🥰有臘腸、潤腸、臘肉、冬菇等等，臘腸香甜得嚟唔油膩🤣潤腸有淡淡嘅酒香🤣而臘肉令成碗飯都充滿油香🥰👇🏻腐竹薏米糖水🥣啲腐竹係煲到溶晒嘅，所以好滑又濃味，而且唔太甜👍🏻薏米有咬口🥰