稻八日式火鍋炸物放題 (已結業)

今晚接女友收工，發現荃灣開了稻八，以前係太和食過都ok,於是就同女友去試下，因為無預約無左85折，有點肉痛，下次要記得訂位。鍋物以安格斯牛小排最吸引$238一位，價錢都正常,地方很大.自助區比我想像更多選擇，女朋友好開心的行來行去，取了很多食物。比較得我心是：手打烏冬，彈牙靚貨，響鈴夠脆，浸一浸湯很有口感。皇帝菜，金菇必取，湯底好多新款.我最後選了壽喜燒甜醬油湯，配牛肉一流，牛肉入口即化，食材有水準牛柳粒灼耐些，都不鞋有油脂位，牛肉味比較濃，另外羊肉不太羶，夠薄，灼一灼就食得都很好吃牛柳粒 - 牛味好濃. 最特別原來有天婦羅自助區，女友炸了冬菇，芝士年糕，青椒，南瓜，感覺又幾脆幾香口，幾好玩禁。醬料區自助取，都有10多款選擇，很全面。飲品很多款式: 道地, MEKO, 可口可樂,康師傅...牌子. 甜品: DREYER'S 雪糕, 日式茶果, 雪米糍. 

週四晚收工後就同男朋友搵飯食，試左呢間稻八日式火鍋炸物放題，價錢唔貴，質素都唔錯喎一共有6個價錢，定價$168-$368，任食120分鐘，9:30pm後入座仲有全單85折。餐廳裝潢帶日本風，空間感足，分佈唔會密密麻麻，牆上仲有幾靚嘅壁畫。有個角落掛左好多許願木牌，客人可以喺門口位置自取，寫上願望，都幾特別嘅。所有套餐包肉類任食，蔬菜、丸類等自助吧自取，另外設有DIY炸天婦羅吧，客人可以親手試做天婦羅，沙律吧、雪糕、糯米糍都係任食，飲品任飲，選擇豐富。湯底有8款，例如鮮蕃茄湯、沙嗲湯、北海道3.7牛乳牛骨湯等，雙味湯底每鍋加$18。我地揀左一個除左牛、豬、羊、雞、炸物，仲包埋刺身嘅牛小排放題($238)，每位加$20可任飲啤酒Asahi，會飲酒嘅抵鮮蕃茄湯底就冇乜特別啦，都有幾片蕃茄同少少茄味，呢啲湯底都係自己拎材料再調較味道啦，加啲粟米、冬瓜片、南瓜片。極上安格斯牛小排放題 $238呢個餐包括特級美國榖飼牛、美國進口牛肉、羊肉、美國自然豚肉片、日本北海道雞片、炸物、刺身任食，兩位起會送一份海鮮盛合。$238以上嘅套餐可任選刺身，點其他餐嘅客人如果想食就要單點，逐件計錢，$3-$5/件。