捌加廿陸天婦羅居酒屋

营业中

休息中

新開咗一排嘅天婦羅店終於有時間去試，見到網上面keep住係好多人排隊食，食次突登等佢晚市(17:30)一開始就去食，竟然都有人排緊隊等開門。店入面地下係bar枱形式，2樓就好似要預約先有得坐上去，整體裝修都係間好打卡嘅日式嘅餐廳。3個人去分別叫咗3個天婦羅定食同兩款小食share，佢啲set好似車仔麵咁，可以自由揀餸，本身個定食就有湯、前菜同生果。唐揚魷魚鬚 & 雞皮餃子小食叫咗魷魚鬚同雞皮餃子，雞皮餃子好好食，個餡好大舊漲卜卜，平時有時食到係好hea好細舊冇乜餡。我叫咗蝦，半熟蛋，牛肉餅同蓮藕(本來想試那哥魚可惜佢冇晒)，全部即叫即整，所以都要等20分左右先有得食。其中半熟蛋炸得啱啱好，仲可以keep 到好流心嘅效果，但牛肉餅有啲似扁身扎實嘅牛肉球但食落有啲羶味。另外都有試埋朋友嘅其他天婦羅，其中必叫嘅係鰻魚同虎蝦，餐肉都唔錯。

旺角呢間天婦羅居酒屋近期大熱吖，終於有機會嚟食❣️襯著中秋節假期，同男朋友起屋企耍廢左大半日，於是乎落街尋覓美食，本身知道《捌加廿陸》好近男朋友屋企，但係之前望極都唔見有，原來佢位置起平時唔會去行果條街😆我地諗住未肚餓就七點先落去啦，點知已經係人龍🥹排左成粒鐘先入到居酒屋🏮。未入去前，店面設計好有特色，連路過既小朋友都一眼睇得出係食日本野😚😚，店內座位係有吧枱同樓上的榻榻米，（見網上話原來3人以上可以打電話訂位坐樓上）坐吧枱既大多數1-2位，個人喜歡坐吧枱，因為可以望住師傅即炸天婦羅🍤療癒感❣️《捌加廿陸》最出名係即叫即炸、自家製天婦羅，主食中最受歡迎係自選天婦羅丼定食，定食奉送白飯［可轉冷/熱烏冬或蕎麥面］、龍蝦味噌湯、前菜，共有27種天婦羅供選擇。今次我地夾埋揀咗11種無相同😎🤎自選天婦羅丼配白湯蕎麥麵大粒爆滿廣島蠔、黑虎蝦、秋葵、蟹柳、金菇、四季豆。熱湯有白湯/黑湯，白湯味道似豬骨湯，好好味喎，黑湯係鰹魚湯下次先試🙌🏻，天婦羅想食邊款自己揀，呢個概念真係好正🫰🏻🧡自選天婦羅丼配冷烏冬紫蘇蝦膠、牛肉餅、粟米芯、茄子、蓮藕，牛肉餅勁似壓扁左既牛筋丸，炸紫蘇似薯片，食唔出紫蘇獨有既味道👅，